Her Asset

Chapter 4

Pagkatapos kumain ay pumunta kami sa arcade. Mainit pa sa labas kaya sa arcade muna kami.

"Sinong may palit sa 500?" tanong ko sa kanila.

"Here, tag-100. Gusto mo?" sabi ni Ivan.

Oo gusto ko...ikaw. Charot!

"Ah, oo sige." sagot ko sakanya.

Nagpalit na ako ng token para makapaglaro na. Para akong bata na excited maglaro.

"Anong lalaruin mo, Ivan?" tanong ko sa kanya. Syempre gusto ko syang maka-usap kaya gumagawa ako ng paraan.

"Basketball, mahilig kasi akong maglaro ng basketball." sabi ni Ivan at nagpakita ng isang napakatamis na ngiti.

Alam ko naman na mahilig sya sa basketball. Stalker ako nyan, ehh, pero syempre hindi ko sasabihin. Ano ako, tanga? Kaunti lang, hehe.

"Wow! Ang galing mo naman." puri ko sa kanya kahit hindi ko pa sya nakitang maglaro,  basta alam ko na magaling sya. "Maglalaro ka ba nyan sa darating na intrams?" dugtong ko, gusto ko kasi syang makitang maglaro.

"Thanks for the compliment." sabi nya at ngumiti, ang gwapo nya kapag ngumingiti. Gwapo rin naman sya kapag hindi, basta gwapo sya kahit anong ginagawa nya.

"But I'm not sure if sasali ako sa intrams." sagot nya.

"Sayang naman if hindi ka sasali." Sagot ko, kung ayaw nya ipilit natin.

"Why? Gusto mong sumali ako?" tanong nya. Halata ba ako masyado?

"A-ah oo, pero nasa'yo pa rin naman ang desisyon, hehe." sabi ko, masyado ka kasi desisyon, Amery.

"Fine." nagtaka ako sa sinabi nya. "Huh?" tanong ko sa kanya. "Sasali na ako." nanlaki ang mata ko at natuwa.

"Talaga?" excited kong tanong sa kanya. "Yup." sagot nya at ngumiti.

"Hindi pa naman sure if makasasali ako, try out pa lang ang gagawin." sabi nya.

"Sure na yan, ang galing mo kaya." sabi ko at ngumiti sa kanya.

Wow, Amery! Puring puri na sya sa'yo.

"Sige, I'll try my best na makasali." sabi ni Ivan. Ang lakas ko naman sa kanya. Bawal akong umasa dahil may iba siyang gusto.

Pinanood ko syang maglaro ng basketball sa arcade. Grabe! Ang smooth kapag nag s-shoot sya ng bola.
Natamaan tuloy ako...sa kanya.

"Galing naman!" puri ko sa kanya.

Tumingin sya sa akin at nginitian ako. "Thank you." sabi nya.

Napatingin naman ako kina Fatima, nakita ko syang nakatingin sa amin, hindi lang sya kundi ang iba naming mga kasama. Base sa mga mukha nila ay nang-aasar sila.

"Mukhang nage-enjoy ka diyan, Ivan." asar ni Kent, isa sa mga kaibigan ni Ivan.

"Hindi nakikipagusap sa amin, pero g na g kapag si Amery na." biro rin ni Fatima. Mahinang tumawa si Julianna.

Kaibigan ko ba talaga mga 'to? Bakit nila ako inaasar?!

"Tumigil nga kayo, nakakahiya kay Ivan na inaasar nyo kami. Baka magalit ang tao, oh." saway ko sa kanila.

"Ano ka ba? Okay lang kay Ivan, hindi ba, pre?" sabi ni Laurence.

"Ayos lang sa akin." tipid na sagot ni Ivan.

"Try na lang natin mag videoke roon, oh." suhestiyon ni Julianna. Magaling din itong kumanta.

Sumang-ayon ang lahat sa sinabi ni Julianna. Gusto ko rin namang masubukan iyon. Soundproof naman ang room kaya goods lang.