|أسطورة نوميديا|
الفصل الأول: بين الأسطورة والواقع
[ الجزء 6 ]
الرئيس تنفس بصعوبة تيحاول يهدأ أعصابو لي جمعهوم وهو تيسمع فؤاد تيعاودليه أش دنو دار: ماسين نتا موقوف شهر كااامل ، منبغيش نشوف وجهك هاد الشهر كااامل حتا نعيط ليك، خلصتك تاهيا غادي توقف هاد الشهر كااامل حتا نعيطليك ترجع وغادي ترجع خلصتك.
ماسين كان مبتاسم براحة حتا سمع الصالير غادي يحبس شهر كامل وهو يغوت: كيفاااااش، لا كتضحك معايا؟ ولاش تتعاود ليا شهر كاامل، وكيفاش الصالير يحبس لاا.
الرئيس : صاليرك فكر فيه ملي كنتي كتخسر العمليات ماشي دبا، يلاه خرج وجر معاك هاد الحمقة واستغل هاد الشهر لي أتجلس فيه قلب ليها على السلطان لي بغات تشوف، جابليك الله الوناسة، يلا براا منشوفش وجهك تيدور عندي، السكار طلع ليها 3 المرات فهاد النهار بسبابك.
ماسين شاف ففؤاد: نتا السباااب، هاني غادي وغادي رجع ونردها ليك غير تسنى.
الرئيس : خرااج ولا نعيطليهوم يخرجوك.
ماسين خرج وتبعاتو نوميديا تتشوف فيه.
خرج ماسين من المركز ودار يدو فجيابو وبدا تيسب بصوت خافت فلي كانو سباب .
دار لقى نوميديا وراه تتشوف فيه وهي مربعة يديها.
ماسين: لاش باقا لاصقة فيا، بسبابك أنا محروم من صاليري شهر كامل.
نوميديا شافت فيه وحولات عينيها: نتا موقوف!
ماسين هز حاجب تيشوف فيها: عطيني لاكارت ناسيونال مفهمتيهاش، ونتا موقوف طيرتيها فالسماء.
البنت رجعات تتشوفيه مفاهمة والو.
ماسين شاف فيها تيحاول يهدأ راسو : اه موقوف ، ولي تيتوقف وتيتحبس ليه مصدر الرزق تاعو متيكونش سعيد وفرحان داكشي باش غادي ضربي دورة وتمشي ترجعي منين جيتي بلا متفرعي ليا الجمجمة تاعي.
نوميديا: إدن نتا مقلق على مصدر الرزق ماشي الخدمة!
ماسين بعينين محلولين: طبعاااا ، الفلوس هوما الحاجة الوحيدة لي أتخسر ليك المورال، مكاينش شي واحد أيقبل التبهديل والخدمة بليل وبالنهار كون مكانوش الفلوس.
نوميديا مفهمات والو ولكن "طبعا" كانت هي الجواب لي باغا ، جبدات ساك كان فوسط حوايجها وخرجات منو كموسة وقاطعات بيها كلامو ملي لاحتها ليه.
ماسين حلها وطل وسطها ورجع سدها مصدوم، شاف فالبوليس لي باقين دايرين بيه ورجع شاف فالكموسة: أشنو هادا؟
نوميديا بقات تتشوف فيه.
ماسين رجع شاف فالكموسة وشاف فيها: واش ذهب؟
نوميديا: أه ذهب، نعطيك بزاف، ولكن بشرط.
ماسين عينيه ابتاسمو وهضر بهدوء : أشناهوا الشرط؟
نوميديا شافت فيه ووقفات مقادة وراسها الفوق: أنا لالاك نوميديا كنآمرك تعاوني فهادشي لي باغا ندير.
ماسين شاف فيها مصدوم معرف يضحك ولا يهرب ولا يغوت بالفقصة: وصلتي للأوامر گاع.
نوميديا : نتا محتاج الذهب وانا محتاجة خادم ، إذن من هاد اللحظة نتا مبقيتيش خادم عند السلطان تاعك، وليتي خدام عندي.
ماسين جمع الضحكة وخسر وجهو: لهلا يحييك حتا نولي خدام تاعك.
بدا تيقلب القطع لي فالكموسة: ذهب ذهب هادا؟
نوميدا: قطع من الذهب الخام.
ماسين دور وجهو وعطاها بالظهر، رجع شاف في الذهب ، دوز تجربة متوسطة فمجال الشرطة ، وبخبرتو يقدر يميز بين الأصلي والمزور ، وهادا لي بين يدو ، ذهب خام كيف قالت بدون شك.
ماسين داز قدام عينو شريك حياتو مور ميصرف هاد الذهب فلوس ويزيد يتغنى ويدير لاباس، وتفكر شعارو فالحياة "if u give me money, I can do everything" (الا عطيتيني الفلوس نقدر ندير أي حاجة) وفكر شوية وقال هادي فرصة ذهبية .
ماسين دار عندها شاف فيها : واخا فاش غادي نعاونك؟
نوميديا قربات لعندو وبدات تتهضر بصوت خافت : كنقلب على خنجر نوميديا، بلا شك سمعتي الأسطورة تاعي وعرفتي الموضوع تاع الخنجر، شي واحد ارتاكب جريمة بيه وأنا خاصني نلقى الخنجر باش نقدر نعرف شكون القا_تل ونقت_لو.
ماسين بعد عليها وهو تيرمش وتيفكر ،واش هادي فعلا تتدوي من نيتها، كيفاش وحدة تجي عند بوليسي وتعاودليه على الجريمة لي ناوية دير .
ماسين: نتي حمقة ياك، لا بلاتي، أنا لي حمق لي تابعك ، هاكي خراك ياك منشوفش وجهك ولا نرجعك للحبس نربيك.
نوميديا عاوتاني مفهمات والو ولكن أكدات عليه يعاونها وبلي عندها بزاف تاع الذهب وبلي كلما خدم كتر غادي تعطيه كتر..
ماسين دور الهضرة فراسو ، هو انسان موقوف، خاصو الفلوس فجميع الحالات،وبعض الفرص تتجيو مرة وحدة،ومعندو ميخسر ، إلى كان غيوريها غير الخنجر فين كاين.
ماسين: واخا ، بغيتي تعرفي الخنجر فين كاين تبعيني.
CITEȘTI
أسطورة نوميديا🗡️مكتملة🗡️
Fantezie💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
