علميني ي دنياي وش ذنبي

Part 29

عند ميلاف الي من سمعت الاصوات انحاشت من بين الكل هي وسُلاف وراحوا قريب للديوانيه يتسمعن ولا يخفي علينا فرحت ميلاف ان خطبتها تكنسلت وسُلاف الي بعد الصدمه استوعبت الخبر وفرحت فعلاً
التفتوا على صوت لينا الي قالت : يملاااا الي ماني بقايله وش تعملينن انتي وياهااا؟؟؟
سُلاف سدت فمها وقالت بهمس : اسكتييي بتفضحين انتي ؟
ميلاف بفرحه وصوت هامس : تكنسللتتت خطبتيييي من ولد عمتسس الرقله تكنسلتتتتتت . وصارت تلفح بشعرها بفرحه كبيره
لينا ابعدت يد سُلاف وقالت : صدز!!!
ميلاف : اييي ابشرتسس
ضحكت بفرحه وبصدمه وهي مصدومهه معقولهه الي صار! كيف كذا ووشلون ووو.. كثير أسأله بس الفرحه ماليه المكان
راحت ميلاف ركض داخل وهي تتنفس بسرعه من ركضها وتوجهت لامها وقالت لها الي صار
ام عساف بضيق : وليه حاصل لوه يوم يفرط فيتس! لاتتضايقين وانا امتس من الي حصل خيره
ميلاف ضحكت : انا مستااانسه يمه مو متضايقه افتكيت منوهه
دخلت ميلاف عند ام سند وريم وهيام وجلست بين ريم وهيام وهمست لهن : ابشركن تكنسلت الخطبه
هيام وريم : صدق! ليه؟
ميلاف بهمس : اقصرن صوتكنن . اي صدق بس ليه مدري
ريم : ياعيونيي الحين نبارك لك دامك افتكيتي
ميلاف : ايي بالله باركوا
دخلت ام عساف وهي تناضر لـ ام سند باحراج ماتدري وش تقول تقول بنتي ولد عمها عافها وغير رايه على اخر لحضه! لاكنها قالت : ء ي ام سند تأجل الملكه طارق طاح ونقلوه للمستشفى
ميلاف وسُلاف ولينا ناضروا لامهم بصدمه ! ليه كذبة كذبه كذا وهي الي ماتكذب؟
ام سند : الله يكتب الي به الخير لهم وخيره ان شاءالله
الكل : امين
التفت سُلاف لجوالها الي يتصل وبعد ماسكرت من المكالمه قالت : سعد يقول نبي نمشي للفندق يلا؟
ام سند والبنات قاموا وبعد ماودعتهم ام عساف طلعوا
خوله بنذاله : ليه ماقلتي الصدق ي عمه!
ام عساف قبل تتكلم ردت ميلاف الي عارفه ان خوله ماقالته سوال عادي : استحينا نحرج اخوتس قدام الناس ونقول انوه رقله وردي وانن رفضتوه ويوم وصلوه العلم انحاش هههههه
خوله ضحكت : قصدك اخوي عافك
ميلاف : ههه انا عفتوه ياحيي ووالله ابرك خبر سمعتوه انوه حس على دموه وذلف
ام عساف : بسسس يبناتتتت بسس
لينا : ميلاف ابوي وعساف يبونك
ميلاف خزت خوله وقالت :  طيب
،
اما عند الرجال بعد السالفه ذي طلع ابو عساف وعياله من الديوانيه
ابو عساف : نياف ناد اختك والحقن للغرفه
نياف : يبه تكفى بناديه لك بس مابي اقعد عندكم لو سمعت ضيقها بنهج واذبح طارق!
ابو عساف تنهد : طيب
جت ميلاف وجلست وهي تنتضرهم يتكلمون
ابو عساف بعد سكوت قال : ميلاف يابوك انا بغيت اظلمتس وانا والله يابوك ماصيدي "ماقصدي " اظلمتس انتي تعرفين ابوتس وش كثر يغليتس ولو تطلبيني عيوني قلت هاتس اياهن مير ان اخوي ضغط علي وانا كلما اجي برفض اتذكر وصية امي اننا مانقاطع بعض! واخوي يضغط علي بالسالفه ذي وصدقيني يابوتس انها اخر مرا اقدم احد عليتس ووالله اني اس...
