Unicode
သည်းထန်စွာနမ်းရှိုက်ကျပြီးနောက် စံအိမ်ကြီး၏အိပ်ခန်းကုတင်ပေါ်တွင် နိမိတ်သူ့ကိုပွေ့ချီတင်ထားပေးသည်။ ခြေထောက်မှာစွပ်ထားသည့်ဖိနပ်နှင့် ခြေအိတ်တို့ကို ဂရုတစိုက်ချွတ်ပေးပြီးတာနဲ့ မျက်ရည်စီးကြောင်းနှစ်ဖက်နှင့်ပေပွနေသောလူအနားသို့ တိုးကပ်သွားရသည်။
" သက်သောင့်သက်သာရှိရဲ့လား "
သူမေးတော့ မဟာမြတ်သူကသူ့လက်နှစ်ဖက်ကိုဆန့်ဆန့်တန်းကာ အနားငုံ့ကျလာတဲ့ နိမိတ်လည်တိုင်မှာတွယ်လိုက်သည်။ ပြီးတော့ဘေးကိုအတင်းဆွဲချ၏။
" ဖြေးဖြေးလေ ဗိုက်ကိုထိသွားမယ် "
" ဟမ့်! ထိထိ မင်းကလေးတွေ ငါတကယ်စိတ်မရှည်တော့ဘူး "
" သူကအရမ်းဆိုးလို့လား ဟုတ်သလား၊ ပြစမ်းပါဦးမောင့်ကို "
ဆွယ်တာကိုဆွဲလှန်လိုက်တော့ ဆူမို့ကာလုံးဝန်းနေသည့် ဗိုက်ပူလေးကိုမြင်ရသည်။ တဖြေးဖြေးဖောင်းကြွလာခဲ့တာကြောင့် အသားတွင် အကြောပြတ်ရာတွေပင်ထင်နေကာ ချက်ပေါက်လေးကပင်အပြင်ကိုဆူထွက်နေ၏။
" ပြွတ်! "
သူကထိုဗိုက်လေးကိုငုံ့နမ်းတော့ မြတ်သူကသူ့ဗိုက်နားကလူကို ကျေနပ်စွာပင်ကြည့်မိသည်။ ဒီကောင်ကအဲ့လောက်ထိမြတ်နိုးတတ်တာ။
" ဘာလေးတဲ့လဲ "
" ငါမသိဘူး! "
" မစစ်ထားဘူးလား "
" အင်း ငါမသိချင်ဘူး မွေးခါနီးမှပဲ ဘာလေးလဲစိတ်လှုပ်ရှားချင်တာ "
" ဟုတ်ပါပြီတဲ့ဗျာ "
" ဘယ်ရောက်ခဲ့တာလဲ၊ ဒီလေးလလုံးမင်းဘယ်ရောက်နေခဲ့တာလဲ "
နိမိတ်သူ့ကိုပြုံးပြီးတော့သာကြည့်သည်။ ဒီလူသူ့ကိုစိတ်ပူနေတယ်ဟူသောအသိက အသည်းထဲမှာတအုံ့နွေးနွေး။
မျက်ဝန်းချင်းမဆုံ ဆုံအောင်လိုက်ကြည့်တဲ့လူကြောင့် သူဖွဖွလေးရယ်ချလိုက်ရင်းဖြေ၏။
" မောင် ပြဿနာလေးတွေရှိနေလို့ ဖြေရှင်းနေရတာ "
အမေးတွေနဲ့သူ့မျက်နှာလေးက မပြောချင်မှန်းရိပ်မိကာမှိုင်ကျသွားခဲ့သည်။ နိမိတ်ကသူ့ကိုခပ်ဖွဖွလေးဖက်ပစ်လိုက်ပြီးမှ နားထင်နားကဆံစတွေကို တိုးလို့ရှိုက်နမ်းသည်။
YOU ARE READING
The Crown ✅
RomancePlundering The Crown. The Beginning of TawWin Nation. Own Universe. ✅ အပိုင်း ၃၂ နောက်ပိုင်း paid gp ရှိပါတယ် 4000 ပါ @joy_o_p telegram မှာလာရှာပေးပါ။ *** " နိမိတ်! ခွေးကောင်!! " ⚠ Mature content On❗⚠ mature content on ထားပါတယ်၊ အသုံးအနှုန်းရှ...
