"ဒေါက်တာ ဒေါက်တာ ဒေါက်တာလို့!!
ခေါ်နေတာ ကျွန်မ အသက်ထွက်တော့မယ်. . ."
ခမ်းနော့ဝ် သည် ငိုင်နေရာမှ လှုပ်ရှားလာသည်။
"အင်း အင်း . . . အစ်မ က အကောင်းကြီး
ပါရာစီတာမှုန့်သာ သောက်လိုက် . . . ဘာမှ မဖြစ်ဘူး. . ."
"ဒေါက်တာရယ် သေချာလို့လား. . . ကျွန်မ နှလုံး တွေ ခဏ ခဏ တုန်နေတယ်တော့် . . . "
ခမ်းနော့ဝ် ခေါင်းရမ်းပြသည်။
'ကျွန်တော်လည်း တစ်ယောက်သောသူ ကြောင့် နှလုံးတွေ ခဏ ခဏ တုန်နေတယ်ဗျာ. .အစ်မနဲ့တော့ နည်းနည်းကွဲတာပေါ့' ဟု သာ ရင်တွင်းမှ လေးတွဲ့တွဲ့ ညည်းတွားမိ၏။
သူ မနေ့က အိမ်မပြန်ခဲ့ပေ။
ကိုးနောင် ကို Lotus killer လို့ တွေးလိုက်တိုင်း နှလုံးသွေးကြောများ လှုပ်ခတ်သွားကာ ကြေကွဲဝမ်းနည်းသွားသည်။ထိုအခါတိုင်း ကိုးနောင်ကို သူဘယ်လို တုန့်ပြန်ရမလဲ မသိ။
တစ်ခုခုကို အပြစ်လုပ်မိထားသလို၊ ချောင်ပိတ်မိနေသလို။
ထိုချိန်ကျ ခမ်းနော့ဝ် ထွက်ပြေးချင်လာသည်။ဘယ်သူကိုမှ ရင်မဆိုင် မတွေ့ချင်ဘဲ တစ်ယောက်တည်းသာ နေချင်လာသည်။
ထို့ကြောင့် မနေ့က အိမ်မပြန်ဘဲ နေခဲ့မိသည်။
တစ်ခါတစ်လေ ကိုးနောင် ဘာကြောင့် ဒီလို ဖြစ်နေရတာလဲ လို့ တွေးမိသည်။ဒီလောက် ပြည့်စုံတဲ့ ယောက်ျား တစ်ယောက်က. . .။
နဂိုကတည်းက Psychopath ဖြစ်နေတာလား trauma ရလို့ psycho ဖောက်သွားတာလား မသိ။
သို့သော် စိုင်းဆိုင်ခမ်းနော့ဝ် ကိုးနောင်ကို အပြစ်တော့ မမြင်ပါလေ။
"ဒေါက်တာလို့"
"ဗျာ ဗျာ !!"
"ကျွန်မ နှလုံးတွေ တုန် တုန်နေတယ်လို့"
"ဟုတ်တယ် နှလုံးရောဂါ ရှိနေတာ . . . ခွဲမှ ရမှာ တစ်ခါတည်း ခွဲမလား. . လာ. . . လာ ခွဲပေးမယ်. . ."
ခမ်းနော့ဝ် က မျက်နှာရှုံ့မဲ့ကာ ပြောသည်။
အိမ်က ယောက်ျားနဲ့ ဓာတ်မတည့်ရင် အရာရာဟာ မနော မကြည်စရာပင်။
အမှတ်မထင် ဆေးရုံ ပြတင်းပေါက်ပေါ်မှ လှမ်းကြည့်လိုက်သောအခါ . . . ဘုရားရေ ဉာဏ်ကိုးနောင်ကြီးဟ!! ။
YOU ARE READING
'LOTUS KILLER' {Ongoing}
Horrorအမှောင် အောက်က ကျားရဲ တစ်ကောင်ရဲ့မျက်ဝန်းလို သွေးဆာ နေတဲ့ မျက်လုံး စိမ်းစိမ်း တောက်တောက်တွေ သွေးညှီနံ့ ဟောင်ထွက်နေတဲ့ အခန်းတွေ ထဲ က အလောင်းတွေ သတင်းစာတွေ ထဲ က ဟိုးလေးတကျော်ကျော် နာမည်ကြီး serial killerဟာ သူ့ ဘေးနားမှာ အိပ်နေတဲ့ သူ ချစ်သောအမျိုးသား...
