အချပ်ပို အပိုင်း ၁၀
" Eric... မင်း ဘာတွေ ဖြစ်နေတာလဲ... ရူးနေတာလား... "
ဦးဇဏ်က သူ့ကို ချက်ချင်း အားဖြင့် ဆောင့်ကာ တွန်းထုတ်လိုက်သောကြောင့် သူ အနောက်သို့ လန်ကျသွားလေသည် ။
" ကျွန်တော်... ကျွန်တော် တောင်းပန်ပါတယ် ဦးဇဏ်... "
သူ ဦးဇဏ်ကို ပြန်လည် ရှင်းပြဖို့ ကြိုးစားလိုက်မိသည် ။
ခုနက အပြုအမူသည် သူ ရုတ်တရက် စိတ်လွတ်သွားပြီး စိတ်ရူးပေါက်သွားခြင်းမျှသာ ဖြစ်ကြောင်း ရှင်းပြလိုသည် ။
သူ အမြဲတမ်း ဖုံးကွယ်ဖို့ ကြိုးစားခဲ့ရသော အရာတစ်ခု မမျှော်လင့်ဘဲ ပေါ်ပေါက်သွားရခြင်း ဖြစ်ကြောင်း ပြောပြလိုသည် ။
သို့သော် ကမ်းလိုက်သော သူ၏ လက်ကို ဦးဇဏ်က ပုတ်ချလိုက်ပြီး သူ့ကို ရွံရှာသော မျက်လုံးများဖြင့် ကြည့်လာခဲ့လေသည် ။
" ဦးဇဏ်... ကျွန်တော်... ရှင်းပြ... "
" မင်း ဘာမှ ရှင်းပြမနေနဲ့တော့... မင်းကိုငါ မယုံကြည်တော့ဘူး... မင်းက ငါတို့နှစ်ယောက်ကြားက ဖြူစင်မှုကို အရောင်ဆိုးပစ်လိုက်တာပဲ Eric... "
သူ ကျလုလု ဖြစ်နေသော မျက်ရည်တို့ကို ထိန်းလိုက်ပြီး သူ့ မူလပုံစံဖြစ်သော ပျော်ရွှင်နေတတ်သည့်ပုံစံကို ကြိုးစားပြီး ပြောင်းလဲပြလိုက်သည် ။
" ကျွန်တော်... ကျွန်တော်က ဦးဇဏ် အဲ့လောက်အထိ ကျွန်တော့်ကို ရွံရှာမုန်းတီးနေမှန်း မသိခဲ့လို့ပါ... "
" မင်း နောက်တစ်ခါ ငါ့အပေါ် မရိုးမသားစိတ် ထားနေဦးမယ်ဆိုရင် အိမ်ပေါ်ကနေဆင်းတော့... "
" ကောင်းပါပြီ... ကျွန်တော် နားလည်ပါပြီ ဦးဇဏ်... "
" ငါ့စိတ်ထဲမှာ နေနေတစ်ယောက်ပဲ ရှိတယ် Eric... "
ဦးဇဏ်က ပြောပြီးသည်နှင့် သူ့အနားက ထွက်သွားလေတော့သည် ။
သူ ကောင်းသော လက်တစ်ဖက်ကို အသုံးပြုပြီး ဒဏ်ရာရနေသည့် သူ့လက်ကို ဆေးထည့်လိုက်ရသည် ။
ဦးဇဏ် အနားမှာ မရှိတော့သော အခါတွင်မှ သူ နာကျင်စွာ ငိုကြွေးပြီး မျက်ရည်ကျမိလေတော့သည် ။
YOU ARE READING
I accidentally became a Villain Prince (Completed)
Paranormalအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...
