|أسطورة نوميديا|
الفصل الرابع : خيوط الحقيقة
[ الجزء 35 ]
دخلو رجال للدار منهوم لي لابسين لباس الجوندارم ومنهوم جوج بلباس عادي تيهضرو مع المرا.
المرا: أنا أولدي حمزة غير لقيتو باين من المدينة قلت ندخلو نرحب بيه.
حمزة مغوبشة: اخالتي مينة شحال من مرة قلت ليك مباقي دخل حد وردي البال، هادا لي مدخلة راه مجرم.
دورو عينوه لماسين لي شدوه جوج جوندارم وواحد هاز كارطابلو وتيدفعو فيه.
ماسين مصدوم سمع مجرم وشافيهوم: كيفاش مجرم كيفاش ، مالي قاتل ؟
حمزة: خرجو عليا الويل من هنا وديوه لابريغاد غادي يجيو باش يديوه .
ماسين: احتارم راسك راك تتهضر مع بوليسي.
حمزة وقف قدامو: بوليسي ؟ حشمت بديك الخدمة، شفاار.
ماسين تيتخابط معاهوم حتى ولا حمر، خرجوه بزز بعدما جمع ناس الفيلاج عليه .
العيالات جاو يطمأنو على مينة المرا العجوز ، وهي تطمنهوم عليها، وتقوليهوم بلي بيخير حتى رجعات بوحدها ودخلات للبيت الداخل ، حلات الباب .
كان بيت متوسط فيه ناموسية تاع واحد وماريو ومكتب، والحيط الكبير كان فين بزاف تاع التصاور تاع ماسين ورمزي والخنجر ووراقي على معلومات عليهوم ، وكيفاش الخطة خاص تمشي .
شافت المرا فبنت عاطياها بالظهر تطل من الشرجم مخبية بالخامية.
مينة: تهنيتي دبا ملي وصلتي لي بغيتي، برد قلبك من الحقد لي هازة ، أ منى، ولا نوميديا.
دارت شافت فيها جامعة شعرها شفنجة لابسة سروال كحل وتيشورت ، دارت يدها فجيب وابتاسمات: أنا دبا فايتة فرحانة من ورا مدخلتهوم بجوج للحبس، انتاقمت ملي قتل ماما وكان سباب فداك الراجل يبقى 20 عام وهو بريء.
مينة قربات ليها: ولكن أبنتي منى إلا مشا حتا جبدك أتورطي فالمشاكل.
نوميديا بابتسامة جانبية: حتا دليل مبقى ورايا، كولشي تمسح, معندي بصمات والا اسم والا حتى صورة يتبعوني عليها، ومن فوق هادشي أنا ممورطة فحتى جريمة وماشي حتى شريكة تاعو وعاونتو، وماسين ميقدرش يجبدتي، غادي يخاف من الشوهة، باراكة عليه غير كولشي تهدم وخسر خدمتو وفلوسو ودبا ولا بحال واحد شمكار شفر دار ودخل للحبس، اقدر هو كتر.
مينة قربات ليها وعنقاتها: المهم تكوني مرتاحة.
رجعو طلو بجوج على ماسين لي باقي تيتجار معاهوم، دخلوه للطوموبيل وديماراو لابريغاد.
وخرجو بجوجات للصالون تيهضرو على النجاح تاع الخطة لي خدات وقت طويل ولكن سالات بالنجاح.
نوميديا شافت فمينة :ساليت مع ماسين، ولكن مع رمزي، باقي مساليتش، باقي تابعني بزاف ،باقي شلا ضواصا نغرقهوم ليه عاد نرتاح .
مينة شافت فيها بحزن: ولكن..
قاطعاتها: داك السيد بلاصتو الحبس، هو لي بدا وانا غنكمل.
YOU ARE READING
أسطورة نوميديا🗡️مكتملة🗡️
Fantasy💎مكتملة💎 ❌حصرية على الواتباد❌ رمضان كريم🌙🎆 ⚔️أسطورة نوميديا⚔️ بقلم : [ أكيرا ] ♤♤♤♤♤♤♤♤ -البعض قال: تحكى الأساطير للعبرة و الخبرة. -والبعض قال : أنها مجرد خرفات من نسج خيال الجدات. -ولكن أسطورتها كانت استثناء، أتت من الماضي لتحيى في الحاضر،...
