|أسطورة نوميديا|
الفصل الثاني : كن حذرا!
[ الجزء 24 ]
نوميديا: إمتا غادي ناخدو الخنجر؟
ماسين : لا، غادي تاخدي نتي ماشي أنا.
نوميديا بقا تتشوف فيه.
ماسين: دبا كولشي واجد غدا نشوفو واش الأجواء مناسبة باش يتشفر.
جمعو الدنيا و بداو تيخططو،وماسين تيشرح ويعاود التفاصيل ، ويوريها الطريق وأي حاجة ممكن تحتاجها ومنين دخل ومنين تخرج باش ميطرا حتا غلط.
ونوميديا كانت تتهز راسها بأه وصافي.
كان ماسين متوتر وخايف يطرا شي غلط يسيفطو للحبس يخليه يدعي بالليل وبالنهار على راسو حيت وافق يعاونها .
وحتا غير توترها كان موترو ، حيت كيما كان الحال متايقش فيها ، ومقادرش يأمنها على مهمة بحال هادي.
نوميديا: صافي ساليتي؟
ماسين: واش متأكدة قادرة ديري هاظشي وتاخديه؟
نوميديا هزات حاجب ونزلات لاخر: بغيتي تمشي بلاصتي؟
ماسين: لا الله يبعد بلاك من بلايا؟
نوميديا: إوا مالك مخلوع، ياكأنا لي غنحصل إلا طرا شي مشكل.
ماسين طلع معاه القالب تاع أنه مشا معاها، ويلا مشات وحصلات ، غادي يحصل معاها حيت كولشي شافهوم بجوج، وهي فالأخير أسطورة غادي تختافي ولكن هو غادي يغرق فيها.
دوز يديه على راسو: ردي البال ومتديريش شي غلط،إلى تبعتي لي قلتليك بالحرف مغاظي يطرا حتا غلط.
نوميديا وقفات: أنا تايقة فقدراتي ، متحتاجش تخاف.
ماسين قال بصوت خفيف: شكون قال أنا خايف عليك أنا خايف على راسي.
نوميديا مشا للبيت وخلاتو وراها جالس تيفكر.
مع 19:30 تاع اليوم المقرر، جالسين فالطوموبيل، ماسين لابس سروال وقبية كحلة وداير كاسكيط، جالس قدام الفولون هاز البيسي فوق رجليه تيشوف الوقيتة المناسبة باش يعطيها الإشارة دخل،هي لي جالسة حداه ، لابسة سوفيت كحلة وكاسكيطة وكمامة كحلين ، وتتشوف فالمتحف لي سطاسيوناو بعاد عليه .
نوميديا: امتا الوقيتة لي قلتي.
ماسين: باقي عامر، تسناي أيبدا يظلام الحال وغادي يخوا.
نوميديا بقا تتشوف فالبناية تاع المتحف والتصميم تاعها حتا شهقات .
ماسين شاف فيها: مالكي؟
نوميديا: رمزي دخل، غادي يبات فالمتحف .
ماسين شاف فالكاميرات وبان ليه داخل: ميغد ،أش جاب هادا للمتحف فهاد النهار؟
نوميديا شافت فيه: عندك نمرتو؟
ماسين مدهشر: اه كاينة ، غادي تصوني ليه؟
نوميديا: عطيها ليا.
ماسين جبد تيليفونو وجبد النمرة ومد ليها التيليفون.
نوميديا دارت قبل النمرة قدام عينين ماسين #31# ودوزات لابيل.
ماسين: شكون علمك هادي؟
نوميديا دارت علامة بيدها باش يسكت وبقات تتسنى يجاوب.
رمزي: ألو، شكون معايا.
نوميديا ابتاسمات: سيد رمزي الساخي ؟
رمزي بلطف: هو هادا، شكون الآنسة؟
نوميديا: الآنسة نورة ، لي كانت جات عندك للمكتب .
قبل ما تكمل قاطعها رمزي: أه نهار كبير هادا.
نوميديا: بغيت نتلاقاك دبا إلا ممكن ، عندي شي ملاحظات بغيت ناقشهوم معاك ، ونتا أكثر واحد مهتم بهاد الموضوع وتقدر تفيدني.
رمزي بان ليهوم فالكامرات راجع خارج: دبا! فأشمن بلاصة؟
نوميديا: البلاصة لي بغيتي.
رمزي عطاها موقع تاع قهوة مشهورة وقطع.
ماسين بقا حال فمو فنوميديا.
نوميديا: غادي نشد ديك السيارة لي تتوصل أي واحد فين بغا، وغنمشي عند رمزي، راه خرج هو والحراس تاعو، نتا تكلف، راه بقات ليك الطريق خاوية.
ماسين جبد الفلوس عطاها وهز راسو بأه.
خرجات نوميديا قدامو بعدما حيدات الكاسكيط والكمامة وطلقات شعرها وشدات طاكسي .
حتا مشا الطاكسي لي راكبة فيه ومبقاش تيبان وهو يضرب جبهتو.
ماسين: أش درتي أش درتي، علاش تتخليها تأتر عليك كل مرة علاش، دبا واش المهمة حصلات فيا ولا كيفاش.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
