Unicode
အခန်း ၃၅. မီးတောင်အဆိပ် (၅)
"ယဲ့သခင်မလေးက ကြိုပြီးပြင်ဆင်ထားတယ်ထင်တယ်။ ကျုပ်တို့သာအမုန့်ကိုဆေးအဖြစ်သုံးဖို့ကြိုးစားရင် အချိန်အများကြီးကြန့်ကြာနေမှာ။ အခုသူမကမီးအဆိပ်ဒါဏ်ရာအပေါ်ကို တိုက်ရိုက်ထည့်လိုက်တော့ မီးတောက်အဆိပ်ကိုချက်ချင်းထိန်းချုပ်နိုင်သွားတာပေါ့။ ဒီလိုနည်းလမ်းမျိုး..... ကျုပ်တစ်သက်မမြင်ဖူးဘူး" ဟုဆေးဆရာကြီးဇူသည် တအံ့တအားဖြင့်ပြောနေလေသည်။
ဆေ့ယဲ့သည် ယဲ့ကျင့်ထန်အားစိုက်ကြည့်နေလေသည်။ သူ့၏မျက်လုံးများသည် မေးခွန်းများနှင့်မယုံသင်္ကာဖြစ်မှုများ ထင်ဟပ်နေလေသည်။
မီးတောင်သားရဲ၏ အကြေးခွံအမှုန့်တစ်ပုလင်းလုံး သူမလောင်းချလိုက်ပြီးနောက် မီးလောင်ထားသောအရေပြားသည် မယုံကြည်စရာကောင်းလောက်အောင် ပုံမှန်အတိုင်းပြန်ကောင်းလာလေသည်။ ဆေ့ချောင်၏ကိုယ်အပူချိန်သည်လနဂိုအတိုင်ပြန်ဖြစ်လာပြီး သူ၏အသက်ရှူသံမှာပို၍သက်တောင့်သက်သာဖြစ်လာလေသည်။
ထိုမြင်ကွင်းသည် အံ့သြဖွယ်ဖြစ်ရပ်တစ်ခုကဲ့သို့ ဆ့ဘိုင်အတွက်ဖြစ်ရလေသည်။
အမှုန့်အားလုံးလောင်းချပြီးသည့်နောက် ယဲ့ကျင့်ထန်သည်သူမ၏လက်ကိုပြန်သိမ်းလိုက်သည်။
ကြွေပုလင်းလေးအားသိမ်းလိုက်ပြီး သူမသည် "အခုအမှုန့်ကမီးတောက်အဆိပ်ကိုဆက်မပျံ့အောင် ထိန်းထားပေးတာဖြစ်ဆယ်။ ဒါပေမယ့်အဆိပ်လုံးဝပျယ်ပျောက်စေချင်ရင်တော့ ရေခဲတောင်ကြာပွင့်နဲ့မှရမယ်။"ဟုပြောလေသည်။
ဆေ့ယဲ့သည်ခံစားချက်များရှုပ်ထွေးစွာဖြင့် ယဲ့ကျင့်ထန်အားကြည့်လိုက်လေသည်။ သူသည်ဆေးဆရာကြီးဇူအား ဆေ့ချောင်၏အခြေအနေကိုစမ်းသပ်ခိုင်းလေသော်လည်း သူ၏အခြေနေကအရင်ကထက်ပို၍တည်ငြိမ်နေကာ ယဲ့ကျင့်ထန်ပြောသည့်အတိုင်းအကုန်မှန်နေလေသည်။
"ဒုတိယသခင်လေးကိုယ်ထဲမှာရှိနေတဲ့ မီးတောက်အဆိပ်ကတည်ငြိမ်သွားပြီ။ အရမ်းကြီးဆိုးဆိုးရွားရွားမရှိလောက်တော့ဘူး"
YOU ARE READING
အင်အားကြီးမိဖုရား၏ ပြန်လည်ရှင်သန်ခြင်း(Myanmar Translation)
Historical FictionTranslation work of HanMay & GinYu (Best Novels Collection Team- BNC Team) U can search 'Best Novels Collection Team' on Fb💛 Every Tuesday & bonus day⭐ (Paid gpရိွ)