قاطعته ميلاف قبل يعتذر وهي تبوس راسه ويده وتقول : لا يبه لاتعتذر وانا عاذرتك والله والحمدلله الي فكن منوه وانا اهم ماعلي رضاك يبه!
ابو عساف حضنها وهو يمسح على شعرها وضيق الدنيا بقلبه كيف لا وهو بغا يضلم بنته قطعه من قلبه!
وعساف واقف يناضرهم بدون كلام وهو كان عارف رداة ولد عمه اصلاً! 
ميلاف ابتعدت عن حضن ابوها وهي تقول : بقوم اسوي لك شاهي حبق يحبه قلبك ونقهر سوسو راحت وماسويت لها هههه
ابو عساف ابتسم : اذا تبين تقهرينها لاتسوين! مير اذا انتس مشتهيتوه سوي وسوي لنا معتس
ميلاف : ابشرر
،
عند كادي وخوله
قاعدات بالمطبخ يسولفن
كادي : مايقتنع يابنت عجزت عنوه والحين بعد افتكينا من اختوه وسالفته وحاولت بوه قبل شوي وعيا بعد!
خوله : روحي لاهلك واطلبي الطلاق عشان يصدقك ويسوي الي تبينه
كادي شهقت : انهبلتي انتي؟؟؟ مستحيل اهلي يقولون لو تطلقتي منوه ذبحناتس
خوله : ماينلامون من سواد وجهك
كادي : خوله!!!
خوله : مالي دخل اليومم اذا ماتصرفتي تراني راحيه وبفضحك انك كنتي تحبين واحد وبينك وبينه معرفه وطلعات وانه شاف وجهك اكثر من مليون مرا واطلع الفضايح حقتكم الباقيه عاد انتي اعرف مني بعد؟ اوه وصح نسيت اقوله بعد انك منتي حامل وانه كذبه منك وان بطنك ذي كرشه من كثر الاكل مو من الجنين وان المفروض البطن اكبر بعد واقول انك تبني تفرقين عساف عن اهله هههه
كادي بحالة صدمه كبيرررره جداً شلون وثقة بخوله وطلعت على حقيقتها الحين!! : شلون تغدرين بييي!!!!
خوله ضحكت بخفه : انا مثل الحربايه ي كادي كل يوم بوجه عطيتك الامان فتره بس غثيتيني والحين بوريك وجهي الثاني
كادي بصدمه : ....
،
ميلاف كانت رايحه تسوي شاهي لها ولخوانها وقبل تدخل وقفت بصدمه من هول الي سمعته ماقدرت تسكت ودخلت المطبخ وهي تصرخ : ايششش الي سمعتووههه!
كادي سكتت برعب كبيرر لاكن خوله قالت ببرود : وشو؟
ميلاف عصبت وهي تسحب خوله وتصرخ عليها : صدز الحتسيييي ولا تتسذبييين انطقيييي؟؟؟؟؟
خوله دفت ميلاف : اقصري صوتك وانتي تتكلمييين معي؟؟
ميلاف لفت على كادي : انطقييي بررييي
كادي وجهها صار لونه اسود من الخوف وتهز راسها بلا وجهه
عساف الي قال له ابوه يشوف سبب الاصوات ودخل وقال بحده وصوت جهوري : قص الله لسانتس انتي وياها وش هالاصوات وش فيه؟!!
الكل سكت
عساف : احتسييي انا؟
لارد
عساف : ميلاف وشو
ميلاف بربكه : مافيه شي
عساف عصب وقال بعصبيه : خوووله كااادي انطقن!
خوله الي بدت ترجف خوفًا من عساف الي كانت تهابه بشكل كبيرر بسبب شخصيته الصارمه وقالت بتوتر : ء مافيه شي
وجه نضره حاده لـ كادي وهو ينتضر رد منها !
كادي من شافت نضرته طاحت ع الارض تبكي بصوت عالي
وهنا قفلت مع عساف وصرخ : انطقننن لاكفر بكننن "تهديد قوي "
ميلاف من الخوف قالت كل شي وهنا من بدايته علاقة كادي والرجال الى الحمل الكاذب !
وهنا عساف انصدم بشكل كبيررر جداً وكان واقف وعروقه تكه وتنفجر من هول الي سمعه صرخ بعصبيه : كااااااااادييييييييي
كادي ارتجفت برعب وهي تتمسك برجلينه : تكفى ل..
