|أسطورة نوميديا|
الفصل الأول: بين الأسطورة والواقع
[ الجزء 7 ]
نوميديا هزات حاجب ونزلات الآخر: من إمتا الخدم تيتمشاو قدام سيادهوم!
ماسين هز يدو للفوق باغي ينزل عليها بقوة ما استافزاتو: انا ماشي خدام تاعك أنا بوليسي.
تمشات نوميديا ممسوقاش ليه قدامو ويديها وراها مشابكاهوم وتتمشى بتقة ، وهو وراها تينعت ليها الطريق .
ماسين قرب حداها وهضر: أشمن خنجر قلتي بغيتي؟
نوميديا بلا متشوف فيه: خنجر نوميديا، نتا عارف أسطورة نوميديا.
ماسين رجع لور تيتفكر فين سمع هاد الجملة، حتى هز حجبانو وضرب يديه بعضياتهوم تيفكر، أسطورة، ولا الأصح حجاية عاودوها لجدات لحفادهوم فصغر باش ينعسو ،بحال كيما كاينة عيشة قنديشة ، كاينة نوميديا، وبزااااف بحالهوم ، قصص من خيال شي واحد تعاودات مرة وجوج وعشرة حتى ولات على كل الفام ، وتشهرات.
وقف وشاف فيها: دبا بغيتي تقولي بلي نتي هي نوميديا لي فأسطورة نوميديا ، البنت لي قتلات باها، وعايشة وسط الخنجر، ولي مات بالخنجر تتبان معاه ولا ماعرفت أش؟
نوميديا وقفات تتشوف فيه بعينين ضيقة ،تتحاول تفهم أش تيحاول يقول.
نوميديا: أنا نوميديا.
ماسين ضحك ودوز يدو على راسو: شوفي فيا ، شوفي فيا مزيان.
نوميديا طلعاتو ونزلاتو.
ماسين: أش تيباليك، قولي أش تيباليك!
نوميديا: شاب طويل، وسيم ، جسم قوي ، لباس عصري، شعر قصير ، حروف سوداء، عيون صغار.
ماسين ابتاسم ابتسامة واسعة ودار يدو على خصرو: شكرا ، أنا تنشكرك ولكن مقصدتش شكلا حيت عارف هادشي لي قلتي كامل ولكن قصدت ، زعما فالعقل والشحصية.
نوميديا هزات راسها ببطء وربعات يدها: غبي ، متسرع، حقير، طماع، غبي عاوتاني، طفولي .
ماسين خسر وجهو وجمع ضحكتو : سيري سيري.
ملقى باش يجاوب منطقيا لي قالت فيه ، وفيه كتر ولكن مزيان لي حبسات هنا.
كمل التنعات فالطريق وهو تيشوفيها من لور لباسها تيوحي بلي هي من عالم آخر ماشي غير عصر آخر، وحتا وجها وشوفتها ماشي بحال تاع بنات اليوم ، كليا مختالفة عليهوم.
وصلو للسيبير لي كان أقرب واحد للمركز.
دخلو وجلس ماسين وحداه نوميديا تتدور فعينيها بالشوية بلا متعيق وتبين بلي أول مرة تشوف هادشي.
ماسين شعل البيسي وهو تيشوف فيه وسولها:دبا علاش خاصني نقلب؟
نوميديا قربات ليكخون تاع البيسي وشيرات بصبعها: هادا لي غيورينا الخنجر.
ماسين: اه
نوميديا: واخا قوليه خنجر نوميديا فين كاين.
ماسين نزل عينيه لكلافيي باش يكتب ف google لي قالت ليه، وهو يدور عندها ببطء: دبا واش نتي هي نفس البنت لي فالأسطورة، نوميديا نوميديا، مولات الخنجر لي فيه حجرة حمرة وداك التخربيق.
نوميديا دارت رجل فوق رجل وربعات يدها: اه هي أنا، تيقتي دبا!
ماسين رجع راسو لور وىخسر وجهو: طبعا لا، أنا بوليسي ماشي واحد حمق بحالك أيتيق تراهاتك ، ويلا أنا هنا فراه على ود الذهب ماشي على قبلك.
نوميديا سكتات بلا متجاوبو حيت من وجهو كان باين أشنو جوابو.
دخل تيقلب ماسين على الخنجر المقصود ،ومن باج ل باج حتا وقفاتو بغوتة: هادااا.
ماسين قفز من الغوتة ،ودور وجهو تيشوف فالناس لي دارو شافو فيهوم،شاف فيها مخنزر: سكتيييي متبقايش تغوتي أ الفضيحة واش باغا تشوهيني، باراكا غير جاي مع وحدة بلباس بحال هادا نزيدها بالغوات والفضيحة .
نوميديا مكانتش تتشوفيه والا تتسمع هضرتو، دوزات يدها على الشاشة لي فيها صورة تاع الخنجر ، كيفما تماما داير ، خنجر متوسط حجمو، رفيع، منقوش بزخرفات صغيرة ، ولي كان مميزو كثر، ياقوتة حمراء فوق منو.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
