Her Asset

Chapter 24

Ngayon ay araw ng Linggo. Maaga akong nagising dahil pupunta kami ni Ivan sa church.

I wear a simple white dress and white sandals. I also put light makeup on my face.

Nang makuntento na ako ay bumaba na ako. 11:30 am ang usapan namin ni Ivan, pero 1:00 pm pa ang start ng service. Inagahan lang namin dahil sa labas kami kakain ng lunch.

Pansin ko ngang lagi akong pinapakain ni Ivan. Never talaga akong nagugutom kapag siya ang kasama ko.

"Anak, nariyan na ba si Ivan?" Pagkababa ko ay tinanong ako ni Mama.

"Papunta na po, Ma. Maaga pa naman po."

Tumango siya sa akin. "Sige, mag-iingat kayo, ah."

"Yes po. Lalabas na po ako para hintayin siya."

Paglabas ko ng gate ay sakto naman ang pagdating niya. Bumaba siya ng sasakyan, ang akala ko ay pagbubuksan niya ako ng pintuan, pero lumapit siya sa akin.

"Pagpapaalam muna kita kay Tita."

"Okay na, sinabi ko na sa kaniya.

"Pero gusto ko pa ring pagpaalam ka."

Wala na akong nagawa kung hindi ang samahan siya sa loob ng bahay.

"Ivan, nandito ka na pala." Nakita ni Mama si Ivan. Nagmano si Ivan kay Mama at bumeso.

"Aalis na po kami ni Amery, Tita. Iuuwi ko po siya before 5." Pagpapaalam ni Ivan.

"Sige, mag-iingat kayong dalawa."

Umalis na kaming dalawa ni Ivan pagkatapos niyang ipagpaalam ako.

"Saan mo gustong kumain?" Tanong ni Ivan.

"Hmmm, sa Mcdo na lang. May malapit na Mcdo sa church, 'di ba?"

"Alright, doon na lang tayo."

Nakarating na kami sa Mcdo. Mabuti nalang at walang masyadong tao ngayon.

Nang makapasok kami ay naghanap agad kami ng mauupuan namin bago mag-order.

"What do you want to eat, Amery?"

"McCrispy chicken fillet ala king, fries, and McFlurry."

"That's all?"

Tumango ako. "Yeah." Umalis na siya para mag order.

Pinagmamasdan ko siya habang nakapila siya. Hindi ko maiwasang mamangha sa kanya. Mula rito ay kitang kita ko pa rin siya, napansin ko rin ang mga babae na tumitingin sa kanya.

Hindi ko naman sila masisi dahil gwapo naman talaga si Ivan. Pero sorry na lang sila, ako ang nagustuhan, eh.

Dala ni Ivan ang order naming dalawa. Inilapag niya sa akin ang akin. Kinuha naman niya ang sa kanya.

"Thank you, Ivan."

"You're welcome."

"Napansin mo ba ang mga babaeng nakatingin sa 'yo kanina? Ang gwapo mo naman kasi."

"No, kahit anong tingin nila ay wala naman silang mapapala sa akin. Sa'yo lang naman ako. Ayaw ko sa iba, Amery."

"Hindi naman kita pinamimigay, ah."

Ngumiti siya sa akin at kinurot ang pisngi ko. "That's my girl."

Papunta na kami ngayon sa church dahil tapos na kaming kumain. 12:50 na pala.

Sakto lang kami, mabuti naman.

Nang makapasok kami sa church ay naramdaman ko ang familiar na feeling. Iba talaga ang pakiramdam kapag nandito ka.