Wolf King and his fox Consort (ဝံပုလွေဘုရင်နှင့်သူ၏မြေခွေးကြင်ယာတော်)

Part 26 (ဝံပုလွေပျောက်ဆုံးနေခြင်း)

Unicode Version

ချူယွင်တွေးထားသည်ထက် ရှောင်းကျိုက်ကိုရှာ ဖွေရပိုခက်ခဲနေသည်။ အကြိမ်ပေါင်းများစွာ အိမ်တော်ထဲလှည့်ပါတ်ရှာဖွေခဲ့ပေမယ့် သူ့ရဲ့ဆံခြည်မျဉ် တမျဉ်လေးကိုမှ မတွေ့ခဲ့။ ချူယွင်သူ့ကို ရှာမတွေ့စေရန် တမင်ကိုယ်ယောင်ဖျောက် ထားတာ ဖြစ်နိုင်သည်။ သို့သော် အကြိမ်အရည်အတွက်ပေါင်းများစွာဒေါသတကြီးရှာဖွေခဲ့ပေမယ့် သူရှုံးနိမ့်နေသည်ကိုတော့ ဝန်ခံသည်။

ဟွားနန်ယီ ဆိုသည်မှာလဲရှာဖွေရခက်ခဲသော လူတဦးဖြစ်သည်။ သို့ သော် လက်ရှိအချိန်မှာ‌ောတ့ မီးဖိုဆောင်တွင် တခြားသော အစေခံများနှင့် အတူ ဝိုင်းဝန်းချက်ပြုတ်နေသည်ကို တွေ့ခဲ့ရသည်။

"နန်ယီ။ မင်း ..အမ်...အရှင့်သားကိုတွေ့မိသားသေးလား"

ခဏချင်း ရှောင်းကျိုက်ကို ခေါ်သည့်အခေါ်အဝေါ်ပြောင်းလဲ ပြီး နာမ်စားတခုသုံးလိုက် သည်။ အိမ်တော်မှာရှိတဲ့ လူအများက သူနဲ့ဟွားနန်ယီရဲ့အခြေအနေကိုကြည့်ခြင်းဖြင့် ချူယွင်အနေနဲ့ သူ့ရဲ့ခင်ပွန်းအပေါ် ရိုသေလေးစား သည့် အသွင်ဖြစ်အောင်တမင်ချပြလိုက်နိုင်သည့် အကြံကောင်းတခုလဲဖြစ်သည်။

"တောင်းပန်ပါတယ်။ ဒီနေ့အရှင့်သားကိုမတွေ့မိ သေးပါဘူး" ဆိုပြီး ဟွားနန်ယီကသူ့ရဲ့ မူလ လုပ်ဆောင်လဲ အလုပ်ကို ဆက်လုပ်နေသည်။
လူငယ်လေးတယောက်မီးဖိုဆောင်ထဲဝင်လာသည်နှင့် ချူယွင် လဲအထွက် ။ ထိုကောင်လေးက
"ကျွန်တော်တွေ့လိုက်တယ်။ သခင်လေးအမြဲတမ်းအသုံးပြုတဲ့ မြင်းနက်ကိုစီးပြီး အိမ်တော်ကထွက်သွားတယ်"
ရှောင်းကျိုက်အိမ်တော်ကထွက်သွားပြီလား။ လိပ်ပြာလေးကိုစီးနင်းပြီးတော့များ။

ချူယွင်အမှားအမှန်ဝေဖန်ပိုင်းခြားနိုင်စွမ်းမရှိ ဘူးဆိုလျင် ယခုအချိန် ထိုသူကိုကျိန်ဆဲနေမိမှာ အမှန်ပင်။ချူယွင်က ပြုံးပြီး

"သူဘယ်ကိုထွက်သွားလဲဆိုတာသိလား"

ထိုကောင်လေးမှာအလန့်တကြားဖြစ်သွားပြီး

"တောင်း...တောင်းပန်ပါတယ် သခင်လေး။ သခင်ချူးက ဟို ဒုတိယသခင်လေးက အမ်....ဒီအစေခံ ဘာမှမမြင်တွေ့ခဲ့ပါဘူး"
သူ့အနီးနားတွင်ရှိနေသော အသေခံများ၏ ပြုံးစိစိ မျက်နှာဘေးကို မြင်လိုက်ရပြီးနောက် အခြေအနေ သုံးခုကို သူနားလည်လာ သည်။ သူသည် လက်ထပ်ပြီးသား။အမျိုးသားတဦး။ မင်းသားကျင်းအိမ်တော်တွေ ကြာရှည်စွာ အုပ်ချုပ်မည့်သူ မဟုတ်။ ပြီးလျင် ဆာ တဦးဖြစ်သည်။