"Hello . . . 118"
"ရောက်ပြီလား"
"ရောက်ပြီ"
"လူရှင်း မရှင်း ကြည့်"
"ရှင်းတယ်"
"ပိုက်ဆံထုပ်ကို ရှေ့က ဓာတ်တိုင်မှာ ထားခဲ့"
"ပစ္စည်းက ဘယ်နေ့ရမှာလဲ"
"နောက်တစ်ပတ်"
"OK"
အနက်ရောင် ဟူဒီနဲ့ လူက ငွေထုပ်ကို ဓာတ်တိုင်အောက် ဝယ် ထားလိုက်၏။ခေါင်းစွပ် ဦးထုပ်အောက်ဝယ် မထင်မရှား တစ်စွန်းတစ်စ ပေါ်နေသော ဆံစများက ဝါဝါစွေးစွာ။မျက်လုံးပြာပြာများသည်လည်း ပုန်းလျှိုးကွယ်လျှိုး။
မန္တလေးကျုံးသည် ည အချိန်တွင် တသုန်သုန် တိုက်နေသော လေညင်းသံလေးကတောင် ကျယ်လောင်နေသည်ထိ ငြိမ်သက်တိတ်ဆိတ်လွန်းလှသည်။
လူ ရှင်းသည်။ဒုစရိုက်သမားတွေ ထ တဲ့ ညဉ့်ချိန်။
ထိုအနက်ရောင်ဟူဒီနဲ့ လူက ငွေထုပ်ကို ထားခဲ့ပြီး အမှောင်ရိပ်ထဲဝယ် တိုးဝင် ပျောက်ကွယ်သွားသည်။
ထိုသူ ထွက်သွားပြီး ချက်ချင်းပင် နီညိုရောင်
လင်ခရူဆာ ကားတစ်စီး ငွေထုပ်ရှေ့ ဆိုက်ရောက်လာသည်။ပြီး ကားရှေ့ခန်းမှ လက်တစ်ဖက် ထွက်လာကာ ငွေထုပ်ကို စွေ့ကနဲ ဆွဲယူပြီးနောက် ထိုနေရာမှ လျင်မြန်စွာ ထွက်ခွာသွား၏။
ကား အတွင်း၌ လူလေးယောက်ရှိသည်။
လူ လေးဦးအနက် သုံးဦးမှာ အနက်ရောင် suit ကို တူညီစွာ ဝတ်ဆင်ထားကြပြီး ကားနောက်ခန်း ညာဘက်၌ ထိုင်နေသူ ကျန်တစ်ဦးကမူ အပြာနုရောင် ရှပ်ကို ရင်ဘတ်ထိ ကြယ်သီးဖြုတ်ကာ အညိုရောင် ဂျင်းဘောင်းဘီနှင့် တွဲဖက်ဝတ်ဆင်ထားသည်။ထိုသူကား 118 ဆိုသူ ဖြစ်သည်။
D.E.A.T.H ဆိုသော အာရှတိုက် ၏ အကြီးဆုံး လက်နက်မှောင်ခိုဂိုဏ်း တွင် ခေါင်းဆောင်လေးဦး ရှိသည်။ထို ခေါင်းဆောင်ကြီးများမှစ ဂိုဏ်းရဲ့ အောက်ဆုံး တောက်တိုမယ်ရ အထိ လျှို့ဝှက် နာမည်များရှိသည်။နာမည်အားလုံးသည် နံပါတ်တွေသာ ဖြစ်သည်။ဥပမာ 118၊ 69၊ 125၊ 555 စသည်။
D.E.A.T.H ဂိုဏ်း၏ ခေါင်းဆောင်လေးဦးတွင် 125 သည် leader ဖြစ်ပြီး 118သည် ဒု နေရာတွင် ရှိသည်။
YOU ARE READING
'LOTUS KILLER' {Ongoing}
Horrorအမှောင် အောက်က ကျားရဲ တစ်ကောင်ရဲ့မျက်ဝန်းလို သွေးဆာ နေတဲ့ မျက်လုံး စိမ်းစိမ်း တောက်တောက်တွေ သွေးညှီနံ့ ဟောင်ထွက်နေတဲ့ အခန်းတွေ ထဲ က အလောင်းတွေ သတင်းစာတွေ ထဲ က ဟိုးလေးတကျော်ကျော် နာမည်ကြီး serial killerဟာ သူ့ ဘေးနားမှာ အိပ်နေတဲ့ သူ ချစ်သောအမျိုးသား...
