|أسطورة نوميديا|
الفصل الأول: بين الأسطورة والواقع
[ الجزء 3 ]
دازت ساعة وهوما غير حاضيين ،شافو غير سيارة وحدة لي دخلات بمعنى عصابة وحدة لي دخلات واقدر ماشي كاملة، وبقاو تيتسناو العصابة لخرا دخل.
ماسين جالس وبحالا تينغزوه، باغي يبقى جالس، ولكن مقادرش، حتى جاء الفرج.
بدا تيتسمع صوت مدابزة ولغوات.
ماسين: سمعتي الغوات، ياكما دابزو بيناتهوم ولا دخلات العصابة من قنت آخر.
فؤاد جبد تيليفون تاعو: بلاتي نصوني على الرئيس نعلمو ونتواصل مع...
قبل ما يكمل تاهوا هضرتو كان قاطعو ماسين بخروجو من السيارة وتوجهو للديبو.
فؤاد كيعيط بهمس وهو باغي يبخ الدم، وجهو حمر بالفقصة، عرف بلي حتا هاد العملية ولات فخبر كان ، وندم على الثانية لي طلب من الرئيس يسيفط ماسين ليه.
ماسين مشا تيجري بوجه جدي عكس داك لي خرج بيه من المركز، وقف حدا الباب تيتصنت، كان المحيط تاع الديبو خاوي ، مكاين حتا واحد من العصابة.
فؤاد جا تيجري عند ماسين تاهوا هاز سلاحو ووراهوم البوليس لي كانو تاهوما تيتسناو التعليمات.
فؤاد: ماسين نتا صاحبي، ولكن تخسر حتا هاد العملية، غنكون أنا السبب فالتوقيف تاعك، هاني علمتك.
ماسين: تتعرف تسد فمك وطلق ودنيك بلا فريع، أنا غندخل.
فؤاد بغا يشدو وهو يتنتر منو ودخل هاز سلاحو.
كانو شباب قلال فوسط المخزن كل واحد فقنت تيغوتو ويضربو فالحيط.
ماسين شاف فيهوم وتاهوما غير تحل الباب شافوفيه .
ماسين : أش طاري هنا؟
واحد من دوك الجماعة نطق: أش كنديرو فنظرك؟ والو.
ماسين مشا قاصدو وقرب ليه: شكون نتوما؟
جاوبو نفس الشخص: شكون نتا لي تتسول؟
ماسين شد ليه يدو لواها ليه ولواه معاها حتا غوت: معاك البوليس، ونتا مغاديش تشرفنا بسميتك.
رجع جاوبو بصوت مقطع: والا أ شاف، لا، والله مدرت شي حاجة.
ماسين دار عن فؤاد لي كان شد مع البوليس الدراري لخرين: عيط للبوس البلان باين.
فؤاد دوز يدو على راسو وصونا.
ماسين رجع شاف فالولد: لي نطولوه نقصروه، نتوما أش تديرو هنا ؟ ولي خاص يكونو هنا فينهوما؟ غادي تجاوب بجملة وحدة هوا هاداك ، مغاتجاوبش غادي نوريك خدمة نقية عمرك شفتيها ( جبد فرديه وداروليه بين رجليه) وباين من وجهي متانضحكش، يلاه هضر ولا نبالي.
الولد: والله حتا قالولينا نجيو لهنا وصافي، باليك اصاحبي فوجهي الضحك؟
ماسين: وليت صاحبك گاع، أنا عارف ونتا عارف بلي قالوليك لوكاليزاسيون، يلاه نطق معندنا وقت.
الولد بقى تينكر.
ماسين ابتاسم بالجنب وشاف ففؤاد بحالا تيقوليه هاني انديرها تاني.
ماسين خبط اللور تاع الفردي فالمنطقة X وطلق رصاصة فالهوا ،الشيء لي خلا الولد يجمع رجليه ويحماق بالغوات.
راسو تيقوليه صافي مشاو.
ماسين: غتهضر ولالا؟
الولد تيتعصر: سمعت قالو بلي هوما ف ***** وبلي بدلو البلاصة حيت البوليس عرفو.
ماسين لاحو وخلا البوليس يهزوه ، وخرج هو وفؤاد.
فؤاد: شي نهار تقتل شي واحد بهاد اللعب الباسل تاعك.
ماسين: كون ما اللعب الباسل تاعي گاعما تسمع لي سمعتي دبا.
فؤاد مد ليه التيليفون : هضر مع البوس.
ماسين صغر عينيه ودار التيليفون فوق ودنيه: ألوو!
البوس: واش مغاديش توب؟
ماسين: خاصك تعرف البوس بلي أنا السبب فهاد الحقائق لي بانو دبا وبلا بيا كنتو أتبقاو هنا تال 3 تاع الصباح بلا نتيجة.
البوس: العصابة تكون عندي كاملة ، عقل مزيان بلي فرصتك الأخيرة هادي.
أنت تقرأ
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
