|أسطورة نوميديا|
الفصل الخامس : خرافة على أرض الواقع.
[ الجزء 44 ]
بعد أيام دخل حمزة للدار تيعيط لمنى.
منى: هاني أ خويا أش واقع؟
حمزة جلس فالصالون تيفرك يدو: تعقلي نهار قلتليك بلي الخطة تاعك نجحات وبلي الشيفور مشا بلغ وبلي الملف تحل؟
منى: اه عقلت، السبت والجمعة الفايتة: أش طرا شدوه؟ فرحني وقوليا شدوه.
حمزة دور راسو بلا: عيطوليه حققو معاه وكلفو محقق يتكلف بالقضية، اليوم تسد الملف ، حيت ملقاو عليه والو، لقاو بلي معندو علاقة بالجريمة.
منى شافت فمينة لي تتشوف فيها بحزن: أويلي، كاين شي قضية لي تتسد ورا 5 أيام؟
حمزة: هانتي تتشوفي.
منى: ميكونش تدخل ليه شي واحد من الفوق وقاليهوم سدوها؟
حمزة: لا المحقق لي مكلف هو لي قاليهوم نسدوها.
منى: إدن ، خدا الرشوة.
حمزة: ممكن بزاف، وممكن لا، المهم القضية تسدات وهاد المرة فمرة.
منى ناضت لبيتها تتبكي حيت مقدراتش تخلي الخطة تنجح، والسبب كامل هو داك المحقق لي ولا بالنسبة ليها عدو.
منى سدات عليها فبيتها تتفكر وتفكر ، شحال من مرة قررات تمشي تبلغ بيه.
ولكن تيمنعوها حيت مبغاوهاش تبان فالواجهة، حيت غادي يقتلها رمزي إلا عرفها حية.
منى: واش تبغيو واحد قتال يبقى مطلوق؟
مينة: ا بنتي واش تبغي تخسري حياتك بسبابو.
منى: لاش أنموت أنا، غادي يموت هو.
مينة: دبا بالعقل، هو قتل ماماك وهو مكانش شي حااااجة، واش غيحير فيك من ورا ما ولا ليه الشان والمرشان.
منى سكتات تتفكر: غادي ندوز لعائلتو.
مينة: عمر عائلتو وصلوك؟ لي بينك وبينو راه بينك وبينو، خاصك تنتاقمي منو هو ماشي من عائلتو.
منى : صافي ، بغا لعب الخايب، هاحنا غادي لعبوه.
حمزة حيد يديه من على عينو: أش غاديري.
منى بابتسامة شر: غادي نلقاليه خطة محبوكة، تريبو هو وهاد المجرم لي متستر عليه .
حمزة شاف فمينة: بنتك تحرقوليها.
ناضت منى تتفكر وتهندس منين دوز ليه وتجمعهوم بجوج دقة وحدة ، وتخرج منها كي الزغبة من العجينة.
دازو الأيام والشهور، ودخلات منى تتقلب على رمزي عاوتاني وتقلب فين وصل وتزيد تكرهو وتحقد عليه.
طلع ليها المتحف ، وبدات تتقلب عليه ودخلات تتشوف فلي كاين فالمتحف وأشنو تيعرض فالمتحف تاعو، كيفما كان الحال هي مهتمة بالكتب و ديما عايشة وسط التاريخ والماضي فيهوم.
بالصدفة طلع ليها الخنجر وهي تحر عينها مصدومة.
ناضت تتجري للصالون عند مينة وحمزات،لاحت تيليفون قدامهوم: شوفو أش لقيت، واش عرفتو أشنو هادا؟
مينة طلات وحلات عينيها وحتا حمزة هاكاك وشاف فمينة: واااو بحال كيما تيوصفوه، واش قادوه ولا حقيقي.
مينة: سبحان الله والله تقول غير هو.
منى شافت فيهوم باستغراب: علاش تتهضرو؟
مينة: الخنجر.
منى: منين عرفتوه؟ واش فايتليكوم شايفينو؟
مينة: الحجاية أ بنتي لي تنعاودليك، تاع نوميديا، هاكا تيقولو داير الخنجر،محطوط مسلوط .
منى وقفات تتشوف فيهوم فرحانين تيزوميو فيه: هادا هو الخنجر باش قت_ل رمزي ماما.
YOU ARE READING
أسطورة نوميديا🗡️مكتملة🗡️
פנטזיה💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
