Unicode
အလုပ်ကပြန်တော့သူဆေးရုံကိုဝင်ခဲ့သေးသည်။ ဆရာဝန်အတွက်ဦးတင့်ထွန်းကိုတစ်ခါတည်းတွေ့ခဲ့တာမို့လို့ အဆင်သင့်ဖြစ်ကာ အခုတလောမူးမော်၍ ပျို့အန်ချင်သည့်အကြောင်းကိုပြောပြဖြစ်၏။
ဦးတင့်ထွန်းကတော့ ဆေးစစ်ပေးမည်ဟုခေါ်ကာ ရက်ချိန်းတစ်ခုထပ်တောင်းသည်။ ရှေ့အပါတ်ထဲပြန်လာရမယ်လို့တော့ပြောတာပါပဲ။
အစောင့် ကားနှစ်စီး ရှေ့နောက်ပါတဲ့ကြားကနေ အရှိန်လျှော့မောင်းနေရသည်မို့ အိမ်ပြန်ခရီးကထင်သလောက်မရောက်။ အမြဲလိုလိုပုံမှန်ထက် ၁၅မိနစ် နာရီဝက်နောက်ကျတတ်သည်။ အရင်ဆိုတစ်ယောက်တည်းပြန်တာ။ ဒီလိုဆိုမဖြစ်သေးပြီမို့ ကွန်ဒိုခန်းတွေပြန်ရှာခိုင်းရသည်။ မရှိရင်လည်း သူတစ်ခန်းအသစ်ဝယ်ပစ်ပြီး တက်နေတော့မှာ။
ဒီလိုမျိုးအသွားအပြန် စောင့်ကြည့်ခံပုံစံကိုအသားမကျသေးမို့လေ။
စံအိမ်ရှေ့ကားထိုးရပ်ပြီးတာနဲ့ ကားသော့ပင်မဖြုတ်ဘဲ ဆင်းလာလိုက်တော့သည်။ မနက်ကနိမိတ်နဲ့စကားများပြီးကတည်းက သူစဥ်းစားနေခဲ့တာ။ သူမှားတယ်မဆိုသာပေမဲ့ ပြည့်ပြည့်ဝဝမှန်တာမဟုတ်။ ဒါပေမဲ့သူမတားရင်တစ်ဖက်လူသေမှာပင်။
နိမိတ်ရှိန်ဝါစိတ်ကြီးပုံမျိုးနဲ့ဆို သူအသက်တောင်ဖြောင့်အောင်ရှူရဲပါ့မလား မသေချာ။
ဧည့်ခန်းမှာခဏဝင်နားတော့ ညိုနွဲ့ကဖျော်ရည်တစ်ခွက်သူ့ကိုလာပို့ပေးသည်။ လိမ္မော်သီးဖျော်ရည်ဖြစ်ကာ တစ်ငုံမော့သောက်လိုက်သည်နှင့် လိမ္မော်သီးအရသာချိုချိုလေးက လည်ချောင်းဝမှဖြတ်ဆင်းသွားသည်မို့ စိတ်ပင်အနည်းငယ်လန်းလာတဲ့အထိ။
ထို့နောက် မျက်စိကစားရင်းနိမိတ်ကိုတွေ့မလားရှာလျှင် အရိပ်ပင်မမြင်ရ။ နောက်ပြီးနိမိတ်ကပြန်မရောက်သေးတာလား။
သူမျှော်နေသည်ဆိုတာမျိုးထက် ပြောစရာလေးတွေရှိနေသည်မို့ လိုက်ရှာမိတာဖြစ်သည်။ ရှိမနေဘူးဆိုတော့လည်း တကူးတကကြီးရှာမနေချင်ပါ။ နိမိတ်ရှိန်ဝါဘယ်ရောက်ရောက် သူ့အကြောင်းလည်းပါမနေပါချေ။
YOU ARE READING
The Crown ✅
RomancePlundering The Crown. The Beginning of TawWin Nation. Own Universe. ✅ အပိုင်း ၃၂ နောက်ပိုင်း paid gp ရှိပါတယ် 4000 ပါ @joy_o_p telegram မှာလာရှာပေးပါ။ *** " နိမိတ်! ခွေးကောင်!! " ⚠ Mature content On❗⚠ mature content on ထားပါတယ်၊ အသုံးအနှုန်းရှ...
