علميني ي دنياي وش ذنبي

Part 1

نبدا اول بارت ان شاءالله يعجبكم 🏃🏻‍♀️
نبدا عند البطل
سند كان نايم وقعد لـ صلاة الفجر صلى وطلع من غرفته شاف امه خالصه صلاه ومتوجهه للمطبخ
سند : وين وين
ام سند : بجهز لك الفطور
سند سحبها مع يدها وجلسها وباس راسها وقال : افا والله تسوين فطور وتشتغلين وانا عندك ؟
ام سند : ي يمه بس فطور مايتعب صدقني الي يتعب القعده
سند : اي ماهي مشكله اجهز لك الفطور واخلصه وبعدين اخذك للممشى تحركين رجولك شوي وتوسعين صدرك
ام سند ابتسمت لحنية ولدها وخوفه عليها وقالت : والله ي ولدي ان ربي عوضني ع كل شي بحياتي بك
سند باس يدها وقال : انا بقوم اجهز الفطور وترا الخدامه بتاصل قريب
ام سند : طيب
قام سند وجهز فطور لـ امه وحطه عندها وجلس : سمي بالله
ام سند : يعطيك العافيه يولدي
سند : الله يعافيك
ابتدو ياكلون وهن يسولفون
ام سند : متى دوامك اليوم؟
سند اليوم ع المغرب وعندي مناوبه مقدر اطلع الا الفجر حاولت اسلمها غيري ماقدرت
ام سند : ليه تسلمها غيرك استلم شغلك وان شاءلله سهالات
سند : مو على التعب بس مابي اخليك بالبيت لحالك
ام سند بضحك : عيب عليك ي ولد امك انا اخاف عليك مو انت تخاف علي
سند ضحك : جتني عدوه منك وبعدين انتي بنتي ههههه
ام سند : مابيجون اليوم هيام وريم ؟
سند : لا بوديك عندهم انا اليوم اخاف اتأخر بالدوام مابيرتاح لي بال وانتي لحالك
ام سند ابتسمت : اجل اروح عندهم عشان تركز بشغلك
افطرو وخلصو شال سند المواعين وغسل الصحون وجاب لـ امه عباتها ونعولها " يكرم القارئ " واخذها للممشى يتمشون
،
نطلع من الرياض ونروح حايل
سُلاف صحت الصبح الساعه 10عكس عادتها الي يسحبونها من الفراش غصب وهي تحس بنشاط غريب دخلت المطبخ وهي تشوف امها ولينا وميلاف يسوون الفطور
سُلاف : هااااييي
ام عساف : وجع وش هاي ذي الناس تسلم
سُلاف : سلام عليكم
الكل : وعليكم ااسلام
سُلاف فزت وهي تجلس فوق الطاولة الي بالمطبخ : ايييييي وش تعملون "تسوون
ميلاف نزلت الي بيدها وقعدت تهز بضحك : نرقص تعالي معانا
سُلاف نزلت من الطارله وصار تهز مع ميلاف : ايي ذي الي فاهمتن تدري اني قاعده بي طاقتن اتسبر "اكبر" من بيتكم ذا
ام عساف بصدمه : سكنهم مساكنهم
لينا ضحكت : وش عندكم انتم مهبل
ميلاف : بسم الله ماعملنا شين
ميلاف : ماش ماعندكم فعاليه بروخ ارفع ضغط العيال تجين ميلاف !
سُلاف : تمممم
ركضو طالعين من المطبخ وتوجهو عند خوانهم وشافوهم متكاسلين
ميلاف نقزت تجلس بينهم : ايييييي وش عندكم انتم تسدون النفس من الصبح وش ذي الوجيه اللهم ي كافي
نياف : ابد مابوه شي تبين نقوم نرقص يعني تونا قاعدين
سُلاف مشت بشويش ورا نياف الي منتبه لوجودها وصرخت بذنه ونحاشت
نياف فز بخوف اول ماشفاها تضحك ارتفع ضغطه وقال : مهبوله انتي مهبوووله؟؟؟؟ اشك انتس انثى انتي الصراحه براستس وشه!
