|أسطورة نوميديا|
الفصل السادس : هل هذه النهاية؟
[ الجزء 50 ]
جلس المحامي، ودار المدعي العام شاف فرمزي: وعلاش منقولوش كانت بين رمزي وليلى شي قصة ، وليلى هدداتك بشي حاجة ونتا قتلتيها؟
رمزي شاف فيه بعصبية وبغا يوقف وحبسو المحامي لي حداه.
تكلم محامي آخر: سيدي القاضي أنا تنعارض، عندك دليل على كلامك أ سي المدعي العام ، هادا اتهام خطير وهادشي تيعاقب القانون، ويقدر يتابعك الموكل تاعي.
القاضي : عندك دليل على هادشي لي تتهضر عليه.
المدعي العام: طبعا، عندي دليل قوي، عندي شخص غادي يخلي الحكم يبان فهاد القضية، تنطلب من الشاهدة تدخل.
تحل باب القاعة ودخلات ، لابسة سروال توب مع فيست تاعو، طالقة شعرها، ولابسة طالون تتخبط فيه برجليها،تتشوف فرمزي مبتاسمة، وهو مصدوم تيشوف فيها تيتفكر فين شافها.
تقدمات لجهة الشهود وجلسات.
المدعي العام: قبل متعرف الشاهدة على نفسها بغيت نعاود القصة تاع رمزي وليلى.
شاف فالقاضي لي عطاه إشارة يبدا: ف 1995 فكلية التاريخ، كان الأستاذ رمزي الساخي وكانت الطالبة تاعو ليلى عارف، علاقتهوم مكانتش بحال گاع الطلاب ، كانو فعلاقة غير شرعية، وهادشي أكدوه معارفها ، ليلى ورمزي دارو علاقة، ونتجات على حمل، ليلى تخلى عليها رمزي بحجة أنه ماشي الأب، ليلى تخلاو عليها واليديها لي معانا فالقاعة ومشات عاشت عند جداتها، ولدات عند جداتها، وكبرات بنتها بيديها، توفات جداتها، والبنت بدات تتكبر وتوصل لسن المدرسة، قررات ليلى تكلم على حقها وتقلب على رمزي باش يعتارف ببنتها وتدخلها تقرى وتقادليها وراقها.
غوت رمزي بالجهد: هادشي كدوب، غادي نحاكمك على الكدوب لي تتقول.
القاضي ضرب بالمطرقة، والبوليس جلسو رمزي.
المدعي العام: من بعد جات ليلى وغوتات فالمتحف تاع رمزي لي كان يالاه تحل ، شوهاتو والناس شهدو فهادشي، من بعدها ب 3 أيام لقاو الجثة تاع ليلى.
المحامي وقف: فيناهيا الجريمة فهادشي، أستاذ رمزي معندو دخل فهادشي.
المدعي العام: فديك الليلة جا رمزي عند ليلى فليل بسيارتو لي تيسوقها السائق تاعو لي شهد بهادشي ف 2018، دخل رمزي للدار، وتغاوت مع ليلى، تدابزو وقرر يقضي عليها، نسيت ندكر بلي جد ليلى إنسان مولوع بالتاريخ، تيشري آثار وأي حاجة عندها علاقة بالماضي وعندها قيمة، من بين لي شرا وعلقو فدارو كان خنجر بياقوتات حمرين، تيشبه بزاف لخنجر نوميديا لي فالأسطورة المشهورة، رمزي مكانش باغي يهزو لراسو ، كان باغي يق_تل بيه ليلى، وفعلا قتلها بيها وفاش وعى بغا يهرب وخداه معاه، ومن بعد عرف بلي الخنجر تيشبه لخنجر نوميديا وحطو على هاد الأساس فالخنجر.
المحامي وقف عاوتاني: اعتراض، عندك شاهد على كلامك ؟
المدعي العام: طبعا، عندي بنتو لي حضرات للجر_يمة كاملة، تاع الأب لي مبغاش يعتارف فيها لي قت_ل ماماها.
شير بيدو لمنى لي كانت متبعة معاه.
الناس لي فالقاعة كولهوم شهقوا وتيهضرو والصحافة تيصوروها.
ورمزي فالجانب لاخر تيشوف فيها: ماشي بنتي ماشي بنتي.
المحاميين شافو فبعضهوم، لي كان مقويهوم هو مكاين حتى شاهد، دبا كاين شاهد.
القاضي ضرب بالمطرقة: هدووووء
شاف فالمدعي العام: الدليل على أنها بنتو.
المدعي العام: هي دارت التحليل قبل وطلع إيجابي وعاودناه باش نتأكدو وطلع إيجابي، هاهوما التحاليل بجوج.
القاضي شافهوم ووراهوم للقضاة لي معاه، ودار شاف فمنى.
القاضي: عرفي على راسك.
منى وقفات: سميتي منى، منى عارف، حيت داك الراجل لي هو بابا للأسف، مبغاش يعترف بيا، إدن مكاينش لاش نكون كنحمل إسمو، السن 27 عام.
القاضي: علاش عمرك دعيتيه باش تاخدي اسمو؟
منى: ماما كانت طلبات منو هادشي،طفولتي كاملة كانت على الأب لي مباغيش يعتارف ببنتو، كيفاش غادي نطلب أنا هادشي وهو قت_ل ماما حيت طلباتو على حاجة بسيطة هاكا.
رمزي: مستحيل نكون باااك،ديك الحقيرة كانت مولفة بداكشي، شكون قال بلي بنتي أنا وماشي بنت شي واحد آخر.
منى خنزرات فيه: منسمحش ليك تكلم هاكا على ماما.
القاضي تيضرب باش يسكتو ولكن رمزي رافض يسكت: ديك قليلة الأصل هي لي وافقات تنعس معايا ماشي أنا لي بززت عليها، نتي لي منسمحليكش تهضري معايا ونتي بنت موسخة بحالها.
منى: التحاليل بينو بلي أنا بنتك، أنا لي مالياش شرف يكون عندي أب بحالك.
رمزي: نتي موسخة بحالها،داكشي لاش بنتي قدامي باش تستدرجيني وتلصقي فيا شي كرش؟قالت التحاليل؟ كان المقابل تاعك هو نتيجة إيجابية للتحاليل؟ شكون طبيب لي قبل بعلاقة معاك شكون؟
منى : كل واحد تيشوف ماضيه والخطايا تاعو فالناس وتيتسحابليه الناس كاملين موسخين بحالو.
رمزي: دبا ماتت موك جيتي توسخي سمعتي نتي؟
منى: حتا ديك الساعة كنتي خايف على سمعتك؟
رمزي جاوب بعصبية: من حقي نخاف على لي بنيت، ماشي بافتراء كاذب من ديك موك ومنك غادي يهدم لي بنيت سنين.
منى: داكشي باش قتلتيها باش متطيحش من راسك.
رمزي تيجروه البوليس والمحاميين باش يجلس غوت وهو تيترطى باغي ينقز عليها : كنت مستاعد نقتلك حتا نتي كون بنتي ليا تماك معاها، ومنخليكش حية .
منى ابتاسمات وشافت فالقاضي لي وقف تيشوف فرمزي: نعتابرو هادا اعتراف؟
ESTÁS LEYENDO
أسطورة نوميديا🗡️مكتملة🗡️
Fantasía💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
