Unicode
...
အခန်း ၉၅. ကောင်းကင်တက်လမ်း (၁)
သူ၏အိမ်တော်မှလူများနှင့်စကားပြောနေသောယွင့်ရှုသည်လည်း လှည့်ကြည့်လေသည်။ လုစုဝေနှင့်သူ့လူများအရှေ့တွင် တစ်ယောက်တည်းရပ်နေသောတည်ငြိမ်ပြီး မှင်သက်အံ့သြရလောက်အောင်လှတဲ့ မိန်းကလေးကိုယွင့်ရှုကြည့်လိုက်မိသောအခါတွင် အလွန်စိတ်ဝင်စားသွားလေသည်။
"ဒီမိန်းကလေးကငယ်ရွယ်ပြီး ကမူးရှူးထိုးဆန်လွန်းတယ်။ သူမနိုင်လောက်မှာမဟုတ်ဘူး" ထိုမြင်ကွင်းကိုမြင်သောရိုယွင့်အိမ်တော်မှ လူတစ်ယောက်မှသက်ပြင်းချကာပြောလေသည်။
"ဘာလို့လဲ?" ဟု ယွင့်ရှုမေးလေသည်။
"ဒီနေ့ဒီမှာရှိနေကြတဲ့လူတွေထဲကမှ ဘယ်သူကဂိုဏ်းထဲသို့ဝင်နိုင်မယ်ဆိုတာကိုအခုထိမသိနိုင်ဘူးလေ။ အဲ့ကလေးမလေးဝင်နိုင်တယ်ဆိုရင်တော့ ပြိုင်စံရှားကောင်းကင်မင်ဆက်မင်းမျိုးမင်းနွယ်တွေက ဂိုဏ်းရဲ့တပည့်တွေကိုမထိရဲတဲ့အတွက်ပြဿနာရှိမှာမဟုတ်ဘူး။
တကယ်လို့များသူမဂိုဏ်းထဲလည်းမဝင်နိုင် ကျောထောက်နောက်ခံတောင့်တင်းတဲ့အိမ်တော်ကလည်းမဟုတ်ခဲ့ရင်တော့ ဘယ်လိုလုပ်ပြီးတော့မင်းမျိုးမင်းနွယ်တွေကိုခုခံနိုင်မှာလဲ?"
ထိုလူသည်ဆက်ပြောလေသည်။" ပြိုင်စံရှားကောင်းကင်မင်းဆက်ရဲ့မင်းမျိုးမင်းနွယ်တွေက သဘောထားကြီးတဲ့သူတွေမဟုတ်ဘူး။ အဲ့ပဉ္စမမင်းသာလုစုဝေအခုနကပြောလိုက်တဲ့စကားရဲ့ အဓိပ္ပါယ်က သူ့မှာရာထူးအာဏာမြင့်လို့ လူတွေကိုခြောက်ချင်လို့ပြောရုံသက်သက်ပဲ"
ရိုယွင့်အိမ်တော်ကလူများသည် မင်းမျိုးမင်းနွယ်မိသားစု၏မောက်မာမှုကိုမကြိုက်ကြပေ။
ယွင့်ရှုအနည်းငယ် မျက်မှောင်ကြုပ်သွားလေသည်။
တစ်ဖက်တွင်လုစုဝေ၏မျက်နှာမှောင်ကျသွားပြီး နောက်ယဲ့ကျင့်ထန်ကိုကြည့်နေရင်း သူ၏နခမ်းပေါ်တွင်ခနဲ့တဲ့တဲ့အပြုံးပေါ်လာလေသည်။
"ကျုပ်မိန်းကလေးကို ဘယ်လိုခေါ်ရမလဲ?"
ထိုစကားဆုံးသွားသောအခါ လုစုဝေသည်ယဲ့ကျင့်ထန်၏နာမည်အား မှတ်ထားမည်ဖြစ်ကြောင်းကို ဘေးမှကြည့်နေသူအားလုံးသိကြလေသည်။
YOU ARE READING
အင်အားကြီးမိဖုရား၏ ပြန်လည်ရှင်သန်ခြင်း(Myanmar Translation)
Historical FictionTranslation work of HanMay & GinYu (Best Novels Collection Team- BNC Team) U can search 'Best Novels Collection Team' on Fb💛 Every Tuesday & bonus day⭐ (Paid gpရိွ)