ماكملت جملتها الا ورفسها بقوه ببطنها وهي يسحبها معه للغرفه وضربها كف بقوه : لللحييييننن تعرفيييييينوه!!!
كادي بكذب : لا لا ماعرفه بحياتي كله ماعرفت غيركك
عساف هزها مع كتفها بقوه : قوليييي الصدززز تعرفينوووهه ومنهووو هو
بكت وقالت بخوف : ء ء سافر قبل اسبوع
مسك راسه بعصبية: معترررفهههه انتس تعرفينووهه اللعبصوت غاضب قال : البسي عباتتسسس
كادي : تكفى لا تكفى ياولد حسين
عطاها نضره حاده وخلتها ترتجف برعب وتسكت وهي تلبس عباتها ودموعها شلالات
وصلوا المستشفى وعساف مايدري كيف وصل اصلاً!
وكان ينتظر دورهم وهو ثواني وينفجر
واول ماقالوا اسمهم فز وهو يناضرها بحده : قومي
قامت ودخلوا للدكتوره وللاسف انصدم عساف اكثر لما عرف انها استغفلته وكانت تكذب عليه! وطول هالفتره هي مو حامل اصلاً طلعوا من المستشفى وعساف يسحبها قطها بالسياره واول ماركب التفت عليها وهو يصفقها كف ويصرخ : رخيصههه وسافلهه ومنتي متربييه مالوم ايوتس يوم انوه قطتس علي وقالي تزوجها من رخصتتس
كادي بكت وهي تمسك خدها الي تحسه تفتت من قو الكف وزادت صدمتها اول ماوقف عساف قدام بيت ابوها
كادي : تكفى تكفى عساف لاا
نزل وهو يسحبها ويقطها عند باب بيت ابوها تفل عليها وقال : نذله والحين ذليله وش استفدتي! ماقول غير يخساره الايام الي عشتها معتس . انتِ طالق طالق طالق ووالله انتس تحرمين علي حرم الدم
ركب سيارته تاركها وراه تبكي عند الباب واول ماوصل بيتهم صرخ : ميلااااففف
ميلاف جته وهي مرعوبه : هلا
عساف : لمي اغراضها الي بالغرفه كلها مابي اشوف العود لها وقطيهن برا
هزت راسها بطيب وهي تروح تسوي الي قاله لها وهي خايفه من عصبيته
،
ثاني يوم
واغلب ابطالنا ماناموا لاكن تختلف الاسباب الي مانام من عصبيته اعصابه التلفانه من كثر القهر والي مانام من الفرحه والي مانام من انتضاره للصبح ووش يحمل معه والي مانام من الضرب الي صار له والي مانام يمشي بالشوارع بلا وجهه!
،
بيت سند
سند قعد وهو راسه ينبض من الصداع الي ماراح عنه من موقف امس مع طارق!
اتجه لـ امه وهو يبوس راسها بهدوء : صباح الخير يمه
ام سند : صباح النور والسرور
سند وهو يتقهوى مع امه قال : يمه ماودك تفرحين بي؟
ام سند فزت : الا والله ودي انت بس وافق
سند : موافق
ام سند : من بكراا ادور لك بنت الحلال الي تناسبك
سند : موجوده يمه ابي من بنات ابو عساف
ام سند بستغراب وأمل : بناته متزوجات وميلاف محيره لولد عمها؟
سند : لا لا ذا قبل وانا متأكد من انها ماهي له وش قلتي يمه تخطبينها لي؟
ام سند ضحكت بفرحه وهي مو قادره تعبر عن فرحتها : ابشر والله انه كان بخاطري انها تكون مرتك
سند وكان الدنيا انفتحت بوجهه يوم شاف امه بهالفرحه حضنها وهو يقول : لو ادري انك بتفرحين كذا والله اني تزوجت من زمان
ام سند : انا اقول لك بس انت ماترد علي
سند ضحك : اسف يـ ندو "دلع امه ناديه"
ام سند : متى اخطبها ؟
سند : انتضري لين اقول لك يمه ابي اول اعرف شغله وبعدين
ام سند : ابشر
فز بسرعه من طق الباب وباس راس امه وقال : يمه انا طالع تبين شي؟
ام سند : سلامتك
سند : جايينك بنات مطلق ومرت سعد شوي
ام سند حياهم الله
راح سند وهو يفك الباب  : ماصارت يارجل
سعد ضحك : الحب عمل عمايله بك!
