အပိုင်း ၁၃
ဒီနေ့တော့ ခန့်လင်းအောင် တစ်ယောက် သူ့ယောင်းမလေး ဧကရီထိပ်ထား တို့ လင်မယား ပြန်လာမည်မို့ စိတ်ထဲ အနည်းငယ် လှုပ်ရှားနေမိသည် ။
အစက သူကိုယ်တိုင် ယောင်းမလေးကို လေဆိပ် အထိ မျက်နှာလုပ်ကာ သွားကြိုမလား တွေးမိလိုက်သေးသော်လည်း ထိုအပြုအမူက နေတာရာ၏ စတိုင်လ် မဟုတ်လောက် ။ထို့ကြောင့်ပင် အိမ်မှ ငြိမ်ငြိမ်လေး စောင့်ရင်း နေ့လည်စာအတွက်ကို သူ့လက်ရာ ဟင်း သုံးလေးခွက်လောက် လက်စွမ်းပြလိုက်တော့သည် ။
နေ့လည် ထမင်းစားချိန် မတိုင်မီ ဧကရီထိပ်ထားနှင့် ရှိန်းဝေယံတို့ကို ဒရိုင်ဘာကြီးက ကြိုလာပေးသည် ။
ဒေါ်လင်းသီရိ က ပုံမှန်ဆို အိမ်မှာ နေ့လည်ပြန်၍ ထမင်းစားလေ့ မရှိသော်လည်း ဒီနေ့တော့ သမီးနှင့် သားမက်တို့ ပြန်လာသည်မို့ ထမင်းစားချိန်အမီ အိမ်ပြန်လာလေသည် ။" ဟာ... ကိုတာရာ... နောက်ဖေးခန်းတွေဘာတွေ ဝင်လို့ပါလား... "
ဧကရီထိပ်ထားက အိမ်ရောက်ရောက်ချင်း နောက်ဖေးတွင် အရွက်ကြော် တစ်မျိုး ကြော်ရင်း အလုပ်ရှုပ်နေသော သူ့အနားသို့ လာရင်း သူ့ကို လာနှုတ်ဆက်လေသည် ။
" ထိပ်ထား ပြန်လာပြီလား... အကို ဒီတစ်ခွက်ပြီးရင် ပြီးပြီ... ခဏစောင့်လိုက်ဦး... ဗိုက်ဆာနေပြီလား... "
ထိပ်ထားက သူ့ကို ပြုံးကာကြည့်ရင်း အထူးအဆန်းဖြစ်နေပုံပေါ်လေသည် ။
" ကိုတာရာ ချက်တဲ့ဟင်းကို စားရလိမ့်မယ်လို့ ထိပ်ထားတော့ ယုံတောင် မယုံမိဘူး... တကယ်ကြီး ကိုနေတာရာ အစစ် ဟုတ်ပါတယ်နော်... "
တစ်ဖက်က နောက်ပြောင်ပြီး ပြောလိုက်ခြင်း ဖြစ်သော်လည်း သူ့ရင်ထဲတွင်မူ လန့်သွားပြီး ဒိတ်ကနဲ ဖြစ်သွားရလေသည် ။
ငါက အဲ့သည့် ချီးထုပ်ကောင် နေတာရာ ဟုတ်မနေဘူးလေ... ။" ကိုယ့်ယောင်းမလေးကို ခရီးက ပြန်လာလာချင်း လျှာလည်သွားအောင် လုပ်ပေးမလို့လေ... ဘာလို့လဲ... မကြိုက်ဘူးလား... "
" အိုး... ကြိုက်တာပေါ့... ကြိုက်တယ်... ထိပ်ထား ပစ္စည်းတွေ အခန်းထဲ သွားထားလိုက်ဦးမယ်... ကိုတာရာ့လက်ရာကို မျှော်နေမှာနော်.."
YOU ARE READING
I accidentally became a Villain Prince (Completed)
Paranormalအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...