|أسطورة نوميديا|
الفصل الرابع : خيوط الحقيقة
[ الجزء 31 ]
فوسط المركز تاع الشرطة كان اجتماع، مترأسو الرئيس لي كولشي تيعيطليه البوس، تيشوف فالالانعكاس الكبير الع القضية فالحيط وهو تيشرح.
الرئيس: الجريمة لي قدامكوم، طرات ف 2002 ، الضحية ليلى مرجاني ، ماتت على عمر 27 سنة ، 6 تاع الطعنات فالكرش والصدر، أداة الجريمة مكانتش، البصمات مكانوش ، وحتا الشهود لي كانو ، مكانوش تيقولو القاتل هو شي واحد، ولكن كانو تيقولو بلي رمزي الساخي تيدخل عندها ، ولكن مكان حتا دليل ضدو.
دوز الرئيس قضية 2002 وجبد قضية 2018: القضية تحلات ورا ماجا الشيفور تاع رمزي الساخي تيقول بلي هو القاتل، من ورا 16 عام جا اعتارف، ولكن ورا البحث والتحليل تسدات القضية حيت مكانش دليل.
فؤاد تدخل: واش تحلات القضية عاوتاني؟
الرئيس: القضية تحلات ورمزي هو القاتل، المذكرة تاع الاعتقال غادي تخرج دبا وغنمشيو نعتاقلوه.
فؤاد: ولكن كيفاش بان هو القاتل؟
الرئيس جلس بعدما كولشي ركز فوجهو: ماسين..ماسين معرفتش كيفاش عرف الأداة تاع الجريمة، دار تحاليل عند أنور وقارنوه بالنتائج تاع الدم تاع الضحية وبصمات رمزي وخرجو مطابقين .
هضر واحد من البوليس مصدوم: ماسين؟ ياك موقوف؟ كيفاش وصل للأداة الجريمة؟؟
الرئيس: الأداة ماشي أي حاجة، هي مميزة، كيفاش عرف هي السؤال أما كيفاش وصل ليها ساهلة.
فؤاد: أشنوهيا الأداة؟
الرئيس: خنجر نوميديا لي كاين فالمتحف.
تصدمو وحلو عينيهوم، عارفين ماسين متهور، ماشي لدرجة يشفر خنجر غالي من متحف كبير.
فؤاد: اه وأش غدير معاه!
الرئيس: إلى كان عليه دليل واحد بلي هو لي شفرو، فراه القانون لي غيدير خدمتو ماشي أنا.
دخل بوليسي زربان عطا التحية وحط ملف للبوس.
البوليسي: مذكرة الاعتقال خرجات.
ناضو وقفوا كاملين.
الرئيس: غادي نمشيو دبا نجيبوه ومن بعد يبان أش غنديرو، منبغيش شي حاجة تخرج على السيطرة، جيبوه بحال كيما تنجيبو غاع أيها الناس.
عطاوه التحية وخرجو قاصدين الطوموبيلات تاع الخدمة، خرج تاهوا تابعهوم حتا صونا تيليفونو.
الرئيس شاف سمية وابتاسم بسخرية: ياك لاباس.
ماسين: البوس توحشتك، ولكن منقدرش نشوفك دبا، غدا نجي عندك.
الرئيس: اش بغيتي راني زربان.
ماسين: تعقل على القضية تاع 2018 لي سديتها بيدي،بغيتك تحلها، خدمت وبحثت حتا جبت القاتل، هو رمزي الساخي، الدليل عند أنور الوراقي عندو كاملين، خرج المذكرة وشدو وغدا غندوز عندك.
الرئيس دوز يدو على وجهو: واخا
قطع وكمل طريقو
مباغيش يشد معاه الضد ويولي داير فيها المش وهو الفار، بغاه هو يجي عندو غير بالفن.
VOCÊ ESTÁ LENDO
أسطورة نوميديا🗡️مكتملة🗡️
Fantasia💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
