|أسطورة نوميديا|
الفصل الأول: بين الأسطورة والواقع
[ الجزء 14 ]
نزل ودار يديه فجيابو بثقة وتيتمشى المشية المعتادة، ناوي يفقصهوم عاوتاني.
دخل قاصد جهة الأرشيف، قبل ميشوفو شي واحد من لي عارفينو موقوف، شاف فالراجل البوليسي لي تماك، غير شافو وقف عطاه التحية.
ماسين: محتاج نطل على شي ضواسا، خاصني الإذن ولا ندخل.
السيد: لا أسيدي غير تفضل نتا ماشي غريب علينا .
ماسين دار يديه فوق صدرو بفرح: الله يحفظك.
دخل تيقلب زربان، مشا جهة 2018 تيقلب على الضوسي تاع رمزي لي باغي، ولكن والو مكانش ، وقف ماسين تيفكر .
ماسين: فين ايكون مشا الضوسي زعما؟
عاود قلب وسط الضواسا وملقاهش.
دور عينيه تماك وهو يتفكر بلي القضية تسدات والأوامر كانو من الفوق من لول تاع القضية.
مشا قاصد البلاصة لي فيها ملفات من مختلف السنوات وكلهم كانو تسدو لشي سبب، وعمرهوم ايتحلو.
قلب ولقى الملف تاع 2018، صور القضية كاملة من الأقوال تاع كولشي حتال للمعلومات لي تلقاو، فاش بغا يسد الملف لقا بلي الجريمة طرات ف 2002 وتسد الملف لنفس الأسباب، وداز تيقلب عليه ، وفعلا لقاه وصورو حتا هو، كانو فيه معلومات كثر، وتفاصيل مهمة ممكن تفيدهوم دبا.
خرج تيتمختر فرحان وعاجبو الحال.
داز عند الراجل لي شاف البصمات تاع نوميديا.
السيد: سي ماسين، شفتك رجعتي.
ماسين بسخرية : عارفك باغيني نغبر واحد عام باش تهنى مني ،وعارف ماحاملش تشوفني، ولكن غادي تشوفني بزاف، المهم جيت نسولك ماشي نتناگر معاك ، قوليا البنت لي جبت الصباح ملقيتي عليها والو.
السيد ضحك وجاوب: لا البنت مكايناش فسيستيم ومعندنا حتى معلومة عليها، علاش؟
ماسين مخسر وجهو: ماشي سوقك، أنا لي تنسول ماشي نتا، أشناهوما الحالات لي ممكن ميطلعش فيهوم بنادم فالسيستيم.
السيد: إلى معندوش لاكارت ناسيونال، هي اقدر إلى كانت حمقة ولا متشردة منين غتجيها لا كارت.
ماسين هز راسو و دار خرج من داك البيرو: أودي نتا لي حمق ، أما هي راه باينة بلي شطحات قبيلة على صبعها الصغير وجات نوبتي تشطحني تانا.
دخل ماسين للبيرو تاعو وميتلاقى غير مع الرئيس.
الرئيس غير شافو دوز يدو على وجهو: لاش جاي ؟واش موحش فالكوميسارية؟ ياك بعبارة واضحة قلتليك منشوفش وجهك.
ماسين ضحك ضحكة صفرة: تانا مباغيش نشوف وجوهكوم ولكن كنت محتاج شي حاجة من البيرو تاعي.
جبد البيسي وبدا تيقلب فالمجورة وهز عينو ولقاهوم تيشوفو فيه.
ماسين: واش اتبقاو تتشوفو فيا شوفو شي شوية للهيه.
هز لي باغي تحت إيقاعات المعيور والسبان تاع البوس
سالا وهز عبنو فيهوم: اوا هو هادا عطلة سعيدة، عارف غادي توحشوني فعملياتكم ولكن دوماج مكتبغيوش تشوفو الأكشن والارتجال، اوا نشوفو أش غادي تقضيو دبا.
الرئيس: خراااااااج.
ماسين خرج نافخ صدرو تيضحك، وجودو فأي مكان كيخلي لي دايرين به ممرتاحينش، وحاسين بعدم الراحة منو.
وهادي حاسبها نقطة قوة عندو.
KAMU SEDANG MEMBACA
أسطورة نوميديا🗡️مكتملة🗡️
Fantasi💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