سند ابتسم : انشهد
سعد : اتصلت على فارس علمته؟
سند : اي اي قلت له وجهز الوضع هناك عشان اخطب بحضور الكل
سعد : مو احسن امك تجي معنا؟
سند : ماني متأكد من الموافقه وانا مابي امي تروح وتضيق وهي خاطرها بهالبنت!
سعد : خلاص اجل يلا مشينا
وصلوا بيت ابو عساف ودخلوا للديوانيه وكان الكل مجتمع الا طارق . وسعد وفارس قاعدين جنب سند وكانهم يقولون له "شد حزامك بنا"
تنحنح سند بعد ماشرب فنجانه وقال : انا ياعم جايك وانا طالب القرب منكم للمرا الثانيه وان شاءالله هالمرا فيه نصيب
الكل انصدم من طلب سند وتوجهت الانظار لـ ابو عساف الي قال بعد سكوت دام لثواني : والله والنعم فيك ي سند ونعم الرجال ولاكن الراي للبنت ان وافقت الله يكتب الي به الخير
ابو فارس وهو يحاول يضبط وضعه مع سند قال : وسند ولدي يعني ولد عمها ياخوي واكيد ان البنت ماهي رافضه
قبل الكل يتكلم قال سند بثقه ونضره سريعه وحاده لـ ابو فارس : انا خطبتها وانا سند بن عقاب بن شداد ال** ولاني ولد لغير عقاب والراي للبنت ولكم والله يكتب الي به الخير ان شاءالله
ابتسم ايو عساف من رد سند وفرحه انه مانكر اهله وقال بيختار ابو فارس عشان يكون له قرابه منهم ويوافقون! رده كان مختصر وواضح
وبعد ساعه استاذن سند وسعد وفارس وطلعوا ومن بعدهم عساف ونياف
،
عساف ونياف
نياف : عساف ياخوك وش نوحك؟ متضايق !
عساف : ماعندي شي ياخوي
نياف : ماهي علي مثل منت تحس بي تراني احس بك احتس ياخوي وش نوحك؟
عساف : ابد والله مامن شي مير اني طلقت امس
نياف : ايشش! ليه ياخوي وضناك!
عساف : ماهي حامل
نياف انصدم ووضح على اخوه انه ماوده يتكلم اكثر عن الموضوع فا قال : خيره ان شاءالله ربي يرزقك بالي احسن منها وبالولد الصالح
عساف : ان شاءالله
،
المغرب بعد مارجعوا من الصلاه
بيت ابو عساف الكل مجتمع بالحوش كاعادتهم الا ابو فارس وفارس وخوله الي اخذهم ابو فارس وهو مشتط غضب من طارق وقرر يدوره
اما خوله خافت تقعد ويمسها شرار من غضب عساف فا راحت معهم ..
ميلاف وهي تدغدغ الجوهره الي نايمه مالها خلق لفت لـ لينا : بنتتس نفسيه ماتضحك!
لينا : من عذرها ماتتركونها تنام والحين تنود "نعسانه"
ميلاف عطتها لينا : مالت عليها
لينا ضحكت : وش نوحتس مشتطه على الكل هواش اليوم؟
نياف : اختتس عوبه ماتترك احد متى عتقتنا اصلاً
ميلاف ضحكت : نيافوه لاتخلين التفت لك الحينن انثبر ابرك لك تران مروقه وبي طاقتن ودي اتهاوش عشان افضيه
عساف ضحك : وش نوحتس والله اليوم مروقه بزياده ههههه
ميلاف : يبه شف عيااالكك
نياف : وحنا عندنا امي ترا يمه شوفيي بنتتس
ام عساف : ميلاف اتركي اخوانتس جننتيهم
ميلاف : يبه رد عليهم تكفى ناخيتك
ابو عساف : اقول الا بنتيي عاد تران ازعلكم عند ميمي
لينا : يه يه تران اغار يبه انا اول بنت لك مو هي
ام عساف : يراسي كل ثنين يتحارشون "يتهاوشون" انثبروا خلاص
قطع كلام الكل ابو عساف الي قال : اسمعوني عندي سالفتن بقولها
الكل التفت له ينتضره يتكلم
ابو عساف وهو مثبت نضره على ميلاف : جايين خطاب لـ ميلاف اليوم
توجهت الانضار لـ ميلاف
ابو عساف كمل وهو يقول : والراي الاول والاخير لـ ميلاف ان وافقت فا والله ونعم الرجال الي متقدم لها وآن رفضته قرارها والله يرزقها الاحسن
ام عساف : ومنهو هو ؟ ومن ولده ؟ ومن وين؟
ابو عساف : سند
ام عساف : بس اهله مو معرو..
