أسطورة نوميديا|
الفصل الثالت : إنه فخ
[ الجزء 25 ]
لبس ماسين الكمامة شاف الكاميرات وركز على المهمة، معرفش شحال تاع الوقت باش يرجع رمزي.
ماسين: أنا قاد عليها، غادي ديرها أ ماسين بلا مشاكل،كيفما كان الحال أنا ضابط الخطة وغادي نكون مطمئن إلا درتها بيدي.
بقا قدام البيسي دقائق طويلة حتا لقى الفرصة باش يدخل، بلوكا الكاميرات كاملين ونزل من الطوموبيل فيديه ساك فيه الخنجر المزيف، وداز من طريق أخرى باش يدخل، كلشي ضارب ليه الحساب باش ميحصلش.
دخل تيتسلت وكيفما بلانا لقى كولشي هو هاداك وصل حدا الخنجر وبدا تيترعد.
ماسين: يالاه هادي الفرصة تاعك، مغادي يطرى والو .
هز البواطة تاع الجاج بالخف، فك الخيوطة تاع لالارم ولصق اللصقة لي فيها الخيوط ولاصقة فالخنجر الأصلي ، فالخنجر المزيف ، دور عينيه ، ماصونا والو متبدل والو.
ماسين: حمدالله يا ربي، كنت عارف راسي تنزرب، ومغنعورهاش.
جمع داكشي وخرج بالزربة من المتحف، حيد الكمامة وجبد تيليفونو تيصوني.
ماسين: ألو فينك؟
-: أنا فلابوراتوار، علاش؟
ماسين: بغيتك فواحد البلان سري بزاف ، يبقى بيني وبينك!
-: دوز عندي دبا ، محد العينين قلال، عارف راسك ملي تتبان هنا تتكتر الحضية.
ماسين: عارف راسك بلي خدا فسوق البرگاگة ماشي لابوراتوار.
-: طفرتيه نتا فالمركز زعما.
ماسين: أخويا أنا تندير الفتنة، واش أنا لي خلقتني هاكا، لاا ا ، إوا ما بيدي مندير أنا زين وحارق القلوب.
ماسين تيهضر ويحرك فيديه حتا سمع طيط طيط طيط.
ماسين قطع وخسر وجهو ودار تيلي فجيبو: شابعين حسد.
دار ماسين للطوموبيل ، أكتيفا الكاميرات وديمارا للابوراتوار من ورا ماطفى البيسي تاعو باش متوصل منو حتا إشارة.
وقف قدام البلاصة وصونا لصاحبو: خرج أصاحبي أنا قدام لابو.
-: أوكي هاني جاي.
دقائق وخرج شاب فنفس قياس ماسين ، لابس لباس عادي، شاف السيارة ومشا جيهتها.
دخل وجلس حدا ماسين.
ماسين: أنور عندي ليك بلان طوب سوكخي ، بغيتو يبقى بيناتنا.
أنور: أش تما؟
ماسين حل الكارطابل وجبد الخنجر.
أنور شافو وحل عينيه: أش درتي المسخوط؟
ماسين: صبر نشرح ليك؟
أنور: أش غتشرح؟
ماسين: وادبا غير سكت من الفضيحة.
أنور : نتا صاحبي وكولشي ولكن تالهادشي وحبس، واش وقفوك باش تشفر؟
ماسين: دبا مالك كدوي وتبلبل، سمع أش كاين وحكم.
أنور: هاني تنسمع.
ماسين: تعقل على الجريمة تاع 2018 تاع رمزي الساخي، لي كنت شديت وقلت ليك البلان مافيه والو ولي قتل خبا كولشي.
أنور: أه، مالها؟
ماسين: هادا هو أداة الجريمة، وباش نتأكد خاص تشوف ليا البصامات!
أنور دوز يدو على وجهو كعلامة على أن صبرو تقادا: واش عارف شحال من عام داز، البصامات تيتمسحو وميمكنش يبقاو إلى الأبد.
ماسين: وانا لاش جبتوليك، علاه ماشي خدمتك هادي، أنا بغيت نعرف غير واش دم الضحية وبصامات القاتل هنا ولالا؟
أنور: هادشي فخبار البوس؟
ماسين: سؤال مهم هادا، كون كان عارف البوس كنتي غتلقاني هنا!
أنور: أنا غندير لي قلتي النتيجة وقتما خرجات نصوني ليك، غير هو هاد الروينة أنا ماشي معاك فيها.
ماسين: واشكون يقدر أصلا يعول عليك ويدخلك للمهام، راه ميقدر على هادشي غير شكون وشكون، نتا أصلا فكرني لاش درتي لابو غير حيت تتخاف من صوت الرصاص.
أنور لاحليه الشكارة وبغا يخرج.
ماسين جرو: والله حتا تنضحك، أصلا عادي كلنا كنخافو غير شد وقضي الغرض
KAMU SEDANG MEMBACA
أسطورة نوميديا🗡️مكتملة🗡️
Fantasi💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