عساف ضحك : خير يخوي وش عندك عليها معليتس وانا اخوتس كسفي بوه
سُلاف اول ماصرخ عليها نياف بغت تبكي بس بعد دفاع عساف مدت لسانها له وهي تضحك ونياف انجلط منها
ميلاف ضحكت : شفت قلت لك وجه فلس انت بس منفس
نياف طلع وهو مرتفع ضغطه من صرخت سُلاف الي خوفته وهو كان ماله دقايق قاعد اصلاً
عساف : وش عندكن انتي وياها من صبح الله
ميلاف تكت ع رجله : السالفه يخوي اني من قعدت وهم يكرفن بالشغل قعدت سُلاف وقلنا نجي نغير جو عندكم
سُلاف وهي تضحك : بس خرعت اخوك ذا لحالها تضحك
عساف : يلا ورني عرض مقفاكن سون الفطور مع امي ولينا
طلعن ميلاف وسُلاف وصادفو ابوهن قاعد بالمقلط " مقلط المكان الي يقعدون فيه العايله يعني زي جلست العايله " يتقهوى
ميلاف رفعت يد ابوها وهي تحضنه وتجلس جنبه : يبه
ابو عساف : هلا بعيون ابوها
ميلاف : شرايك تدسنا "تخبينا" عندك مابي اسوي معهم الفطور تعبت والله
سُلاف جلست جنب ابوها بالجهه الثانيه : اي يبه تكفى
ابو عساف : تم وانا ابوكن والله مايقومونتسن
نياف جاء باس راس ابوه : صبحك بالخير
ابو عساف : صبحك بالنور
نياف جلس قبال ابوه : سُلافوه ميلافوه امي تقول روحن ساعدنها هي ولينا
ابو عساف : ماهن قايمات
نياف بستغراب : ليه؟
ابو عساف : بناتي ومابيهن يشتغلن عندك مانع!؟
نياف : مابوه مانع مو هن دلوعاتك لو انا يووووهه من زمان زارب بي ( مهاوشني )
ابو عساف سفهه ( طنشه)
ميلاف انسدحت ع رجل ابوها من جهه وسُلاف من الجهه الثانيه وابو عساف يمسح ع شعورهن ويسولف معهن اما نياف الي قام وقال ل امه ان ابوه عيا وهو مرتفع ضغطه منهن
لينا ضحكت : ماخذات عقل ابوي
ام عساف ابتسمت : انا بدونتس انتي اضيع مدري شلون بتعرسين وتتركن
لينا ابتسمت بحرج : افا انا اتركتس
عساف دخل وهو يبوس راس امه : صبحك بالخير ي وجه الخير
ام عساف : صباح النور يحبيبي
نياف بهباله : ولد البطه السوداء انا من قعدت ماسمعت الكلمه الزينه عساف حبيبكم وسلافوه وميلافوه دلوعاتكم ولينا ماتعيشون وتضيعون بدونها اعترفو اعترفو ماني ولدكمم صح ولا مابوه عايله تعامل ولدها مثلكم اعترفو خلوني ادور اهلي الحقيقيين
الكل ضحك على هباله
لينا : اخخ مشكله الغيره تذبحححكك
عساف قرب وهو يحضن امه ويسوي بحواجبه : يلا طققق من القهر
نياف راح ل امه من الجهه الثانيه وهو يحضنها ويدف عساف بيده : شتبي انت ابعد
ام عساف بعدتهم ثنينهم وهي تضحك وتأشر على الباب : اذلفو خلوني اخلص الفطور ليعصب ابوكم
لينا سحبتهم وطلعتهم برا وكملت مع امها ونزلو الفطور وكملو يفطرون
،
نروح لبيت سعد العصر كان قاعد مع خواته حاطين قهوه
ريم : سعوديّ نبي نطلع اليوم نغير جو مليت
سعد : افا والله ابشري بس عادي تخلينها بكره؟
ريم كشرت : لييه!!؟
سعد قرص خدها علشان تبتسم: عشان اليوم توني راجع من الدوام وبريح شوي اغفي بكره جمعه مافي لا دوام ولا شي نطلع بعد صلاة الجمعه ونتونس مارجعكم الا اخر اليل
ريم : وعد؟
سعد ابتسم : قلت لك شي وماسويته؟
ريم : لا
سعد : اجل خلاص ، هيااامم وينك
هيام جت وهي معها حلا : سويت حلا نتقهوى عليه
سعد : يبعد هالدنيا والله تعالي اجلسي عندي
هيام جلست جنبه وهي تقص من الحلا ريم تسولف عليه وهو مبتسم وكان منضرهم جميل جداً يربط بين الاخوه والاب وبناته وماهي دقايق الا دق الباب وقام سعد فتحه وشاف سند وامه
سعد : يحييهم اخبارك ي خاله
ام سند : الحمدلله انت كيفك يمه؟
سعد : بخير حياك حياك تفضلي
دخلها وطلع لـ سند
سعد : ها بتروح لدوام
سند : اي عاد لوصيك على امـ...
