ရဲတွေ အိမ်ရောက်လာသောအခါ ကိုးနောင်က တံခါး ဖွင့်ပေးသည်။တစ်ချိန်တည်းမှာပင် ခမ်းနော့ဝ်က လှေကားပေါ်မှ ဆင်းလာသည်။ဖြစ်ရပ်တစ်ခုလုံးက သွေးပျက်စရာပေမင့် ခမ်းနော့ဝ်က ထင်မှတ်မထားလောက်အောင် တည်ငြိမ်ကာ သေသပ်လွန်းသည်။ဘာဆို ဘာမှ မဖြစ်ခဲ့သည့် သာမန်လိုသာ။ခပ်ပြုံးပြုံးနှင့် ရဲတွေကို ပင် နေရာထိုင်ခင်း လောကဝတ်ပြုနေသည်။
ရဲ သုံးယောက်က ဧည့်ခန်းဝယ် ဝင်ထိုင်လိုင်ကြသည်။ရဲမျက်နှာတွေက အနည်းငယ် တင်းသည်။
"ကျုပ်တို့ နည်းနည်းလေး မေးမြန်းစရာ ရှိလို့ လာခဲ့တာပါ"
"ရပါတယ် မေးပါခင်ဗျ"
"ဒေါက်တာ တို့ ဆေးရုံက ဒေါက်တာမင်းခန့်ရာဇာ က လွန်ခဲ့တဲ့ တစ်လက အဆက်အသွယ်မရဘဲ ပျောက်ဆုံးသွားခဲ့ပါတယ်"
ခမ်းနော့ဝ်က အံ့ဩဟန် ပြုသည်။
"ဘယ်လို ဖြစ်ရသလဲဗျာ"
"ကျုပ်တို့ စုံစမ်းနေကြဆဲပါ ဒေါက်တာ စုံစမ်းစစ်ဆေးမှုမှာ ပူးပေါင်းပါဝင်ပေးပါ"
"ရပါတယ် ကျွန်တော် သိသလောက် ပြောပြပါ့မယ်"
"ကိုမင်းခန့်ရာဇာနဲ့ သိတာ ကြာပြီလား"
"ကြာပြီပေါ့ဗျာ ကျွန်တော် အိမ်ထောင်မကျခင်ကတည်းကပါပဲ"
"ရင်နှီးကြသလား"
"ရင်နှီးပါတယ် မင်းခန့်ရာဇာက လူရည်မွန်လေးပါ"
"စိတ်ဝမ်းကွဲဖူးတာ ရန်ဖြစ်ဖူးတာ ရှိဖူးလား"
ခမ်းနော့ဝ်က ပြုံးပြီး
"မရှိပါဘူး"
"သူ နောက်ဆုံး တွေ့ခဲ့တာ ဒေါက်တာနဲ့ပါ အဲ့ကတည်းက သူ ပျောက်သွားတာပဲ အဲ့နေ့တုံးက ဒေါက်တာ နေ့လယ် သုံးနာရီလောက်ကတည်းက ဆေးရုံကို လာတယ် ဆေးရုံကနေ ည 11မှ ပြန်လာတယ် ကြားထဲ ဒေါက်တာ ဘာလုပ်နေလဲ ကြားသလောက် ဆေးရုံက ပိတ်ထားတာပါ ဆေးရုံမှာ ဘာများ လုပ်စရာ ရှိလို့ ကြာနေတာလဲ ကိုမင်းခန့်ရာဇာလည်း အဲ့ဒီ ဆေးရုံမှာပါပဲ"
"မဟုတ်ပါဘူး ခမ်းနော့ဝ်က ကျွန်တော်နဲ့ တူတူ လေးနာရီ ငါးနာရီ လောက်ကတည်းက ပြန်လာတာပါ ကျွန်တော်ကိုယ်တိုင် သူ့ကို သွားကြိုခဲ့တာပါဗျာ"
YOU ARE READING
'LOTUS KILLER' {Ongoing}
Horrorအမှောင် အောက်က ကျားရဲ တစ်ကောင်ရဲ့မျက်ဝန်းလို သွေးဆာ နေတဲ့ မျက်လုံး စိမ်းစိမ်း တောက်တောက်တွေ သွေးညှီနံ့ ဟောင်ထွက်နေတဲ့ အခန်းတွေ ထဲ က အလောင်းတွေ သတင်းစာတွေ ထဲ က ဟိုးလေးတကျော်ကျော် နာမည်ကြီး serial killerဟာ သူ့ ဘေးနားမှာ အိပ်နေတဲ့ သူ ချစ်သောအမျိုးသား...
