Her Asset

Chapter 25

Nakaupo ako ngayon sa bench. Nandito ako ngayon malapit sa gym ng campus. Hinihintay ko si Ivan dahil ngayon ang tryouts nila para sa gaganapin na intrams.

Mayroon kami laging vacant time. Malapit na rin kasi midterms. Naghahanda na lang kami para sa intrams at midterms.

Natapos agad ang tryouts. Nakita ko na si Ivan kasama sina Laurence na lumabas galing sa gym.

Pawisan pa si Ivan nang makita ko. Pero mas nakaragdag pa 'yon sa appeal niya. Hindi man lang nabawasan ang kagwapuhan niya.

Unfair.

"Amery, kanina ka pa naghihintay?" 

"Hindi naman."

Nagpaalam agad sina Laurence na mauuna na. "Iwan na namin kayo. Alam naman naming gusto niyo ng bebe time." Kahit kailan talaga itong Laurence, lagi na lang nang-aasar.

"Kumusta ang tryouts?"

Humarap ako kay Ivan at nagtanong nang makaalis na sina Laurence kasama si Kent.

"Maayos lang, Amery. Nakapasok kami nila Laurence at Kent." 

"Sabi sa 'yo makakapasok kayo, eh. Ang gagaling niyo kaya." 

Ngumiti siya sa akin. Binigay niya ang panyo sa akin. Nagtataka ko naman siyang tinignan?

"Anong gagawin ko diyan?" 

"Pwede mo bang punasan ang pawis ko, Amery? Masakit ng katawan ko. Parang hindi ko na maigalaw ang kamay ko." 

"Maraming makakakita, Ivan!" 

Marami pa namang students ngayon kaya nakakahiya.

"Tara, sa garden tayo."

Nagpahatak na lang ako sa kanya para pumunta sa garden ng campus. Madalas kasing walang tao rito. Kung may tao man ay kaunti lang.

Nang makapunta kami sa garden ay kinuha ko sa kanya ang panyo na hawak niya.

Yumuko pa siya para pantayan ako. Pinunasan ko ang pawis sa mukha niya. Nakatitig lang siya habang ginagawa ko sa kanya 'yon. 

Ingat na ingat ako sa pagpunas sa kanya. Ang kinis ng mukha niya at maputi rin. 

"Okay na."

Binigay ko sa kanya ang panyo pagkatapos kong punasan ang mukha niya. Pero hindi niya kinuha ang kanyang panyo.

"Dito pa." 

Nakangiti niyang sabi sa akin. Tinuturo niya ang leeg niyang pawisan din. Napalunok ako ng laway nang dampian ko ng panyo ang kanyang leeg.

Umaabuso ata itong lalakeng 'to. 

"Ayan, okay na." 

Umayos siya ng tayo. Kinuha ang panyo sa akin. 

"Come here." Lumapit ako sa kanya.

Yumuko siya bigla kaya napaatras ako. Mabilis niya namang nahuli ang bewang ko para pigilan ang pagkahulog ko.

Pinunasan niya ang noo ko ng kanyang panyo.

"Pinagpawisan ka rin, eh. Namumula ka pa. Kinikilig ka ba sa akin?" 

"Hindi no! Mainit lang kaya ako pinagpapawisan!" 

Aba! Kung makaasar itong lalakeng 'to parang hindi nanliligaw.

"Tara na nga." Niyaya ko na siya dahil namumula na talaga ako.

"Where?"

"Nagugutom ako."

Tumawa siya. "Kailan ba hindi?"

Pabiro ko siyang pinalo sa braso. Sinamaan ko ito ng tingin.

"Ah, gano'n?"