قطع كلامها عساف الي قال : يمه هو رجال شايل نفسه قبل كل شي وبعدين اذا قصدك النسب فا تراه ولد عمي بالصدز وولد عقاب بالتربيه وونعم والله تربيه رجال عن الف رجال وانا عن نفسي آمن اختي عندوه لو تزوجها مى مثل طارق
نياف : صادز عساف وهاذي ثاني مرا يخطبها اصلاً
ابو عساف قال : ماحد له كلمه بعد كلمة ميلاف والي تبيه يصير
ميلاف الجمت فعلاً ماتوقعت ولا 1٪ انه يخطبها ولا فوق ذالك خاطبها قبل كذا؟؟ .. رفعت نضرها لـ امها والي قالت : لاجد يضغط عليها خلوها تستخير وتفكر
قامت ميلاف وهي تدخل غرفتها جلست على السرير والصدمه معتليه ملامحها ولاكنها لوهله قالت : مستحيللل اوافق! خطبن شفقه عشانوه شاف هوشتن مع طارق ويدري اني مابيه وولا عشان ابوي وعمي مايتهاوشون
،
الفندق كانوا البنات مجتمعين بجناح ام سند
ريم لـ سُلاف : سُلاف ليه ماتشاركين بمسابقات زي ميلاف؟
سُلاف : اخاف
هيام : بس انتي تعرفين للخيل كيف تخافين منه
سُلاف : مو من الخيل بس انا اتوتر من الزحمه والانضار الكثيره ومير انا ام دميعه بسرعه ابتسي تلقين لو توترت بتسيت
ريم : هههه يوه طلعتي حساسه مرا
سُلاف : توتس تدرين ههههه
ام سند : البنت حلاتها برقتها لاكن مايمنع انها تكون قويه ودمعتها نادره
سُلاف : ادري يخاله بس ماقدرت اغير الصفه ذي بي خواتي مو مثلي لينا تبكي يبكيها اتفه الاسباب واكبرها لا اما ميلاف لا ماتنزل دمعتها الا نادراً ومع ذالك رقيقه وحساسه
ام سند ابتسمت من تذكرت ان ذي الصفه الي عجبتها بـ ميلاف وقالت : تعجبني شخصية ميلاف
هيام : صدق اصلاً خالتي ام سند دايم تمدحكن انتي ولينا وميلاف وامك
سُلاف : يابعد حيي والله
،
انتهى اليوم بهدوءه دون اي حدث
ثاني يوم العصر بيت ابو عساف وتحديداً غرفة ميلاف
ميلاف كانت بغرفتها مندبله تسبدها "كبدها" من كل شي ودها بهالحضه بذات يرجع الوقت ورا عشان تقول لـ ابوها مابيه مابيه لكن تعرف زينن ان بعد ماقال ابوها لها اخر كلامه الي ضغطها حتى لو يرجع الوقت بتوافق على سند
(فلاش باك لـ كلام ابو عساف بعد صلاة الظهر ) 
ابو عساف : يميلاف يبوي انا بحتسي لتس اخر كلامي ومن بعدوه انتِ حره تبين توافقين تعيين بكيفتس قلت لتس قبل تسذا انا يوم اني عطيتتس هالردي طارق ماني داري بعمايلوه مير اني يوم دريت حرمت انه ماياخذتس وبعدها خطبتس ولد عمتس سند وهالمرا يبوتس انا متأكد انه رجال ولا كل الرجال بس الراي الاول والاخير لتس ومابي اضلمتس مرا ثانيه ابد وانا ورايي وجاهي وكلمتي كلها تحت يدينتس يبنتي وابي اعرف رايتس هالحين وصدقيني محدً جابرتس هالمرا
ميلاف اضلمت الدنيا بعيونها ماعاد تعرف وش تقول اذا فكرت بالمنطق وبرايها بـ سند من اول ماشافته فهو ونعم فيه بس اذا فكرت بالطريقه الي خطبها وبالسالفه كلها بتحس انها اهانه لها بيحسب انه اخذها غصب عنها وان اهلها مايبونها او انه يبي يتزوجها شفقه بس! لاكن اشترت كلمة ابوها بين الناس وهي اصلاً صلة صلاة استخاره وحست براحه : الي تشوفه يبه
