|أسطورة نوميديا|
الفصل الخامس : خرافة على أرض الواقع.
[ الجزء 40 ]
خرجات ليلى تترعد بالأعصاب، شدات طاكسي ومشات لدارها.
وصلات لدارها وجلسات عاوتاني تتبكي، جات عندها منى تتشوف فيها .
منى: مالكي أ ماما تتبكي؟
ليلى عنقات: سمحيليا إلى كبرتي بلا وراق وبلا ما يعتارف بيك باك.
منى : ماما صافي مكاينش مشكل إلى مبغاش يجي،أنا أصلا فاش غنحتاج هاد الوراق؟
ليلى: ميمكنش دخلي للمدرسة.
منى: أنا أصلا تنقرا فالدار، ياك نتي تتعلميني كيفاش نكتب ونقرا، صافي أنبقاو هاكا حتا نكبر.
ليلى: ميمكنش أبنتي، خاصك تدخلي مدرسة ضروري باش تقدري تخرجي وتخدمي ونشوفك فين بغيت.
منى هزات كتافها: أنا بغيت نكون بحال جدي، نقلب على هادشي ونجي نخبيه فالدار.
ليلى: جدك قرا بزاف وبحت بزاف باش ولا هاكاك.
بقات مجمعة مع بنتها لي نساتها فلي داز الصباح ، كملو النهار بجوجات بحال ديما حتا وصل ليل.
منى: منقدرش نعس بوحدي.
ليلى: دبا ابنتي كبرتي وغتبقاي تخافي من الرعد والشتا.
منى دورات راسها بلا باش تنعس حداها.
ليلى: يالاه سبقيني لبيتي ، نجيب الما ونجي.
منى مشات تخشات ففراش مها، وليلى جابت الما وتخشات تنعس حداها.
بقاو تيهضرو حتا نعسو، وبعد مدة سمعات ليلى الخبيط فالباب، وهي تنوض مخلوعة.
نزلات للتحت وطلات لقات رمزي تيدق ويعاود ، حلات ليه الباب .
ليلى: أش جابك عنظي فنص ليل، ياك قلتي مغاديش تعتارف بالبنت.
رمزي دخل للدار: أنا رمزي الساخي نتهدد ونتشوه هاكاك.
ليلى ربعات يدها وشاف فيه: على قبل بنتي ندير أي حاجة.
رمزي دور عينو فالصالون ويديه تيترعدو بالأعصاب .
رمزي: كيما تنتي ديري على بنتك أي حاجة تانا على مستقبلي ندير أي حاجة.
شنق عليها بيديه لي لابس فيهوم ليگات كحلين: كيفاش وحدة بحالك تفكر تهدم لي تنبني، وتشوهني وسط الموظفين.
ليلى بدات تترطادى فيديه حتا تفكات: بغيتي تقت_لني، وليتي مجر_م، وليتي بغيتي تطور وتولي قت_ال.
رمزي دور عينو فالفيترينا ،هز كرة تاع الزاج لاحها جهتها ولكن مقاستهاش، وهو يلمح خنجر حمر وهو يحلو وجا قاصدها.
غوتات ليلى من بعد ما زگلات الكرة وهو يباليها جاي قاصدها بالخنجر.
لاحها فالأرض ونزل عليها وهو تيسب فيها ويعايرها ويبرد سمو فيها، ما حبس حتا حس بيها ماتت ومبقاتش تتحرك، شاف فالدنيا كلها دم، وحوايجو لي عامرين ، والأرض. وهو يحبس .
رمزي رجع لور تيستوعب لي دار، راسو وقف، هز الخنجر ورجع هز الغشا تاعو وهو يخرج بلا ما يقيس حتا حاجة.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