قاطعه سعد : استح ع وجهك توصيني على امي؟؟ " يعتبرها مثل امه وام سند تعامله زي سند بضبط هو وخواته "
سند ابتسم : مو اوصيك بس احرص عليك ويلا عاد تأخرت انا عن اذنك
راح سند دخل المستشفى وبدا يباشر عمله
نرجع لـ سعد الي دخل البيت وهو يتنحنح دخل وجلس عندهم
سعد : ها ي خاله اشوف ماجيتي لنا لك يومين ليكون مزعلينك؟
ام سند : لا والله ي ولدي وين ازعل عليكم انتم عيالي
ريم قربت وهي تجلس جنب ام سند وتمسك يدها : خاله تنامين عندنا اليوم تكفين والله وحشتيني
ام سند ابتسمت وهي تمسح ع شعر ريم وقالت بضحك : تستقبلوني اليوم؟
ريم فزت : اكيدددد
هيام : اذا ماشالك البيت تشيلك عيونا
سعد : يكبر حضنا اليوم والله
وكملو سوالف وبعد نص ساعه قام سعد وطلع لخوياه يتركهم على راحتهم
،
بعد صلاة العشاء بساعه وتص
ميلاف : يبه تكفى نبي نطلع اليوم للمزرعه
سُلاف : ايي تكفى يبه وربي اني مشتاقه لـ اصيل
ميلاف : وانا بعد اشتقت لـ سهم
ابو عساف بصدمه : بعقلكم انتي وياها؟؟ احد يروح مزرعه بهالحر
ميلاف : ايي اليوم الخميس وبكرا جمعه وبعدوه سبت يعني معنا وقت نروح ونتونس قبل المدرسه
ابو عساف بقرار حازممم : لا ولحدن يناقشن
عساف الي توه جاي : السلام
الكل : وعليكم السلام
عساف جلس بهدوء وهو ماله خلق وراسه يوجعه والكل لما شافه كذا هجد بحكم ان عساف يعصب اذا صدع
لينا : عساف تبغى اصب لك قهوه
عساف هز راسه بـ لا
ام عساف : وشفيك يمه تعبان ؟
عساف : شوية صداع
ام عساف جت بتقوم : الحين اسوي لك شاي حبق يعدل مزاجك
عساف جلسها : لا يمه اقعدي مايحتاج الحين اقوم انام شوي واصير بخير
ام عساف : بس..
