|أسطورة نوميديا|
الفصل الخامس : خرافة على أرض الواقع.
[ الجزء 37 ]
في 1995:
فجامعة متخصصة بالتاريخ ،لقى أستاذ باقي شاب المحاضرة تاعو وملي سالا، جلس فالمكتب تاعو وبدا تيشوف الطلبة تاعو خارجين ، حتى وقفات بنت شابة زوينة، شعر قصير مطلوق، وجه كروي بحنيكات كبار موردين، لابسة قامجة خاشياها فسايا قصيرة حد الركبة ، وصباط تيلمع كحل، هازا كتوبها فيدها ، وواقفة تتشوف فأستاذها حشمانة تتسنى كولشي يخرج من المدرج.
شاف فيها الأستاذ مبتاسم: الحبيبة تاعي، غبرتي عليا يوم واحد وتوحشتك.
البنت دورات عينيها حشمانة من كلامو.
الأستاذ وقف جاي عندها: خرجي تسنايني فبلاصتنا وأنا غنجي عندك.
قرب ليها ودور يدو على خصرها وهي حطات يدها على صدرو تضحك باش تبعدو لايشوفهوم شي واحد مسؤول فالجامعة.
خرجات تتمشى دغيا سابقاه.
هو ابتاسم وجمع داكشي تاعو وخرج تابعها.
داز عليها لبلاصتهوم وركبها فسيارتو لي كانت تتبان كلاص فداك الوقت.
ركبات وهي تدور عينها فالشارع، جلسات وحطات الكتوبة فوق رجليها.
تحرك من تماك والطريق كولها تيغازلها وهي تضحك حشمانة.
وصلو لبلاصة بعيدة ووقف الطوموبيل ، دار عندها تيشوف فيها، شاف الكتب لي فوق رجلسها وهزهوم.
الأستاذ: لاش حاطة هادو فوق رجليك، متقلوش عليك
حطهوم حدا رجليها التحت.
جاوباتو وهي جامعة يدها قدامها: لا، عادي.
الأستاذ دوز يدو على يدها وقاس رجلها، علاش متتلبسيش ديما الصايات،تيجيو معاك.
ابتاسمات حشمانة.
الأستاذ : نتي عارفة بلي أنا باغيك للزواج ،وباغيك نتي فحياتي.
هزات وجهها حمر فيه وهي مصدومة: بصح!
الأستاذ: أكيد بصح،علاه حنا لاش مع بعضنا دبا، غير باش نتزوجو زنوليو عائلة.
البنت فرحات وشدات يدو: وإمتا غتجي لدارنا؟
الأستاذ: قريب قريب ، قلت ليك بلي داري قربت نكمل ليها الفراش.
البنت: اه
الأستاذ: نساليها، ونجس نخطبك وندير ليك عرس كبير يهضرو عليه گاع الناس.
البنت فرحانة تتشوف فيه.
الأستاذ: تبغي نمشيو نشوفوها، ومنها النيت تعطيني رأيك.
البنت هزات راسها ب اه.
ومشاو، كانت بارطمة فعمارة فحي راقي.
طلعها ودخلو وسدو الباب .
الأستاذ: هاهيا دارك ا لالا.
البنت: لالا دارك نتا، أما أنا حتا نتزوجو وقوليا دارك.
الأستاذ: حتا دبا حسبينا مزوجين، حنا أصلا تاع بعضنا،مزوجين فالسما.
استدرجها الأستاذ بالكلام الحلو ، حتا دارو علاقة، وبنفس الكلام تعاودات مرة وجوج وكثر.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
