|أسطورة نوميديا|
الفصل الخامس : خرافة على أرض الواقع.
[ الجزء 39 ]
في 2002 :
منى كبرات وولات عندها 7 سنوات، ولات واعية بلي تتشوف.
كل نهار ليلى تتخرج الصباح وتترجع مقلقة وتدخل للبيت تتبكي.
تعاود المشهد قدام منى بزاف تاع المرات، وكأي طفلة جاها الفضول، وناضت سولاتها.
منى: مالك اماما تتبكي كل نهار؟
ليلى عنقاتها: ا بنتي 7 سنين تنقلب على باك، نهار لقيتو حلف ما يعتارف بيك، علاش الدولة فارضة هادشي ، رجال يضحكو على البنات وفاش يحملو نوليو تابعينهوم باش يعتارفو بولادنا باش ندخلوهوم للمدارس، علاش.
بدات تتبكي وتهضر وتهضر واخا عارفة بلي منى ممستوعبة والو، ولكن كانت باغا لمن تخوى قلبها، تعاود على لي مرون حياتها.
هاكا دوزات حياتها من نهار لقاتو، تمشي ترونها ليه ، يجي يتبرى منها، تمشي عاوتاني وهي غادا، ولكن مؤخرا ملي شد منصب جديد ولا رافض حتا يتلاقاها.
صباح جديد عاوتاني ناضت خملات الدار ومسحاتها كاملة، كانت الدار كبير من الداخل، عامرة بالمكتبات الصغار وبالفيترينات وبالأكسسوارات، جدها كان تيحماق على هادشي ، تيشري أي حاجة بأي ثمن باش يحطها ديكور فدارو ، وفاش مات وصى مراتو على هادشي يبقى هاكا ويتورث لأجيال الجاية، وفاش ماتت جداتها خلاتليها نفس الوصية.
وهي محافظة على هادشي ورادا ليه البال.
وصل الوقت وفطرات بنتها وخرجات عاوتاني قاصدة خدمتو الجديدة.
كان يالاه شد منصب مدير تاع المتحف وكان تيحاول يقاد بلاصتو باش يزيد يكبر لي هو فيه ، ويزيد يطلع.
دخلات منى للمتحف وقصداتالبيرو تاعو، وناوية اليوم تفرتكها معاه.
كان مظهرها كلاص وبنت عائلة راقية ، حيت فعلا عائلتها ناس لاباس عليهوم وكبرات وسط الخير.
حلات الباب بجهد وبدات تتغوت.
ليلى: عنداك يكون تيتسحابليك أنبقى كل نهار نجي نطلبك باش تعتارف ببنتك؟
رمزي: عاوتاني نتي؟
ليلى: سمع البنت بنتك بغيتي ولا كرهتي، تنشوفيها وتنقول (دفلات على وجهو) تفو على الأب جا فنصيبك، راك عارفني شكون، وبنت شكون ، عنداك تسمع علاقتي مع عائلتي هاكا فراه وليت بوحدي.
رمزي: البنت ماباغيش نعتارف بيها يالاه ديگاج.
ليلى ضربات البيرو بالجهد: تنقسم بالله حتى نشوهك ونجبد مصارن فعايلك الموسخة، ونشوهك ونزلك للأرض، ورجعك لتحت ما كنتي فيه، وعقل على وجهي مزيان .
دارت لقات الموظفين تيطلو وهوما تيسمعو الصداع.
ليلى: سمعو كاملين: هادا لي حاسبينو مديركوم: أكبر نصاب ، عنداك يتسحابكوم طلع بدراعو، راه النصب والكدوب والفعايل المسخة باش هنا ،سمعتو بلي مزوج ياكو، إوا راه عندو بنت معايا، وعلم الله شحال من مرا نكح وهو تابع الكبت تاعو يا المكبوت، أنا لي غنربيك إلى مرباتك موك الموسخ، أقليل العفة، هادشي لي بغيتي.
خرجات وهي باقا تتغوت من ورا مشوهاتو.
أما هو ملقى ميگول سد بيروه وسكت.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