عساف : لا بس ولا هم يحزنون ، باس راسها وراس ابوه : يلا تصبحون ع خير
طلع غرفته واخذ له حبوب لصداع ونام
،
نرجع لبيت سعد الي رجع من اخوياه ع الساعه 10:30 دخل البيت وهو يتنحنح : سلام عليكم
الكل وعليكم السلام
سعد : ها يخاله ان شاءالله مازعجنك خواتي بسوالفهم
ام سند : والله سوالفهم عسل على قلبي
سعد ابتسم وقال : اشوا اجل انا بروح ابدل واجي
راح بدل ملابسه وغسل وجهه عشان يصحصح ورجع وهو معاه كيس علاجات ومويا جلس وهو يعطي ام سند المويا ويطلع العلاجات : خاله موعد علاجك
ام سند ابتسمت لـ سعد الي يعرف موعد علاجها ويهتم لصحتها وكان فعلاً سعد يحب ام سند ومعتبرها امه بكل ماتعنيه الكلمه : الله يحفضك ي يمه
سعد : امين ، عطاها اول علاجاتها واول ماجلس دق جواله ب اسم " وليف قلبي " رد ببتسامه : ارحب
سند : البقى وش سوت امي؟
سعد : ابد على ماتحب
سند : اخذت علاجها جا موعده الحين
سعد : توي معطيها العلاج اعرف موعده لاتخاف
سند : يبعد راسي ي سعوديّ المهم انا ساعه وراجع
سعد : شلون مو على اساس للفجر
سند : على اساس بس دبرت اموري
سعد : تم اجل اعمل حسابك تنام عندي اليوم من زمان عن النومه سوا
سند : تم يلا فمان الله
سكر سعد وجلس يسولف مع ام سند وتقول لهم قصص الاولين
اما سند الي قفل ولف على صوت يناديه
فارس : سنوووود
سند لف بفرحه اول ماعرف الصوت : يهلاا والله ومرحبا
فارس وهو يسلم عليه : هلا فيك اخبارك وش مسوي
سند : الحمدلله على ماتحب انت اخبارك اخبار الوالد
فارس : بخير ولله الحمد
سند : متى خلصت اجازتك
فارس : والله اليوم وخلاصصص احس بموت تعب
سند جا بيتكلم بس لف ع صوت ممرضه تناديه عشان حاله حرجه وراح مسرع دخل العمليات لبس البس المخصص وبدا العمليه وكان دقات القلب بطيئه لف اول ماشاف دقات القلب حاول يساعده كثر مايقدر لاكن توفى مع الاسف طلع وهو ضااايقق شاف اهل المريض الي ركضو له وهم يقولون : بشرنااا يدكتور
سند بضيق وحزن : ادعو له بالرحمه ، راح وتركهم وهو على كثر مايمر بنفس الموقف الا انه يحزنن كل مرا ويحس يومه كله يضيق
طلع وكانت ذي اخر حاله عنده دور على فارس ولقاه
فارس : ها خلصت شغلك
سند : اي اخر شي اليوم الحاله الي قبل شوي وانت
فارس : انا تو بعد خلصت
سند : زين اجل اسمع بكرا عازمك على العشاء ببيتي
فارس : لا ي رجال ماله داعي وال..
قاطعه سند قبل يحلف : اسكت اقول وش الي ماله داعي انت توك مملك وذا واجبك وبعدين من زمان عن جمعاتنا وقعدتنا
فارس : اجل ابشر ي بو عقاب
سند : تبشر بالخير
راح سند وركب سياره مر بطريقه كوفي اخذ له قهوه وتوجه لبيت سعد
دق الباب وفتح سعد : حياك حياك
سند : الله يحيك
دخلو لـ الديوانيه وكان سعد مجهز فرشهم جنب بعض وحاط قدام فرشهم مفرحات ( بطاط ، بسكوت ، عصير ، كيك ، حلاويات والاشياء ذي ) ومجهز البلوت ( لعبه ابحثو عنها الي مايعرفها ) قال بضحك : نرجع لحياة البر؟
سند ضحك : بر الحضاره ذا
سعد انسدح : ههههههههههههههه يلا ماعليه سب كمل
سند انسدح جنبه : شفت اليوم فارس
سعد : خلصت اجازته ؟