ابو عساف لمح نضرة الخجل بعينها وهي تقول وقال : الله يكتب لك الخير يبنتي . واذا انتي موافقه الملكه بكرا؟ عشان الرجال بعد بكرا راجع خلصت اجازته
ميلاف : الراي لك
ابو عساف : اجل بكرا تجهزي وانا ابوك
قامت ميلاف من ابوها وهي تتجه غرفتها
(نرجع لـ ميلاف )
عدلت جلستها على دخول سُلاف
سُلاف جلست جمبها : ميمي يبعد حيي وميتي انتِ انهجي
معنا بالحوش واتركي التفكير الي اتعبتس انتِ وافقتي وماعاد بوه تراجع صدقين كل شين خيره لتس
ميلاف : شلوون اوقف تفكير وذا كلوه صار ورا بعض شلون ي سُلاف شلون
سُلاف : انتي موكله امرتس لله صح؟ ودامتس صليتي وارتحتي مير مامنوه فايده التفكير ووافقتي خلاص مابوه رجعه يعني لاتعبين حالتس بشين مو فايدتس
ميلاف : انا مدري وشلون اصلاً وافقت وذي الطريقه الي اخطبن بّه اكيد انوه اخطبن شفقه وعشان ابوي مايتهاوش مع عمي ولا وش خلاه يخطبن من بد الكل وبعد السالفه بذات ي سُلاف!
سُلاف : ي ميمي ياحيي فكري بوه شوين "شوي" يمكن انتس عجبتي اموه "امه" وكان بيخطبتس وصارت السالفه وصار كل شي تسذا وانتِ تدرين حتى لو نفترض ابوي واقق ومدحوه عشان عمي عساف ونياف والله والله لو تنطبق السما والارض ماوافقوا حتى لو وافقتي انتِ الا عشانوه الرجال اجودي ونشمي
صدمهم دخول عساف الي كان جاي يشوف ميلاف ويتأكد من موافقتها الاخيره وسمع كل شي
عساف : افا والله اخت عساف ضايقتن وعشان وشهو واحدً خطبّه ياعين اخوتس ان كانتس ماتبينوه والله مايجبرتس عليه شين
ميلاف عدلت جلستها وماردت ماتدري وش تقول تقول مابيه ولا تقول موافقه
عساف : سُلاف يحيي جيبي لنا مي
سُلاف فهمت انها تصريفه وطلعت
عساف جلس مكان سُلاف وحاوط كتف ميلاف الي انسدحت ع صدره بدون تتكلم
عساف : اسمعيني زين ياخوتس مثل ماقلبت الدنيا عشان طارق ماياخذتس مستعد اقلبه ان كانتس منتي موافقتن على سند اما اذا كنتي رافضه علشاننس تضنينوه خطبتس عشان السالفه بس فا انا اقول انتس غلطانتن والله لو هو مو نشمي ماكان وافقت عليه لو وشو ماكان صح اني تون اعرفوه مالي فتره لاكنوه رجال عن مية رجال وترا عرفت من ابوي انوه خطبتس قبل تسذا وابوي عيا عشان الرقله طارق وعشانوه مو معروف اهلوه قبل والحين رجع خطبتس وحنا نعرف معدنه ونعرف منسبه الاصلي
ميلاف : تتسذب علي؟
عساف : اعقبي انا اتسذب!
ميلاف : ههه لا قصدي انك تجاملن "تجاملني"
عساف : لا ماجاملتس ابد وذا الصدز
ميلاف سكتت بهدوء
عساف : وش قولتس
ميلاف : الي تشوفه انت انا امشي عليه
عساف باس راسها : اجل على بركة الله
.. يتبع
المعذره على تأخير البارت
البارت 2760 كلمه وبكمل لكم ان شاءالله .. ونقدر نقول بارتنا اليوم لطيف وسعيد تكافؤا نفسكم به بعد المذاكره🤍🤍