أسطورة نوميديا|
الفصل الثالث : إنه فخ
[ الجزء 27 ]
حطها الطاكسي منين هزها ونزلات ركبات معاه وهي دايرة القب ويديها فجيبها.
نوميديا: الخنجر، خديتيه؟
ماسين شاف قدامو: غدا يكون عندك.
نوميديا: علاش؟
ماسين: ديتو لعند صاحبي يحللو ويشوف شكون القاتل!
نوميديا هزات راسها: غدا.
ماسين: غادي نجيبوليك ومن وراها متنعرفك مكتعرفيني.
نوميديا شافت فيه وهوات راسها بأه.
ماسين: عشت الرعب فحياتي معاك.
نوميديا مجاوباتوش .
تحركو للدار فصمت.
أما رمزي وصل للمتحف دخل تيجري : دبا تلقاو أشنو مشا من المتحف.
نتاشرو رجالو وهو مشا قاصد بلاصة وحدة، الخنجر، هو أهم حاجة فالمتحف.
هز الجاجة ودورو وقاسو بيدير تيقلب فيه ، ساط مرتاح: نتا أهم حاجة..
قبل ميكمل كلامو سكت مركز بعينيه فالخنجر: مسعوووووووود، الكاميرات تاع هنا بغيتهوم دبا.
هز الخنجر بين يديه وبقى تيشوف وهو تيسوط بالجهد وخبطو مع الأرض تيغوت.
هل الكلافاطة تاعو ولاح الفيستا وطلع معصب.
الخنجر الأصلي كانت فيه لعيبة تتحرك وتيتحل ووتحرك تاني وتيتسد ، ولكن هاظا مافيهش هاظيك، وعرف بلي مزور، وبلي فعلا ، شي واحد دخل خداه وخرج.
رمزي دوز يدو على راسو، لي خداه مخداش باش يبيعو، خداه حيت عارف شي حاجة، بقى تيفكر شكون عندو غرض يهزو ويهددو بيه.
جا الراجل هاز البيسي فيه الكاميرات تاع المتحف ورجعو للوقيتة فاش تهز الخنجر.
رمزي غوت: كيفاش زعما مدخل تواحد وصونات لالاغم.
الگارد: ممكن يكون غلط وصونات.
رمزي وقف: غلط؟ مالها ماصونات سنين هادي ، علاش تال اليوم؟
الگارد: أنحقق فالموضوع ونشوف أشمن ألاغم صونات.
رمزي : دغيا، ليلة نعرف شكون لي دار هادشي.
خرج الگارد ودخل راجل آخر مكلف بالتسجيلات تيجري.
بعدما خدا الگارد التسجيلات ل رمزي علم البقية بالموضوع وخلاهوم تيقلبو فالكاميرات كاملين.
الراجل: سيد رمزي، ديك الوقيتة فاش صونات لالاغم لقينا بلي كانو گاع الكاميرات موقفين، وتوحدة مخدامة ، ومخدمو حتال ورا 20 دقيقة تقريبا.
رمزي خبط الطفاية لي كانت حداه، شوفو شكون اختارق وبحثوا فسيري تاع البيسي لي اختارقها ومولاها يحضر عندي اليوم.
خرج الراجل تيجري ، مخلي رمزي باغي يموت بالفقصة، وحالف مول الفعلة يقتلو ويشرب دمو.
ESTÁS LEYENDO
أسطورة نوميديا🗡️مكتملة🗡️
Fantasía💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
