Unang Halik

Chapter 55

Isang tingin ko lang ay agad na unti unting huminahon si Frosto. Padarag niyang pinakawalan ang lalaking ka awa awa at bahagya pang itinulak.

Nanghihina akong bumuntong hininga at tumalikod. Ayokong makita ng mga kaibigan ko ang pag aaway namin.

Away. Ang salitang ayaw kong mangyari sa aming dalawa ngunit hindi maiwasan ang ganitong bagay. Sa magdalawang taon ko na kilala si Frosto, sa mga karanasan ko, alam ko na agad na mararanasan namin ang hindi pagkakaintindihan at pag aaway.

Tulad ngayon... Ang sama talaga ng loob ko sa nakita ko kanina.

Dahil sa bugso ng aking damdamin , habang humahakbang ako sa hindi ko alam kung saan ako patungo.

May mga iilang tao na nakatingin sa akin kaya nahihiya akong yumuko. Isang mariin na paghawak sa aking siko napapikit na ako agad.

Amoy ni Frosto ang sumakop sa aking ilong. Ang kanyang kamay ay agad na nasa aking baywang.

"My car is here.." bulong niya at ginaya niya ako patungo sa gilid kung nasaan ang parking lot nitong bar.

Dahil ayoko rin ng problema pa at makaagaw pansin sa mga tao na nandoon ,lalo na dahil may mga kakilala na gustong kausapin si Frosto ngunit kanya iyong iniignora.

Hawak hawak na niya ang kamay ko ng pagbuksan niya ako ng pintuan ng sasakyan. Ayaw ko man siyang tingnan ngunit dahil sa bigat ng presensiya niya ay tuluyan akong napatingin.

Nasa labas lang siya ng pintuan ng sasakyan at tinititigan akong naluluha. Natatabunan ng bahagya ng kanyang buhok ang kanyang mga mata dahil medyo mahaba na iyon. Nakasuot siyang itim na polo shirt at nakamaong na pants. Ang tanging nakita ko na kolorete sa katawan niya ay ang kanyang relo.

"I-Inimbitahan ako dito nila Tala.." umiwas ako agad. Ayokong pag usapan ang kaninang ganap dahil alam ko na pagsisisihan ko iyon tulad ngayon.

Dahil sa bugso ng damdamin ko kanina ay biglaan ang aking pagsigaw kaya pate ang aking mga kaibigan ay nagulat.

Ngayon, nasa gilid ko si Frosto, halos madilim sa aking parte dahil sakop ng kanyang katawan ang pintuan. Nakauklo pa siya ng konti para lang maabot ako dahil mataas siyang lalaki.

"That's not our problem." huminga siya ng malalim at agad na sinarado ang pintuan. Umikot siya para makapasok kaya umiwas ako at humalukipkip.

Habang pinapaandar niya ang sasakyan ay tumingin ako sa aming engagement ring na tamang tama sa aking palasingsingan.

Kailanman, wala akong nakitang ganito kaganda na alahas. Kailanman, hindi nalalapatan ng anumang alahas ang aking katawan kundi ito lang. Ang pinakauna, ngunit napakaespesyal na bagay sa akin.

Napansin ko na ang dyamante sa gitna ay nasa gilid dahil siguro sa galaw ko kaya hinubad ko ito sa aking daliri.....

Kakahubad ko palang nun ng pumreno ang sasakyan ng biglaan! Mabuti nalang at nakaseat belt ako at nahawakan ako agad ni Frosto sa baywang!

"You are not breaking up with me.." madiin ang boses ni Frosto na nakatitig sa singsing na hinubad ko!

Ang aking halos lumuwang mata dahil sa gulat ay napapikit at dinama ko ang sobrang kabog ng dibdib ko dahil sa gulat!

"I'm sorry baby... But tell me, you are not breaking our engagement!" ang mababa ngunit madiin niyang boses ay nagbigay panindig balahibo sakin!

Halos taas baba ang aking dibdib ng magmulat.

"A-Aayusin ko lang naman." nanginig ang boses ko ng konti at ibinalik ang singsing sa aking daliri. Halos napatingala siya at napasabunot sa sarili niyang buhok.