|أسطورة نوميديا|
الفصل الأول: بين الأسطورة والواقع
[ الجزء 11 ]
عيط رمزي على ماسين للمكتب تاعو ، وقرر يدير معاه صفقة، فالأخير هو بوليسي، وبالنسبة ليه البوليس يقدر يتشراو بالفلوس وقتما بغى ،ويولي خدام معاه گاع.
رمزي استقبل ماسين فالمكتب : مرحبا بسي ماسين، تبغي تشرب شي حاجة.
ماسين جلس وشا فيها بلا ميبتاسم: لا، قوليا لاش بغيتيني، عندي خدام بزاف نظيرها.
رمزي جلس قدامو: نفهم من كلامك بلي تتقول لي نطولوه نقصروه.
ماسين : تماما.
رمزي دار رجل فوق رجل: بغيت الملف يتسد ، ويتغبر وعمرو يتحل مزال.
ماسين ابتاسم بسخرية: ملف القضية تالقتل لي نتا مشتبه بيها ياك! هي علاش تتهضر!
رمزي: اه هاديك.
ماسين دور عينيه فالمكتب: وعلاش بغيتيها تسد، ياك قلتي نتا بريء.
رمزي: حيت أنا بريء مبغيتش صورتي تخصر ، الانتخابات قربو ، عندي عائلة ومعارف، منبغيهومش يتضررو ، داكشي باش غادي نعطيك مبلغ تاع الفلوس، تكلف وسد الملف.
ماسين: ااااه ، الفلوس، ويلا قلت لا.
رمزي سكت تيشوف فيه بلا ميتكلم.
ماسين: خاصك تعرف بلي الفلوس ماشي هوما كولشي، وبلي القضية تحلات ادن كاين دليل، وبما أنه كاين دليل،إذن نتا فغلا متهم.
رمزي جبد من جيبو كارني تاع الشيكات: 30 ولا 40؟
ماسين وقف: تنظن هضرتنا سالات.
تقدم ماسين للباب باش يخرج.
رمزي : بشحال قالوليك العملية، 50 مليون، تتسنى البوليس يجمعو ليك هاد المبلغ، ولا غادي تخدم خدمة خرا؟؟ منين غتجيب الفلوس ها؟؟
ماسين دار فيه يلاه غيسولو، لقاه واقف حداه مبتاسم ابتسامة شر وهاو فيديه الشيك، عطاه ليه فيديه وحل ليه الباب.
رمزي ضرب فكتفو: نعول عليك.
رجع ماسين للمركز دايخ.
تلاقى الرئيس فالدخلة.
الرئيس: ماسين فين وصلتي؟
ماسين شاف فيه : ها، لغيت نهضر معاك.
الرئيس : اه سبقني للمكتب هاني جاي.
ماسين مشا وتسناه حتا دخل وتكلم: القضية خاصها تسد، تحاجة متتبين بلي رمزي هو القاتل.
الرئيس باستغراب: البارح قلتيليا بلي غنتبعو رمزي تنشدوه.
ماسين: غادي نشدوه ، إلى لقينا دليل، ولكن تاحاجة مكتبين بلي هو القاتل، بحث فكولشي، وحققت مع الناس كلهوم تيقولو عصبي ولكن ميقتلش، وزيد عليها الشيفور تاعو كاين لي تيقولو بلي جاه الخرف، ورمزي براسو أكد ليا بلي استاقل حيت بدا تيحس براسو تيخرف، بمعنى ميمكنش نديو على أقوالو، أيام وحنا تنحققو مكاين حتا جديد ولا إضافة.
الرئيس سكت تيفكر ، سكاتو دام ثواني قليلة ولكن كانت طويلة على ماسين بزاف، خافو يشد الزكير.
ساعة الرئيس هز تيليفونو ودوز رقم الشيفور.
ماسين: علامن تتصوني؟
الرئيس: الشيفور.
ماسين بقا فبلاصتو تيحاول يكالمي راسو.
الرئيس شاف فتيليفون وعاود صونا.
مرة وجو وثلاثة وماكاين حتا جواب.
ماسين: متيجاوبش؟
الرئيس : لا ، الرقم غير موجود، واقيلة عطا رقم غلط.
ماسين: راه قلتليك الناس قالو بلي ماشي هو هاداك.
الرئيس سكت شوية تيشوف فالأقوال تاع الشيفور و قال: بصح واقلة خاص نسدو هادشي ،الملف أصلا تسد من الفوق شحال هادا باش نتفاداو الفضيحة حيت مكان فيه حتا دليل، ومن وراه مطرا حتا جريمة خرا زعما باش نقولو قاتل متسلسل، بمعنى لي قتلها قتل وهرب ومشا، ومخلا وراه والو.
ماسين سكت
الرئيس: أنا أنتكلف ونسدوه ،وحتا نتا حبس الخدمة فيه.
ماسين دارليه التحية وخرج.
وفعلا تغلق الملف مرة أخرى وهاد المرة كانت تغلق فمرة.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
