Unicode
ပိုင်ဖက်တီး ဘုရားစင်ရှေ့တွင် အိပ်ယာခင်းကာ စိတ်ပျက်လက်ပျက် အမူအရာဖြင့် ပက်လက်လှန်နေမိ၏။ကိုယ့်အတတ် ကိုယ်စူးနေသည်မို့ မတတ်နိုင်။သုသု နေမကောင်းဖြစ်အောင်လုပ်လိုက်သည့် အဓိက တရားခံက တခြားသူမဟုတ် မိမိသာ။
ဘုရားစင်အောက် ပြတင်းပေါက်ကနေ တဟူးဟူးဝင်လာသည့် လေနုအေးတို့က သူ့ရင်တွင်းအပူကို မငြိမ်းနိုင်။ဘုရားရှေ့တည့်တည့်မို့ မတော်မရောတွေလည်း သူမလုပ်ရဲပေ။
ဘေးတစ်ဖက်ရှိ ကိုကို့ကို အသာငဲ့ကြည့်ရင် နှုတ်ခမ်းထော်မိသည်။
"ကိုကို.....လို့ "
"ဗျာ...... လို့"
သံရှည်ဆွဲထူးလိုက်သည့် ကိုကို့အသံချိုချိုလေးကြောင့် ပါးနှစ်ဖက် ဖောင်းတက်သွားအောင် ပြုံးလိုက်မိသည်။စပြီး
ချစ်သူဖြစ်တဲ့အချိန်ထဲက ရိုးမသွားနိုင်တဲ့ထူးသံလေး...။
ကိုကို့ရင်ဘတ်ပေါ် ခေါင်းပြောင်းအုံးရင်......
"ခုချိန်ဆို.....အခန်းထဲရောက်နေရမှာ ကိုကိုနဲ့ပိုင်ပိုင်ဟာကို....."
မကျေမနပ်ဖြစ်နေသည့် ပိုင်ပိုင်ခေါင်းပေါ် ကိုကို့လက်ဖဝါး
ရှည်ရှည်သွယ်သွယ်တို့က နေရာယူလာရင်း ခပ်ဖွဖွ ရယ်၏။
"ပြောပါအုံး....ဘယ်အဆိုးလေးက ဒီလိုဖြစ်အောင်လုပ်လိုက်တာလဲဟမ်...."
"ကိုကိုကလည်း....ပိုင်ပိုင်က ကိုငယ်ရဲ့လူပျိုဘဝလေးကို
အချစ်ဆုံးသူငယ်ချင်းဆီမှာပဲ ကုန်ဆုံးစေချင်လို့ပါနော်....."
ကောင်းလင်းသန့် ပိုင်ဖက်တီးရဲ့ပါးအိအိကြီးကို နှုတ်ခမ်းနဲ့
မနာအောင် ဖိငုံလိုက်သည်။
"သူငယ်ချင်းကို တော်တော်ချစ်နေတာပေါ့....."
"ဟီးဟီး...... "
"ဒါနဲ့ ပိုင်ပိုင်က မင်္ဂလာဆောင်ရင် ဘာဝတ်မယ်လို့ စိတ်ကူးထားလဲ....."
စကားလမ်းကြောင်း ပြောင်းခြင်းအစီအစဥ်က အောင်မြင်စွာပင် ပိုင်ဖက်တီးရဲ့ ဦးခေါင်းက ထောင်မတ်သွားသည်။
ကိုကိုနဲ့ မင်္ဂလာကိစ္စအသေးစိတ်တိုင်ပင်ချင်လို့ သူတို့ ဒီကို
ရောက်လာတာပင်။
ESTÁS LEYENDO
ပိုင်တို့ကမ္ဘာ/ပိုင္တို႔ကမၻာ
Romanceအချစ်ပန်းရနံ့တို့နဲ့ ထုံသင်းသော အရပ်ကား ချစ်ရသူရဲ့ ရင်ခွင်မည်၏။ အခ်စ္ပန္းရနံ႕တို႔နဲ႕ ထုံသင္းေသာ အရပ္ကား ခ်စ္ရသူရဲ႕ ရင္ခြင္မည္၏။
