Unicode
" ခမည်းတော် "
" ရောက်လာပြီလား "
အိမ်ကိုပြန်ရောက်ချင်း ဖခင်ဖြစ်သူမှညစာလာစားဖို့ဖုန်းဆက်တာကြောင့် သူအိပ်ရာထဲရောက်နေရာကနေ ပြန်ထလာရသေးသည်။ ကားယူပြီးချက်ချင်းထွက်လာသည်မို့ သူရောက်လျှင်ပင် မိခင်ဖြစ်သူမှာ ချည်အင်္ကျီဝမ်းဆက်နှင့် ကျက်သရေရှိစွာ ဧည့်ခန်းတွင်ရှိနေလေသည်။
" ကျွန်တော် နောက်ကျသွားသေးလား အမေ "
" မကျပါဘူး၊ မောင်နိမိတ်တောင်မလာသေးဘူး လာ သား ထိုင် "
မိခင်ဖြစ်သူမှဆိုဖာရှေ့သို့ညွှန်ပြလျှင် ငြင်သာစွာဝင်ထိုင်လိုက်ပြီးနောက် အပြုံးအေးအေးဖြင့်မိဘနှစ်ပါးကိုတုံ့ပြန်ရသည်။
" နိမိတ်က အခုထွက်လာပြီပြောတယ်၊ ခဏစောင့်ကြတာပေါ့ "
ခမည်းတော်စကားကြောင့် မင်းသားကခေါင်းငြိမ့်လက်ခံလိုက်ရင်းနှင့် တိတ်ဆိတ်စွာထိုင်နေလိုက်တော့သည်။ လေထုကတိတ်ဆိတ်သော်ငြား နွေးထွေးမှုတွေရှိနေသည်မို့ သက်တောင့်သက်သာဖြစ်ကာ နေရထိုင်ရတာအဆင်ပြေသည်။ သို့သော် မင်းသားတစ်ပါးမို့လို့ ခါးကိုမတ်ထားရင်းနှင့် ကိုယ်ကိုတည့်မတ်စွာငြိမ်နေရတာဖြစ်သည်။
သိပ်မကြာလိုက်ခင်မှာပဲ ကားသံကြားတာမို့ နိမိတ်ရောက်သည်ကိုသိကာ သူအပေါက်ဝကိုမျှော်ကြည့်လိုက်လျှင် မိနစ်ပိုင်းအတွင်းမှာပဲ သူ့မျက်စိရှေ့တွင် နိမိတ်ကဝင်ရောက်လာလေသည်။ ပွဲမှာရှိခဲ့တဲ့အဝတ်ကိုမှ coat ကိုချွတ်ထားပြီး ကြယ်သီးနှစ်လုံးဖြုတ်ထားကာ ပေါ့ပါးသည့်ပုံဖြင့် သူကအထဲသို့ဝင်လာလျှင် အမေကနိမိတ်အားပြုံးကာကြိုဆိုသည်။
" ကြည့်ရတာ ကျွန်တော်ပဲကျန်တာထင်တယ် "
" ဟုတ်ပါ့ကွာ၊ လာ၊ ရောက်တော့လည်း ညစာစားပွဲလေးလုပ်ကြတာပေါ့၊ အပေါ်ထပ်မှာ စားပွဲပြင်ထားတယ် "
ခမည်းတော်က သူ့သားမက်ကျတော့ ချိုချိုသာသာပင် ဖက်ယမ်းပြီးအပေါ်ထပ်သို့ခေါ်သွားလေသည်။ သူနဲ့အမေကတော့ နောက်ကနေလက်မောင်းချင်းချိတ်ပြီးမှ လိုက်သွားကြတာဖြစ်သည်။ ခမည်းတော်ရဲ့ဘက်လိုက်မှုကိုတော့ မမြင်ချင်ယောင်သာဆောင်လိုက်ပါတော့သည်။
YOU ARE READING
The Crown ✅
RomancePlundering The Crown. The Beginning of TawWin Nation. Own Universe. ✅ အပိုင်း ၃၂ နောက်ပိုင်း paid gp ရှိပါတယ် 4000 ပါ @joy_o_p telegram မှာလာရှာပေးပါ။ *** " နိမိတ်! ခွေးကောင်!! " ⚠ Mature content On❗⚠ mature content on ထားပါတယ်၊ အသုံးအနှုန်းရှ...
