|أسطورة نوميديا|
الفصل الثاني : كن حذرا!
[ الجزء 22 ]
مشا لبيتو وجبد التصميم تاع المتحف وجابو وحطو قدامهوم.
ماسين: هاهوا التصميم تاعو، حلي دماغك مزيان باش تعرفي منين دوزي ومنين تمشي ومنين تجي، طبعا مغندخلش معاك ونتسمى شفار فآخر يامي.
نوميديا دورات عينيها: تواحد مطلب منك تاخدو، أنا لي غناخدو، خنجري وعارفني كتر من أي واحد.
ماسين: الله يسر ليك معاه.
نوميديا: كمل.
ماسين كيشرح بيديه على الورق إلى غاتمشي باش تاخديه خاصك دخلي بليل ولا وقيتة ماتيكونوش فيها الناس،غادي ندرسو هاد نقطة من بعد ونحددو الوقت بالضبط ، على حساب التقرير تاع المتحف بين 7 و 9 تيكونو ناس قلال واقدر ميكونوش، إدن هادي هي الوقت لي أدخلي فيها تقريبا ، عاد الطريق لي أتمشي فيها هي هادي ( رسم ليها الطريق فالمخطط) هنا كاينين 5 تالكاميرات.
قاطعاتو نوميديا بلا متشوف فيه : 6 كانوا 6، وهنا 8، ولكن كنظن ماشي كولهوم خدامين.
ماسين بقا تيشوف فيها،:باش عرفتي مخدامينش؟
نومبديا هزات عينيها فيه: تخمين.
ماسين رجع شاف فالورقة وتيشرح كولشي بالتفاصيل حتا فهمات الطريق،من بعد جات نوبة تاع الكاميرات.
ماسين تيشوف فالبيسي: غيخصني بزاف باش نقدر نختارق السيستيم تاعهوم، داكشي باش العملية ضروري تعطل شي أيام، فهاد الأيام انقلب على نسخة من الخنجر .
نوميديا مجاوباتوش كيف عادتها وقفات ودخلات للبيت وخلاتو.
ماسين استغل الخبرة الصغيرة تاعو فمجال الاختراق وحاول باش يدخل سيستيم ويعرف كيفاش يبلوكي الكاميرات باش يقدر يخليها دخل وتخرج بلا ميشوفوها.
ماسين واخا متهور وهادشي المركز كامل كيشهدو ، عمليات كتيرة خسرات بسبب التهور تاعو والارتجال لي عمرو كان فمحلو، ولكن كان ذكي وتيفهم فبزاف تالحوايج ، اقدر هادا هو السبب لي ماخلاهش يتطرد.
دازو أيام قليلة، كولهوم دوزهوم قدام البيسي كيحاول يلقى شي ثغرة، حتا غوت واحد العشية وجات نوميديا تتجري عندو.
نوميديا شافت فحالتو لي متبدلاتش طول هاد اليامات، نفس الملابس وفنفس البلاصة والمكتب عامل كيسان تاع القهوة: صافي؟
ماسين: أخيرا قدرت ندخل (تجبد على الكرسي تيطرطق ظهرو) ظهري تهرس بالجلاس،ميمكنش تكون أي حاجة عندها علاقة برمزي معقدة هاكا.
نوميديا: نقدرو ناخدوه؟
ماسين: اه (سكت شوية ودور راسو بلا)،خاصنا البديل، خاصو يوصل ونمشيو ناخدوه.
نومبديا: فين كاين!
ماسين دار يدو على وجهو: ياربي ما بغيتش نورط راسي ولكن نتا عارف وانا عارف.
نومبديا بقات تتشوف فيه بعلامة استفهام فوجهها.
ماسين : غادي نجيبوه من السوق السوداء هو فين ممكن نلقى البديل.
نوميديا مشات قاصدة بيتها وهو تابعها بعينيه: هزات جاكيت وشافت فيه بمعنى يلاه.
ماسين ضحك وهو تيشوف فيها، حتا تيقول ولات تتفهم الحياة الواقعية وولات عايشة معاه ف 2022 وتتعاود تفكرو بلي لا هي جاية من عصر آخر.
ماسين: السوق السوداء هي واحد السوق هنا ( دار يدو على البيسي) غيجي من هنا لعندنا حنا غير غنجيبوه للدار وصاف.
نوميديا حلات عينيها مصدومة: بهاد السهولة.
ماسين: اه، زعما لا ،هو ساهل ولكن مساهلش ، المهم ماشي هادا هو الموضوع أنا غنحل هاد البلان.
نوميديا هزات كتافها ورجعات للبيت.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
