💎مكتملة💎
❌حصرية على الواتباد❌
رمضان كريم🌙🎆
⚔️أسطورة نوميديا⚔️
بقلم : [ أكيرا ]
♤♤♤♤♤♤♤♤
-البعض قال: تحكى الأساطير للعبرة و الخبرة.
-والبعض قال : أنها مجرد خرفات من نسج خيال الجدات.
-ولكن أسطورتها كانت استثناء، أتت من الماضي لتحيى في الحاضر،...
|أسطورة نوميديا| الفصل الثاني : كن حذرا! [ الجزء 18 ]
نوميديا شافت فيه مخنزر تتفكر.
خشات يدها فجيبو وجبدات بزطامو.
ماسين مد يديه ياخدو منها وهي تبعدو عليه وشافت فيه شوفة تاع تحيدو لياندير ليك الشوهة.
ماسين : صاف هادشي لي بقا ليك تشفريني بالعلالي.
جبدات من البزطام جوج تاع لي كارط لي لقات، كارط ناسيونال، كارت بونكيغ.
نوميديا: شكون مهمة كتر؟
ماسين بدون تفكير نطر كاغت بونكيغ.
نوميديا لاحت ليه بزطامو. وجبدات عود بحال لبرا من ساكها وهي تخشي الكارت فالسدة تاع الباب وبدا تتحاول تحل الباب.
ماسين وقف مصدوم من داكشي لي تدير ، كيفاش وحدة من العصر الحجري تعرف تحل باب بكارط وبرا ،وقبل ميحبسها ، كانت تحل الباب، ولكن تهرسات معاه الكارت ناسيونال.
ماسين شد راسو : ضافاااااك، ناري قفااارت، ابنادم هرستيها.
نوميديا دخلات: ياك قلتي ماشي مهمة.
ماسين: فين تعلمتي هادشي، وكيفاش درتي هادشي، ناري على لاكارط.
ماسين جلس للأرض تيشوف فالكار ، تقسمات على تلاتة طرف صغير بقا لاصق فالباب وطرف فالأرض وطرف فيدو، سرط الغصة وهز الطرف لي فلأرض وتبعها وسد الباب .
كانت الدار مغبرة بزاف ، ولكن كانت هي هي بحالا مسكونة، وهنا شك فجوج حوايج ، يا الشيفور هرب من ورا معرف بلي رمزي متبتات عليه الجريمة ، ولا شي واحد قتل الشيفور وغبرو.
دار فالدار بالخف ودخل للكوزينة ولقى لي أكد ليه شكوكو.
كانت البوطة فوقها بريق تاع القهوة كحل، وكان الفورنو لي كان فيه البوطة تاعو دايرة بحالا شاعلة، وهنا عرف بلي تخطف وخلا البريق مشعولة عليه العافية، تقادا الغاز وطفات البوطة وتواحد مجابليها الخبار حيت الدار بقات مهجورة 4 سنين كاملة.
دوز يدو على وجهو بعدما عرف الشاهد الوحيد ضاع من بين يديه.
جات عندو نوميديا: الدار مهجورة.
ماسين: الشيفور تقتل وتواحد مجاب خبارو حيت معندو حد، ولي قتلو هو رمزي غالبا حيت هو لي الوحيد لي عندو غرض يقتلو،(ساط النفس ودوز يدو على وجهو) المهم يلاه مبقى عندنا والو هنا.
مشا خرج وتبعاتو نوميديا تتفكر.
رجعو للدار فالسكات، دخلو وكل واحد مشا لبيتو يرتاح، حتا جات نوميديا عندو داخلة بلا دقان: خاصنا نمشيو عند رمزي.
ماسين بلا ميشوف فيها غطا راسو بالوسادة: ودبا شوف هادي، تتمشي حتا تتولد ليها الحمارة شي فكرة وتجي تفرع ليا راسي (دار عندها) أش غديري عند هاد رمزي إلى مشيتي عندو؟
نوميديا جلسات: خاصنا نكتاشفو المتحف، وميمكنش نكتاشفوه من غير رمزي، وعاد خاصنا نشوفو الخنجر عن قرب.
ماسين ناض من بلاصتو: عن قرب؟ واش كاين شي قرب من غير داك لي كنتي فيه داك النهار؟
نوميديا شافت فيه شوفة ممسوحة عاوتاني.
ماسين بغير حيلة: واخا.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
