Rose but snake
စိုင်းဆိုင်ခမ်းနော့ဝ်နှင့် ဉာဏ်ကိုးနောင်တို့ အကြောင်း ကို တစ်က စ ကာ နိဒါန်းချီ ပြောကြမည် ဆိုပါစို့။
လွန်ခဲ့သော 16နှစ် ခန့်က စတင် ရပေမည်။
ခမ်းနော့ဝ် ဖေဖေက ရှမ်းပြည်နယ်တွင် အောင်မြင်ချမ်းသာနေသော စီးပွားရေး လုပ်ငန်း ရှင်ကြီး ဖြစ်ပြီး မေမေက စော်ဘွား မျိုးနွယ်။
ခမ်းနော့ဝ်မှာ အစ်မကြီး တစ်ယောက် အစ်ကို နှစ်ယောက်ရှိပြီး သူက အိမ်မှာ အထွေးဆုံးပင်။
ခမ်းနော့ဝ် အစ်မနှင့် အစ်ကိုတွေက အလွန်ထက်မြက်ကြပြီး ဖေနှင့် မေ သည် အမြဲ သူတို့ကို ဂုဏ်ယူ ဝံ့ကြွားလေ့ ရှိသည်။ခမ်းနော့ဝ်မှာမူ တောက်ပ နေသော သူတို့ နှင့် ယှဉ် ကာ ကို့ယ်ကိုကို အမြဲ သိမ်ငယ်ခဲ့ရသည်။
မိသားစု ထမင်းဝိုင်းတွင် အစ်ကို အစ်မ တွေ လို သား လည်း ကျောင်းမှာ အဆင့်တစ် ဟု ဝံ့ဝံ့ကြွားကြွား ပြောချင်သည်။
ငယ်ရွယ်လွတ်လပ်သော ကလေးများ အရွယ်တွင် ခမ်းနော့ဝ်တွက် ကစားချိန် ဆိုတာ မရှိ။စာ စာ စာနှင့် သာ လုံးပန်းခဲ့ရသည်။
ပါဝါ မျက်မှန် ထူကြီးနှင့် ဆံပင် လိမ်ပွပွ များက မျက်နှာသေးသေးလေးပေါ် ပွရှုပ်လျက် စာအုပ် ထူကြီးနှင့်သာ အမြဲ အလုပ်ရှုပ်နေသော ကောင်လေးတစ်ယောက်၊အများကတော့ စာဂျပိုးဟု သမုတ်ကြသည်။
ဘယ်လိုပြောပြော အစ်ကို အစ်မတွေ ထက် တော် ကို တော်နေရမည်။ဖေနှင့် မေသည် သူ့အတွက်လည်း ဂုဏ်ယူဝံ့ ကြွားနေစေရမည်။
ငါးတန်းကတည်းက အိမ်နှင့် ခွဲကာ မန္တလေး ကိုယ်ပိုင်ကျောင်းတွင် အဆောင်နေခဲ့ပြီး စာကြိုးစားခဲ့သည်။
'တကယ်ဖြစ်ချင် အမှန်လုပ် အဟုတ် ဖြစ်ရမည်' ဆိုသော စာသားကို ကွန်ဗားဘူးတွင်ကပ် ပြီး အမြဲ ကိုယ့် ကို ကို motivation ပေးသည်။
ဇွဲ လုံ့လ ဝီရိယ ဉာဏ်ပညာ သာ ရှိလျှင် လောက တွင် မဖြစ်နိုင်တာ ဘာမှ မရှိ။
ခမ်းနော့ဝ် ကြိုးစားမှုသည် အရာ ထင်ခဲ့ပါ၏။
နှစ်တိုင်း ထူးချွန်ဆုတံဆိပ် တို့သည် သူ့ လက်ထဲ ရောက်လာခဲ့သည်။
YOU ARE READING
'LOTUS KILLER' {Ongoing}
Horrorအမှောင် အောက်က ကျားရဲ တစ်ကောင်ရဲ့မျက်ဝန်းလို သွေးဆာ နေတဲ့ မျက်လုံး စိမ်းစိမ်း တောက်တောက်တွေ သွေးညှီနံ့ ဟောင်ထွက်နေတဲ့ အခန်းတွေ ထဲ က အလောင်းတွေ သတင်းစာတွေ ထဲ က ဟိုးလေးတကျော်ကျော် နာမည်ကြီး serial killerဟာ သူ့ ဘေးနားမှာ အိပ်နေတဲ့ သူ ချစ်သောအမျိုးသား...