أسطورة نوميديا|
الفصل الثالث : إنه فخ
[ الجزء 28 ]
أنور بات الليل فالمختبر باش تصبح النتيجة عند ماسين، ويعطيه الخنزر ويرتاح.
الصباح خرج النتائج وصونا لماسين باش يجي ياخدهوم.
أنور: تهز من بلاصتك، دبا 10 الدقايق تكون عندي.
ماسين: ياكما بايت تتحلم بيا؟
أنور: النتائج خرجو.
ماسين قفز من بلاصتو : اواه ،هاني جاي عندك، اه بعدا واش التفاصيل لي كانو فالملف تاع الدم تاع الضحية، يقدر بيهوم نعرفو واش تقتلات بالخنجر ولالا!
أنور : أه .
ماسين: صافي تلاح هاني جاي.
قطع معاه لاح فوق منو جاكيط ولبس كاسكيطتو وخرج تيجري .
حط الطوموبيل فالباركينغ ونزل تيتمختر فالمشية، حتا وقف مصدوم.
ركز مزيان وتأكد بلي سيارة تاع البوص لي واقفة قدامو ، جالس مع أنور تيهضرو ،ولكن قبل ما يشوفوه، هرب ودخل بالزربة للمختبر ، قاصد مكتب أنور.
دخل تيقلب حتا لقا الشكارة ووسط منها كان الخنجر ، هزو وشاف الوراقي فوق المكتب ، قراهوم كاملين ولكن مفهم منهوم والو، وخلاهوم وخرج.
خرج تيتسلت بلا ميتسوق لحتى واحد من الموظفين لي تماك.
وقف فالباب الكبير تيطل على الطوموبيل تاع البوس، لقاهوم مكاينينش وهو يجري لسيارتو، ركب وديمارا للدار.
هز الكارطابل وطلع للدار تيتسنى أنور يصوني ليه باش يعلمو بأشنو دار وعلاش هو مع البوس.
طلع للدار لقى نوميديا فوجهو.
ماسين شد قلبو مخلوع: صباح الله، مالك أبنتي على صباح خارجة فوجهي.
نوميديا : الخنجر.
ماسين هز الشكارة وشاف فيها: هاهوا ، ولكن مغادي تاخديه حتا نسمع النتيجة.
نوميديا: أشمن نتيجة؟
ماسين : نتيجة تاع شكون القاتل.
نوميديا: إمتا غتكون النتيجة؟
ماسين جبد تيليفونو ومشا بلا ميجاوبها: لاش غنتسناه هو يصوني، غادي أنا نصوني ليه ونشوف شكون؟
ماسين دوز نمرة تاع أنور وجلس تيتسنى.
أنور: ألو فينك؟
ماسين: قلتيها للبوس؟
أنور بغير فهم : أش قلتليه ؟
ماسين: على الخنجر؟
أنور: لا، واش نتا كنتي هنا؟
ماسين: اه، خديت الخنجر وخرجت.
أنور: البوس كان باغيني فخدمة خرا، المهم النتيجة أنقراها عليك.
ماسين ناض لبيتو تيجبد الوراق لي فالملف تاع 2002، وتيقلب وسط الوراق على الورقة لي فيها التحاليل تاع الدم.
أنور بدا تيقرا ليه ويعاودليه على طراس تاع الدم لي بقى فالجهة تاع الحديد ( بحال فالأفلام، القاتل تيقتل فشي بلاصة وتيغسل الدم وتينقي الدنيا، تيجيو البوليس تيكبو واحد المادة وتيشعلو واحد الضو وتيباليهوم لاطراس تاع الدم، ومنو كيجبدو الدم لي بقا) .
ماسين قاليه أش كاين فالتحاليل تاع الضحية : أشنو واش نفسو؟
أنور سكت شوية : أه نفسو، أصاحبي راه الخنجر هو أداة الجريمة، والقاتل دبا تعرف وحلات القضية.
ماسين: شكون القاتل؟
أنور: الخنجر كانو فيه بصامات وحدين لي قدام وحتا وحدين جداد شوية ، ولكن بجوج تاع نفس الشخص.
ماسين: شكون؟
أنور: رمزي الساخي
ВЫ ЧИТАЕТЕ
أسطورة نوميديا🗡️مكتملة🗡️
Фэнтези💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