سند : اي وعزمته عاد بكرا على العشاء
سعد بصدمه : بكرا؟؟؟
سند : اي وش فيك
سعد الي تحطم احلامه : خيرر كنت ابي بكرا نخليها طلعات ووناسه مللليتتت وربي
سند دفه بمزح : ولا يزعل سعّودي بكرا نقعد بدري ونسوي كل الي تبيه ونرجع قبل صلاة العشاء بشوي نبدل ونتجهز ويكون فارس توه جا وبعد العشاء نطلع انا وانت وفارس كذالك نتمشى نتونس ونرجع
سعد قام : يالله تحممست متى يجي بكرا !؟؟؟
سند سحبه ينسدح : نلعب بلوت وبعدها نم علشان تقعد بكرا بدري
كملو لعب واكل وبعدها نامو
،
صباح ثاني يوم الضهر بعد مارجع ابو عساف وعساف ونياف من صلاة الجمعه جلسو كلهم حول القهوه يتقهوون ويسولفون
ميلاف : يبه يمه
ابو عساف وام عساف : هلا؟
ميلاف : امم عادي نطلع اليوم مع عساف ونياف انا والبنات؟
ابو عساف : وليه ؟؟
سُلاف : يبه نبي نغير جو لنا فتره ماطلعنا ومنها تجديد اخوه بينا اخواني من زمان ماطلعنا معهم
ميلاف كانت تحاول تمسك ضحكتها عن كلمة سُلاف "تجديد اخوه"
ابو عساف : انجهو
ميلاف فزت وهي تجلس جنب ابوها وتبوس راسه : يبعد حيي ي يبه
ابو عساف ابتسم بهدوء وكمل قهوته وبعدها قام يغفي لين العصر وراحت معه ام عساف
ميلاف نقزت عند اخوانها وحلست بينهم: اسرررع سرسع الحين نطللع
عساف بطرف عين : من قال بنوديتس اساساً انا مالي خلق
ميلاف عطته الوجه البرئ والحزين : عساااف
عساف ابتسم : امزح معتس ي ام لسان بسرعه يلا
سُلاف جت وهي لابسه عباتها ونقابها وقطت على خواتها عباياتهن : انا خلصت وانتم بسرعه
نياف : قولو امين
الكل : امين
نياف : الله يرزقن حظ مثل سرعة سُلاف للطلعات
الكل مرا ثانيه : امينن
سُلاف : ههايي يضحكن وكذا
نياف قام ودفها بشويش : من ورا خشمتس تضحكين
لبسو البنات عباياتهن وتغطو وقامو العيال يلبسون ثيابهم ومشو
،
نرجع لـ بيت سعد قبل صلاة الضهر بدقايق
هيام وريم كانو نايمات وجت ام سند لكل وحده تصحيها تقوم تصلي وتقرا سورة الكهف وبعد ماقامو وتوضو فرشو سجاداتهم وصلو وبدو يقرون سورة الكهف
اما عند سند الي بطلعة الروح قدر يصحي سعد الي نومه ثقيلل وقعد سعد وهو ماله خلق نفسه وراحو صلو الضهر ورجعو للبيت ولقو الفطور جاهز وطبعاً فطور قسمين للعيال لحال والبنات لحال
ريم : خاله متى صحيتي اليوم؟
ام سند : الساعه 10 الصباح صحيت وضليت استغفر واقرا سورة الكهف وادعي لين اذن الضهر
هيام : ماشاءالله حلو اشوا صحيتينا ولا راحت علينا نومه
ام سند قعدت تنصحهم وتعلمهم عن اهمية الاستغفار والدعاء وقراءة سورة الكهف ب يوم الجمعه وبعذ مانهو فطورهم جت الخادمه تشيله وتنضف
اما سند وسعد كان سعد ياكل وهو باليالله يفتح عيونه من كثر ماهو نعسان
سند : قم قم بدل وخلص نطلع نمشي بالممشى ترجع لك لياقتك شف شلون نايم
سعد طارت عيونه : نعمم نعمم حبيي؟؟ اقوم امشي طاير عقلي انا زين افتح تبني امشي عشان اتحرول مرا وحده
سند : ماش لياقه صفرر اجل انا بشوف امي اذا بتمش او لا شف لي طريق
سعد قام يشوف له طريق ورجع : تعال
سند دخل وهو يبوس راس امه : صبحها ربي بالخير يوجه الخير
