အချပ်ပို အပိုင်း ၁၅
" မင်း ပြန်မလိုက်မချင်း ငါ ဒီရွာမှာပဲ မင်းနဲ့ အတူနေမှာ Eric... "
ဇဏ်မင်းမောင်က သူ့ဆုံးဖြတ်ချက်ကို ပြတ်သားစွာ ပြောလာသောကြောင့် Eric တစ်ယောက် အံ့သြသွားရသည် ။
ဦးဇဏ်ဆိုသည့် လူမျိုးက သူ့အလုပ်နှင့် ဦးနေက လွဲလျှင် တခြား ဘာကိုမှ ဦးစားမပေးတတ် အချိန်မပေးတတ်သူဖြစ်သည် ။
ထိုသို့သော သူမျိုးက သူ့ကို ပြန်မလိုက်မချင်း စောင့်၍ ခေါ်မည်ဆိုတော့ Eric တကယ် အံ့သြသွားမိသည် ။
" ဦးဇဏ် ကိုယ့်အိမ်ကိုယ် ပြန်လိုက်ပါ... ကျွန်တော်က ဘယ်တော့မှ ပြန်လိုက်မှာ မဟုတ်လို့ အချည်းနှီး အချိန်ကုန်ခံမနေပါနဲ့... "
" ဒါပေမယ့် ငါကတော့ လက်မလျှော့နိုင်ဘူး... "
ဦးဇဏ်က ပြောပြီး သူ့လက်ကို ဆုပ်ကိုင်လာမည်ပြုတော့ ကိုRicky က ဦးဇဏ်၏ လက်ကို ဖမ်းချုပ်ကာ ဟန့်တားလိုက်သည် ။
" သူက မလိုက်ချင်ဘူး ပြောနေတယ်လေ... ခင်ဗျားက ဘာလို့ အတင်းလိုက်ခေါ်နေရတာလဲ... "
ဦးဇဏ်က ကိုRicky ၏ လက်ကို နောက်လက်တစ်ဖက်ဖြင့် ပြန်လည်ချုပ်ကိုင်လိုက်သည် ။
ကိုRicky က ဦးဇဏ်ကို ပြန်တိုက်ခိုက်ဖို့ ပြင်လာသည် ။
သူ ကိုRicky ကို ပြန်ဆွဲပြီး ဖျန်ဖြေလိုက်ရသည် ။
" ရန်မဖြစ်ပါနဲ့ ကိုကြီး Ricky... ကျွန်တော်တို့ အိမ်ပြန်ကြတာပေါ့... "
ကိုRicky က ဦးဇဏ်ကို ချုပ်ကိုင်ထားသော လက်တို့ကို ပြန်လွှတ်ပေးပြီး သူ့ကို ဆွဲခေါ်လာသည် ။
နှစ်ယောက်လုံး ဆိုင်ကယ်ရပ်ထားသည့်နေရာနား ရောက်သည်အထိ ဦးဇဏ်က အနောက်က လိုက်လာလေသည် ။
မိRum ကတော့ သူတို့သုံးယောက်ကို ကြည့်ပြီး မျက်နှာချိုသွေးပြနေသည် ။
ကိုRicky နှင့် Eric တို့ဆီမှ ဒေါသတကြီး အကြည့်တို့ကို ရင်ဆိုင်လိုက်သည့်အခါတွင် မိRum တစ်ယောက် အပြစ်လုပ်ထားသူလို ဇက်ကလေးပု၍ ငြိမ်သွားရလေသည် ။
" Eric... ငါ့ဆိုင်ကယ်နဲ့ ပြန်လိုက်ခဲ့... "
" ခင်ဗျားခေါ်စရာ မလိုပါဘူးဗျ ... Eric က ကျွန်တော့်ဆိုင်ကယ်နဲ့ပဲ လိုက်မှာ... "
YOU ARE READING
I accidentally became a Villain Prince (Completed)
Paranormalအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...
