|أسطورة نوميديا|
الفصل الأول: بين الأسطورة والواقع
[ الجزء 13 ]
ماسين دار شاف فيها معصب: ينعل بو المبادئ معاكوم، قالتليك كوخ،نتي معارفاش بلي داري فأغلى حي فالمدينة، وباقي تنخلص فيها الطريطات، وتتقولي كوخ، وزايدون داري هي لي متعتبهاش متخلفة بحالك.
نوميديا مكانت فاهمة والو حتا قال متخلفة، وهي تجرو من شعرو لعندها وضربة تحت ودنو كان فاقد الوعي فوق الفولون.
نوميديا:أنا المحاربة نوميديا لي حررات ممالك كثيرة وعاونات قبائل كتيرة وقتلات مجرمين وخونة كتار، تتقول عليها متخلفة.
طبعا مكان حتا جواب، حيت ماسين كان غايب ،ومكاينش فهاد العالم .
بعد ساعات من الإنتظار حل عينو تيرمش وهو تيشوف الضباب، ركز الشوفة فين هو، باش يتفكر أش طرا وكيفاش حتا نعس على الفولون.
كانت العشية بدات تتمشي باش يدخل ليل ، هز راسو وهو يبتاسم.
ماسين : واو حلم، والله حتا حلم، الحمدالله يا ربي ، مباقينش اندير حتا حاجة خايبة ، يا ربي غير منبقاش نشوف كوابيس بحال هاد الويل، نوميديا ولا زمر..
باقي تيهضر ضرباتو رجل من لور ، دار مخلوع، لقاها متكية لور تتشوف فيه شوفة تاع ' واش باغي تموت'.
ماسين شاف فيها ورجع شاف قدامو باغي يغوت: علاش حياتي دايرة هاكا،واش هادو گاع دنوب عند البوس باش يخرجو فيا فنهار واحد.
ديمارا الطوموبيل وتوجه للداروهو مستسلم.
نزلو فالباركينغ وطلعو للدار، نوميديا لاصقة حداه تتدور عينيها،حتا دخلو للدار
منزل متوسط، زوين وراقي الشكل تاعو.
نوميديا بلا متركز على الشكل تكلمات فوجهو: فيناهو الجناح تاعي.
ماسين دوز يديه على وجهو: يا ربي الصبر، مكاين حتا جناح، واش قالوليك عندي قصر، كاين هاد البيت بغيتي تنعسي فيه نعسي، مبغيتيش غادي تكوني هنيتيني ملي درقي زلافتك، قالتليك الجناح.
فتح بيت كان فيه أثاث قليل قادليها بلاصة فين تقدر تنعس .
ماسين: المهم ها فين تنعسي، الحمام هاهواك .
دخلات وسدات الباب فوجهو بلا متجاوبو.
أما ماسين مشا لبيتو وجلس تيفكر، تفكر القضية تاع 2018 لي حضر ليها وكان سبب فإغلاقها، وتفكر بلي نوميديا مداخلاش للسيستيم، وعاد الأسطورة لي إلا كانت صحيحة أتكون عندها علاقة برمزي، إدن هادشي مترابط، فكر شوية وقرر يرجع للمركز ياخد لي باغي ويتأكد ويرجع.
هز سوارتو وتيليفونو ، رجع سد باب بيتو ودق عليها باش يعلمها , ولكن مجاوباتوش وهو ينزل، مسافة الطريق كان قدام المركز.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
