💎مكتملة💎
❌حصرية على الواتباد❌
رمضان كريم🌙🎆
⚔️أسطورة نوميديا⚔️
بقلم : [ أكيرا ]
♤♤♤♤♤♤♤♤
-البعض قال: تحكى الأساطير للعبرة و الخبرة.
-والبعض قال : أنها مجرد خرفات من نسج خيال الجدات.
-ولكن أسطورتها كانت استثناء، أتت من الماضي لتحيى في الحاضر،...
|أسطورة نوميديا| الفصل الأول: بين الأسطورة والواقع [ الجزء 15 ]
ركب طوموبيلتو وداز لمحل تاع الحوايج هضر مع البنت لي تما.
ماسين طلعها وهبطها: ختي بغيت جوج سورفيتات فطاي كبر منك، وكسوة تكون طويلة وبالكمام وكلاص فلاطاي لي قل منك، فهمتي.
البنت: واخا ولكن علاش السورفيط كبر مني والكسوة قل مني.
ماسين تيشرح بيديه: لا والو غير حيت نتي كي شتي فصالتك شوية مشكودرة، كتافك كبار ولكن رجليك صغار، داكشي باش إلى عبرتي عليك سورفيت اقدر تعبري بالسروال ويطلع الفوق صغير بزاف، داكشي باش جيبيها كبر باش تجي واسعة ونتهنى، والكسوة حيت أتعبريها بكتافك تباركالله داكشي باش جيبي صغير منك بجوج طايات گاع إلى كان .
البنت وجها ولا حمر ، شافت فيه وفالناس القلال لي كانو حاضيين ماسين تيهضر.
خلص البنت لي فلاكيس بلا ميهتم ، وخرج. داز خدا العشا ورجع للدار.
دخل وهو يحس بالسكات.
ماسين عيط: نوميديا! تكون نعسات هاد ختنا ولا كيفاش.
نوميديا حلات باب الغرفة لي عطاها.
ماسين مد ليها الحوايج لي جاب: أه هاكي هادو، أكيد مغديش تشوهي بيا كتر مشوهتيني اليوم بهاد الحوايج، بدلي بشي حاجة تماك وخرجي تاكلي .
نوميديا دخلات تتشوف فداكشي وسدات الباب عليه، وهو هز الماكلة للكوزينة وجدها وحطها. دخل بدل بسورفيت وخرج باش ياكل. بقا تيتسناها تخرج حتا خرجات لابسة سورفيت من الحوايج لي شراليها، جاتها أوفر سايزد ولكن كانت مريحة ليها، وجلسات فراس الطبلة.
نوميديا شافت فيه باحتقار عاوتاني: كيفاش تيتجرأ خادم بحالك يجلس فنفس المائدة مع سيادو.