|أسطورة نوميديا|
الفصل الأول: بين الأسطورة والواقع
[ الجزء 12 ]
في الحاضر:
نوميديا تتدوز يدها قدام وجهو، وترجع دوزها ، والسيد والو مغيب، وهي تنغزو و بصبعها.
ماسين رجع تركيزو لعندها، وشاف فيها مغوبش: شوفي نتي طلبتي مني نوريك فين الخنجر،إوا صاف هاهوا قلت ليك فين كاين ،يلاه تلاحي،قلبي على شي واحد آخر يكمل بيك الطريق.
نوميديا وقفات قدامو وجبدات كموسة خرا: كون راجل وقد بكلمتك، ومتكونش كيف النسا لي تيتخباو كل مرة يحسو بالخطر.
خرجات وهو بقى حال عينيه تيشوف فيها: ميمكنش تستاغليني هاكا أ ديك البنت.
،خلص السيبير وخرج تايعها.
ماسين : خاصنا نرجعو للمركز ناخد طوموبيلتي .
هزات راسها وتمشات قدامو وهو تابعها تيفكر كيفاش تتأتر فيه وتخليه يتبع كلامها واخا مباغيش.
ماسين: غادي نوصلك تشوفي الخنجر ومن بعد ضبري راسك، واش تتسمعيني، أنا مغنتورطش فهادشي عاوتاني، أنا أصلا غارق تال ودنيا ميمكنش نزيد نغرق هاكا.
رجعو للباركينغ وركبها وقادليها السمطة وهي تتنغر حيت قرب منها ، وركب هو وديمارا
الطوموبيل، وتوجهو للمتحف لي كان بعيد على موقعهوم، نوميديا كدور عينيها فالطريق بلا متبين اندهاشها فلي كتشوف.
ماسين منتابه ليها ولحركاتها وكلامها، الشيء لي خلاه يدخل فصراع مع أفكارو، كلشي تيبين بلي هي نوميديا صاحبة الأسطورة، نص كلامو متتفهموش، حركاتها وهضرتها بحال لي تيبانو فالأفلام التاريخية، حتا قوتها لي عاودو عليها تتبان فعينيها، ولكن باش يجيب إنسان من الماضي يعيش فالمستقبل لا، هادشي مفيهش المنطق ،كيفاش أصلا واحد مات يرجع للحياة.
ساس راسو من الأفكار وركز على الطريق وخلا الحقيقة تبان مع الوقت.
وصلو للمتحف ودخل هو وياها وبداو تيدورو ويقلبو على الخنجر، كانو ناس قلال، وأغلبهوم كانو منداهشين من لباس نوميديا، أما هي فماكانتش شايفاهوم كل همها الخنجر يبان، من غرفة لغرفة وتدور عينيها بين الأجنحة لي دايرين ، حتا بان ليها، مشات باتجاهو وتبعها ماسين،،لي كان تيدور وهو تينزل كاسكيطتو على وجه، آخر حاجة باغي طرا هي يتلاقى رمزي فبلاصتو.
وقفو بجوج تيشوفو فالخنجر مخشي وسط صندوق زجاجي ومربوط مع لالاغم ، فحالة شي واحد تجرأ يشفرو.
نوميديا دوزات يدها على الزاجة : هو هادا، هو ، قادرة نحس بيه.
ماسين : اوا هانتي شفتيه وعرفتيه فين كاين، يلاه نمشيو.
نوميديا: لا خاصنا ناخدوه معانا.
ماسين سد فمها ودار تيدور عينيه فالناس لايكون سمعو شي حد: واش نتي حمقة!
نوميديا دفعاتو عليها عاوتاني: كيفاش تتجرأ تقيس وجهي.
ماسين جمع يديه وبعد: واخا سمحيليا حيت قستك ، ولكن بداي تفكري فهضرتك قبل متخرجيها من فمك.
نوميديا بقات تتشوف بنفس نظرة الغضب.
ماسين: هاد الخنجر رابطينو مع واحد الحاجة ، إلى هزيتيه غادي يبدى يصوني وغيجيو الرجال تاع الحراسة وحتا البوليس غادي يجيو، فهمتي؟
نوميديا شافت فيه ورجعات شافت فالخنجر وهي تمشى خارجة .
ماسين تبعها وهو تيلعن فراسو وفاللحظة لي قبل يمشي للمهمة مع فؤاد.
خرجو لبرا وهضر ماسين ويديه فالجيب : شوفي طلبتي مني نوريك الخنجر هانا وريتو ليك، قلتي بغيتي تشوفي، إوا هانتي شفتيه، إوا صاف الله يعاون ،باي، تشاو ،أديوس ، منبغيكش تباني قدامي مرة أخرى.
تمشات جهة طوموبيلتو وهي تتشوفيه.
نوميديا: اه أنا طلبتك تعاوني ،ومتنساش راه عاونتيني مقابل الذهب لي خديتي، وتنواعدك إلى عاونتيني ناخد الخنجر وعرفتيني على الراجل لي قت_ل بيه، نتا بلا شك عارفو شكون هو، فراه غادي نعطيك الذهب لي عندي كامل ونوريك الشخص لي غادي يصرفو ليك لفلوسكوم ،وحتا الخنجر غادي نردو ليك ونتا عارف الثمن تاعو شحال تيسوى فهاد الزمن إلى بعتيه.
ماسين وقف وجبد تيليفونو وقلب على الثمن تاعو شحال واصل، وبمجرد مشاف الرقم لي مقدرش يحسبو بدقة بكثرة، دار عندها تيبتاسم ابتسامة صغيرة.
ماسين: غادي تقفار عندك أ ماسين ولكن هانيا ،حياة وحدة لي كاينة أولا؟
نوميديا مشات ركبات فطوموبيل وشافت فيه.
ماسين ركب وشاف فيها: فين كاينة دارك نوصلك.
نوميديا شافت فيه نظرة فارغة: تنذكر بلي قلت أنني بحرا رجعت للحياة، وطبعا معنديش دار.
ماسين هز حجبانو وربع يديه: إوا ياكما تتسناي مني نشدليك أوطيل 5 إتوال ألالا؟
نوميديا بلا متسوق لكلامو ،شافت قدامها بثقة: غادي نتنازل ونعيش فالكوخ لي عايش فيه نتا الخدم ، ونتا غادي تقلب فين تعيش حتا يسالي العمل لي جيت على قبلو.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