ام سند : صباح النور ي امي انت صليت؟
سند : اي الحمدلله بروح امشي شوي تبين تروحين معاي ولا بس ترا بنطلع ع العصر نغير جو كلنا
ام سند : لا يمه رجليني تعورني اليوم
سند نزل يبوس رجلها : اوديك المستشفى
ام سند : لا بس اقيل شوي وارتاح
سند : اذا زاد اتصلي بي
ام سند : ابشر
راح سند وطلع برا وهو يتصل على واحد من اصحابه الي مرا معه واسمه عواد " تعريف بسيط عن عواد يتيم ماعنده اخوان ولا خوات عايش ببيت عمه وبنتعرف على شخصيته البارتات الجايه "
عواد رد وهو صوته واضح النوم: هلا
سند : نايم؟؟
عواد : تو صحيت
سند : والصلاه حضرتك؟
عواد وهو مايبي طاري الصلاه عشان مايهاوشه سند انه ماصلا: راحت علي ماعلينا امر
سند : تروح معاي لممشى ال... نتمشى؟
عواد : تم ربع ساعه وتلقاني هناك
سكر سند وتوجه للممشى
اما عواد الي كان طالع من بيت عمه وتجهه للممشى وصل ونزل وهو ضااايق
سند لاحض ضيقه : عواد وش فيك؟
عواد : ابد ولا شي حركات عمي الدايمه
سند : ليه وش سوا هالمرا
عواد : عطاني محاضره يبيني اتوضف
سند : وهو صادق بذي كم عمرك بالله وللحين لا وضيفه ولا شي وبعدين وش جاب الطاري له
عواد : اولاً انا مابي اتوضف ياخي كيفي ماحب شي اسمه وضيفه وغير ذا هو يعني يبي مصلحتي كذاب بس يبي يفتك مني ويخليني اطلع من البيت لاكن يعقب بيت ابوي ذا يحلم اطلع منه والي جاب الطاري طلبته فلوس
سند خبط ع كتف عواد : معليه يخوي تحمله محسوب عليك عم وبعدين ليه ماقلت لي انا اعطيك ولا منته
عواد : اتركها ع ربك
سند : شفت ليه قلت لك واقول لك دايم توضف ابيك تغني نفسك عن طلبته
عواد طنش وكمل طريقه يهرول ولحقه سند وهو يوقفه وطلع من جيبه فلوس : امسك
عواد جا بيتكلم بس سكته سند : لاتسوي فيها حياة الفهد " ممثله" وخذ
عواد خذاها : تسلم
سند : مابينا
،
بالطريق عند عساف
عساف : وين تبون ننهج لوه
ميلاف : شرايكم المول؟
سُلاف : لااا نبي الممشى
نياف : لا انتي وياها نبي نتمشى بالسياره
عساف : سدو حلوقكم ليني اختاري
نياف : لنا الله ليني ودلع مو لااايق
لينا ابتسمت : ام شرايكم المول منها نتمشى ومنها بشوف لي لبس للجامعه
عساف : تم
توجه للمول والطريق كله نياف يتحلطم وسُلاف تهاوش معه وميلاف تسولف شوي وتضحك شوي وتحارش كثيررر
وصلو المول ونزلو وبدو يتمشون
ميلاف دخلت محل : شوفن حلو لعرس لينا ؟
نياف : خايس مثلتس
ميلاف : ماطلبت رايك بوه اتكلم مع الي عندهم ذوق
سُلاف : حلو ماعليتس منوه
لينا : ايي حلو اخذيه
عساف : بتحلينوه مو هو يحليتس
ميلاف : شف الذووقق تعلمم بس
سُلاف : تعالي صدق لينا متى الزواج؟
لينا بخجل : ماحدد فارس للحين
نياف : اهه ياررربيي انا اخوها ماتطلب رايي بشي وذا الحين يحدد بدالها
عساف دفه بمزح : وش دخلك زواجهم مو زواجك
لينا صدت وهي منحرجه
نياف : اخخ ياليييتوه زواجي تسان "كان" انا بالجنه
محد رد عليه وهم يضحكون عشان ينقهر وطبعاً انرفع ضغطه
كملو تمشي وسوالف وضحك وجو لطيفف وعلى قولة سُلاف " تجديد اخوه "
يتبع......
عطوني رايكم بكل تفاصيل البارت و ان شاءالله عجبكم 💗💗💗