|أسطورة نوميديا|
الفصل الثاني : كن حذرا!
[ الجزء 23 ]
ناض ماسين لبلاصتو باش ينعس ويرتاح وخلاها هي تتدور وتحارب الملل.
مع 7 تاع ليل صونا تيليفون تاعو برقم غريب هزو وجاوب، غير سمع أش تقال وهو يوقف زربان.
هز جاكيطتو وخرج تحت أنظار نوميديا لي مفهمات والو.
بعد ساعات رجع للدار هاز صندوق متوسط فيديه وتيفرنس فرحان .
نوميديا وقفات تتشوف فيه: أشنو هادشي؟
ماسين جلس وبدا تيحل ، وجبد خنجر مطابق لهاداك لي فالمتحف، الفرق صعيب يتلقى ولكن الشوفة العابرة تقدر تخليك كتظن بلي هاداك هو نفس الخنجر.
نوميديا: جبتي البديل بهاد السهولة؟
ماسين ضحك بسخرية: السهولة! ، نتي معارفاش مناش دزت باش نوصل عندك بهاد الصندوق.
نوميديا دارت رجل على رجل وشافت فيه: مناش دزتي.
ماسين رجع بيه عقلو لساعات قليلة قبل.
واقف فزنقة مظلمة وخاوية تتصفر، من الزناقي لي تيخلعو فالمدينة، ومتيدوز منهوم حتا واحد ، خوفا من شي واحد يگريسيهوم ولا يتعدا عليهوم.
ماسين كان متكي على الحيط وتيدور عينيه فالأرجاء حتا وقفو عليه جوج دراري.
الدري 1: نتا هو لي كلبتي داكشي؟
ماسين دار يدو فجيبو تيطلعهوم ويهبطهوم: أشنو هو هاد داكشي باش نعرف واش أنا ولالا!
الدري 2 تيدور عينو عالزنقة: سمعني أ خويا الزوين، متبقاش تتلعب معانا وتبوبا علينا هنايا، حيت أنولي مع خويا الزوين فشي طاب وشي لا.
ماسين بثقة : فيناهوا الجواب فهضرتك؟
الدراري شافو فبعضهوم وقرب اللول لماسين: واش بناليك مساليين، وتنتفلاو معاك، إلا كنتي مول الأمانة طلع ما عندك وشد أمانتك وغبر.
ماسين: ويلا مبغيتش؟
الدري 1 ضرب يديه فالهوا وحل موس تيبري وقربو لوجه ماسين: باقي مباغيش؟
ماسين: شاف فيهوم بجوج وفالموس وابتاسم ليهوم ديك الابتسامة الجذابة لي خلات نصف المركز يكرهوه: لا
الدري 1 : خونا باغي يلعب معانا معارفش راسو معامن.
ماسين طرطق عنقو: سمع لي نطولوه نقصروه حط نتا ديك الكارطونة تماك ونتا لوح داك الموس وغبرو من قدامي قبل منولي أنا معاكوم فشد ليا نقطع ليك.
الدراري غير سمعو هضرتو ولاحو الكارطونة، وهربو؟ لا وهجمو.
ماسين كان باغي يخلعهوم بلا ما يدخل فعراك لي يكون فيه العنف ويزيد يتورط ، ولكن طرا لي خاف منو، واضطر على حساب ما تيقول أنه يدابز.
ماسين شاف فالسماء: أنا تنهرب وأنا تنحصل، حتال إمتا؟ ( شاف فالدراري لي كانو ناويين يهجمو) نتوما لي بغيتو هادشي.
لوى للولد لي هاز الموس يديه وركل الدري لاخور،ضرب الموس بعدو ،وشاف فالولد لي كان هازو، وفكر بلي إلى طلقو بلا خسائر غاظي يعاود يرجع ليه داكشي باش قرر غير يلويليه صباعو حتا يطرطقو ، زعما يتهرسو ويطلقو، وداكشي لي دار.
الولد غوت لربي لي خلقو ، دار ماسين للولد لاخور كان باغي يسالي معاه المدابزة دغيا داكشي باش الجهد باش كان جاي الدري باش رجع من ورا ما كلا دقة بين رجليه خلاتو ينسا لاش جا لتماك.
ماسسن شاف فواحد شاد صباعو وواحد شاد بين رجليه وهو الكارطونة وجرا خارج من تماك، ركب سيارتو لي كانت بعيدة ورجع للدار.
نوميديا بعدما سمعات قصتو بلمسة كبيرة من الدراما: معندكومش السيوف والرماح باش تستعملوهوم فالحروب؟
ماسين جمع الضحكة: عندنا السم ،ويلا محبستيش أسئلتك ا لالا نوميديا غادي نخلطوليك فالماكلة باش نتهنى منك.
نوميديا دورات عينيها بغير اهتمام: علاش هاد العراك والحرب ناضت كاملة.
ماسين: أكيد متتسنايش مني نحط فلوسي باش نجيب حاجة مغنستافدش منها، داكشي باش خديتو فابور.
أنت تقرأ
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
