ဆယ်နှစ်ထက်မကမင်းကိုပိုပြီးချစ်ခဲ့ပါတယ်(MM Translation)Complete✔✔✔✔

EP55(U+Z)

EP55 အိပ်မက်ဆိုးနဲ့ နာကျင်မှု

အကယ်၍ တစ်စုံတစ်ယောက်သည်
သင့်အတွက် အလွန်ပင်အရေးကြီးပါက အချိန်များစွာကုန်လွန်လာသည်နှင့်အမျှ
သင့်နှလုံးသားပေါ်တွင်အမှတ်အသားလေးတစ်ခု အနေဖြင့်စွဲထင်နေလိမ့်မည်။ထိုသူအား သင့်စိတ်ထဲတွင် စွဲမှတ်ထားသည်ဖြစ်စေ,မမှတ်ထားသည်ဖြစ်စေ...ထိုအမှတ်အသားလေးကဘယ်သောအခါမှ ပျောက်ကွယ်သွားမည်မဟုတ်ပါချေ။

အိုက်ကျိယွီသည်ကျစ်ရှုအားစောင်အောက်သို့ဆွဲသွင်းလိုက်ပြီး စောင်အနားလေးများအား ဖိချလိုက်သည်။ရုတ်တရက်ပင် သူ့
စိတ်ထဲ၌ လည်းမသက်မသာဆိုးဝါးစွာခံစားနေရသည်။သူလုပ်သမျှအရာအားလုံးသည် ကျစ်ရှုအဆင်ပြေစေဖို့သာဖြစ်သည်။

အချိန်များစွာကုန်လွန်သည်က မြန်လှချေ၏။သူတို့အတူနေထိုင်လာခဲ့ကြသည်မှာ ဇန်နဝါရီလ လယ်သို့ပင် ရောက်လာခဲ့ချေပြီ။
နောက်နှစ်ပတ်မျှထပ်မံကုန်လွန်ပြီးလျှင်
ပင် ဖေဖော်ဝါရီလ သို့ရောက်တော့မည်ဖြစ်သည် ။ဖေဖော်ဝါရီလသည်တရုတ်နှစ်သစ်ကူးပွဲတော်နှင့်နီးကပ်စေမည့်
ခြေလှမ်းတစ်ခုပင်ဖြစ်သည်။

နာကျင်မှုနည်းပါးချိန်တွင် ကျစ်ရှုကလမ်းအနည်းအပါးထလျှောက်နိုင်သော်လည်းအိမ်ထဲမှာသာရှိနေရင်း အိမ်အပြင်သို့တော့မသွားနိုင်သေး။သူရဲ့နာကျင်နေသည့် ပုံသဏ္ဌာန်ကို ဆိုးဝါးပုံမရအောင်ထူထဲသောကက်ရှမီးယားစောင်အားနွေးအောင်ခြုံထားရင်းလက်တင်ကုလားထိုင်ပေါ်၌သာစာအုပ်များအားအဖော်ပြုလျက် ငြိမ်သက်နေလေ့ရှိခဲ့သည်။သူကတီဗီနှင့် ရုပ်ရှင်များကြည့်ရသည်ကို နှစ်သက်ခြင်းမရှိသူဖြစ်ပြီးထိုအရာတွေက သူ့ကို ပို၍ပင်ခေါင်းကိုက်ခေါင်းမူးဖြစ်လာစေသည်။စာဖတ်ခြင်းသည်လည်းထိုနည်းတူပင်သူ့အားအဆင်မပြေစေသော်လည်း
စာအုပ်တဝက်မျှရောက်သည်နှင့်သူအိပ်ပျော်ပျော်သွားတတ်သောကြောင့် အနည်း နှင့်အများစိတ်သက်သာရာတော့ရစေသည်ပင်။

ကျိယွီအတွက်မူ ယခုအချိန်အကြောက်ဆုံးကတော့ကျစ်ရှုအိပ်ပျော်သွားချိန်ကိုသာဖြစ်သည်။ကျစ်ရှုသည်အမြဲလိုပင်ပန်းနေပုံရပြီးသူနှင့်လမ်းလျှောက်ချိန်ပင်သိပ်မရှိတော့ဘဲအမြဲလိုပိုပို၍ ငြိမ်သက်လာသည်မို့
ပိုပို၍ပင်သူထိတ်လန့်လာခဲ့သည်။တနေ့တွင် ကျစ်ရှုသည် အေးအေးဆေးဆေးပင်အိပ်ပျော်သွားခဲ့ပြီးနောက်ဘယ်သောအခါမှ ပြန်၍နိုးမထနိုင်တော့မည်ကို နေ့စဥ်နှင့်အမျှ
ကြောက်လန့်နေရသည်။ကျစ်ရှုအိပ်ပျော်နေသည်ကို သူ့မှာအချိန်တိုင်းလို စောင့်ကြည့်နေရပြီး နိုးထချိန်တွင်လည်း မျက်တောင်တခတ်မျှမလစ်ဟင်းရအောင် ဂရုစိုက်နေရသည်။ ကျစ်ရှု အား စောင့်ရှောက်လာရင်း
အိပ်ပျက်ညများပင် ရက်ဆက်လာလျက်
ကျိယွီတစ်ယောက်သူ့ကိုယ်သူယခင်ထက်ပင် ပိုမို ပိန်ပါးလာသည်ဟု ထင်လိုက်မိသည်။