ဆယ်နှစ်ထက်မကမင်းကိုပိုပြီးချစ်ခဲ့ပါတယ်(MM Translation)Complete✔✔✔✔

EP47(U+Z)

EP47 လက်စွပ်လေးများ

ပေကျင်းမြို့ရှိ ပွဲတော်များတွင်မီးရှူးမီးပန်းများအား မမြင်တွေ့ခဲ့ရသည်မှာ နှစ်များပင်
အတော်ကြာခဲ့ပြီဖြစ်လေသည်။ကျန်းဝမ်ရွှီသည် ဧည့်ခန်းထဲတွင် တစ်ယောက်တည်း
မတ်တပ်ရပ်နေရင်း ကမ္ဘာကြီး တစ်ခုလုံးတွင်
သူတစ်ဦးသာကျန်ရစ်နေသကဲ့သို့
များစွာအထီးကျန်လျက် မကြုံဘူးအောင်
တိတ်ဆိတ်ငြိမ်သက်လျက်ရှိနေခဲ့ရသည်။
သူ့ရဲ့ ကိုယ်ပိုင် ကမ္ဘာလေးတစ်ခုမှာ
ပြန်ပြင်လို့ပင် မရတော့ဟန်တူသော
အပြစ်များအား မိုက်မဲစွာလုပ်ခဲ့ရင်း
သူ့ဘဝ၏တန်ဖိုးအထားရဆုံးသော
ရတနာလေးတစ်ခုက လုံးဝပင်ပျောက်ဆုံး
ခဲ့ရပြီ ဖြစ်ချေသည်။

ကျန်းဝမ်ရွှီမသိတော့သည်က....

ကျစ်ရှုဘယ်ကို သွားမည်နည်း? ...
နောက်တစ်ခုက ဒီနှစ်များတွင်
ကျစ်ရှုတွင် ရင်းနှီးသော သူငယ်ချင်း
အသစ်များ ရှိ မရှိ ကိုလည်း သူမသိ ။
ကျစ်ရှုနှင့် ပတ်သက်ပြီး သူသိသည်က
သူ့ဖုန်းထဲတွင် ထည့်ထားခဲ့သော
ကျစ်ရှု၏ဖုန်းနံပါတ်တစ်ခုသာ ဖြစ်ပြီး
သူယခုချိန်ထိ ခဏခဏပင် ထိုဖုန်းအား
ဆက်သော်လည်း ဖုန်းက မူ ပိတ်ထားမြဲ။

ဆက်စပ်ကြည့်ပါက ကျန်းဝမ်ရွှီ၏
အတွေးထဲတွင် ကျစ်ရှုနှင့် ပတ်သက်သည်ဟု
သူထင်မြင်ခဲ့သော ဆရာဝန်တစ်ဦးသာရှိနေသည်။ပထမအကြိမ်တွင် သူတို့နှစ်ဦး
ပေါင်းစည်းသည် ဟူသော အတွေးအားငြင်းပယ်လိုက်ရင်း အတွေးထဲတွင်ပင်
စိုးစဥ်းမျှ မတွေးရဲအောင် ကြောက်ရွံနေလျက်
အကြိမ်ကြိမ်အခါ ခါ ပင် ပယ်ချနေခဲ့မိလေသည်။ အကယ်၍ ထိုအတွေးတို့သည်
အမှန်ဖြစ်ပါက ကျစ်ရှုအား တို့ထိသူမှန်သမျှအတွက်သူက မီးခိုချောင်မှ ဓားထက်ထက်ကို
လက်တွေ့အသုံးချ ရမည် ဖြစ်ပြီးအရာအာလုံးကို ရှင်းလင်းပစ်မည်ပင်ဖြစ်လေသည်။

သူသတိမထားလိုက်မိချိန်မှာပင်
နှစ်သစ်ကူးသွားခဲ့ပြီ ဖြစ်ပြီး
Jan 1,2015ကိုပင် ရောက်လာခဲ့သည်။
ဒီနေ့သည် သူ့နှင့် ကျစ်ရှု အတူရှိခဲ့သည့်
15နှစ်မြောက် မဂ်လာနှစ်ပတ်လည်နေ့
ဟုလည်း ခေါ်လို့ရချေသည်။
သူတို့နှစ်ဦး၏ချစ်ခြင်းမေတ္တာအစပြုခဲ့ချိန် သိကျွမ်းရင်းနှီးခဲ့ချိန်မှစ၍မည်သည်နဲ့မှ နှိုင်းစာမရသော ချစ်ခြင်းတစ်ခု၏ 15နှစ်မြောက် ပင်ဖြစ်လေသည်။ကျန်းဝမ်ရွှီသည် တညလုံးဆေးလိပ်ထိုင်သောက်နေခဲ့သည်။အာရုဏ်တက်ချိန်ထိသူ၏ရှည်လျားသောအရပ်နှင့် ခန္ဓာကိုယ်မှာထုံကျင်နေလျက် မတ်တပ်ရပ်ပြီး နာရီကိုကြည့်မိတော့ မနက်7နာရီပင်ရောက်ရှိနေခဲ့ပြီဖြစ်သည်ကိုတွေ့လိုက်ရသည်။