علميني ي دنياي وش ذنبي

Part 10

الفجر قامو الرجال يصلون صلاة الفجر وبعدها رجعو ينامون معادا الشياب بقو يتقهوون ويسولفون
اما البنات فا برضو قعدو صلو وسوو قهوه للكبار ونامو
الضهر الجميع قعد
"طبعا للمعلوميه انو المزرعه فيها زي البيت الصغير به غرف ومطبخ ودورة مياه وصاله صغيره مره محد يقعد فيها وبرا خيام ودكه وجلسات"
عند البنات
لينا : امي بتسوي الفطور اليوم مصالي
ميلاف : صددقق عاد مشتهيتها
لينا : اي والله
سُلاف : تعرفونها بنات؟
ريم ويهام : لا
سُلاف : اوه فاتتكم مصالي اهل الشمال لا يعلى عليها
ريم : نجربها الحين ونحكم
خوله : يع مو حلوه تسمن
ميلاف بطرف عين : اولاً لاتحتسين عن النعمه يع وثانياً الي يسمع انتس معصلقه "نحيفه" ترانتس تريله وتتكلمين عن النحف والسمنه
خوله : اي يقلبي تبين مثلك عضم وجلد لو نفخت عليك طرتي وبعدين جسمي عاجبني وش دخلك
ميلاف ضحكت وهي تقلد خوله : جسمي عاجبن وش دخلتس . يبعدي تريله لو تتحركين اهتزت المزرعه بكبرهّ
سُلاف ضحكت وهمست للبنات : ميلاف تقصف ولا تبالي
خوله انقهرت : خليك قدها لاعلمت ابوي وعمي لاتنكرين الي قلتيه
ميلاف : قدها وانا بنت ابوي يلا تقلعي
ام عساف جت : بنات تعالو حطت سيتي الاكل عند الدكه
البنات : طيب
،
عند الرجال فا كان الوضع هادي بحكم انهم تو قاعدين نوم ويتقهوون لين جا الفطور الي عباره عن مصالي وقشطه ودبس وزيت وجبن وشاهي وحليب
- بعد الفطور -
عند العيال
نياف : يعيال ماودكم نقوم نطعس شوي؟
سند : لحضه لحضه وش يعني نطعس !؟
نياف : يوووه شلون اشرح ماعرف
فارس :  يعني يفحطون بالتراب وكذا
سعد : فارس خلك المترجم حقنا
فارس ضحك : تم
نياف بمصلحه: عسااااافف يوم اليالي غدت سود عسااف الي لانتخيت بوه يفز ويقول تم
عساف : هههااايي وش تبي !؟
نياف : مفتاح الددسن حقت العامل ولا الشاص حقت ابوي طالبك
عساف : معصيي
نياف : يلاااا عساااف تكفى ياخوك نبي نطعس شوي
عساف : لو تحب يدي ماقمت
نياف تأفف
فارس : يعني شلون مابه تغحيط؟
نياف : لاا شلون مابوه تفحيط عطني فتره افكر انا لو رحت لـ ابوي توطى ببطني
نياف فز : لقيتهااا
وركض لقسم الحريم
سعد : شبه ذا مانشوف الا غبرته
عساف : مرجوج خلوه
،
عند نياف ركض وراح قسم الحريم ووقف شوي وهو يلهث من الركض وبعد ماجمع انفاسه : ياااولدددد . ماوصله صوت . ميلااااف سُلااااف ليناااا
سُلاف جت : وش بلاك
نياف : تكفيننن سوسو انا طالبتس
سُلاف : اخلص وش تبي
نياف : مفتاح الشاص
سُلاف : مع ابوي شلون بنجيبوه مثلاً ؟
نياف : اسألي امي ولا خلي ميلاف تطلبوه من ابوي تكفيننن
سُلاف : بشرط
نياف : عذه مصلحه وشوو شرطتس
سُلاف : فلوس حبيبي
نياف : مو صرافتي رابطينه بحسابكم ؟ خذي الي تبينوه ويلا وترا اذا امي ماتدري وينوه العيال بالجهه الثانيه مهم عند ابوي
سُلاف باست خده : كفو انتضر دقايق والمفتاح معاك ... راحت لـ امها
سُلاف : يمه
ام عساف : هلا
سُلاف : ابي مفتاح الشاص موجود بغرفة ابوي؟
ام عساف : لا معوه ماجاب شي من اغراضوه
سُلاف : طيب
راحت سُلاف لـ ميلاف : ميمي
ميلاف : لبيه؟
سُلاف : نياف يبي منتس فزعه
ميلاف : شيبي
لينا : واضح عندي احساس يبي شي من ابوي
سُلاف : عليتس نور يبي مفتاح الشاص
ميلاف : طيب
سُلاف : ترا ماقدامتس احد ابوي وعمي بس بالخيمه
راحت ميلاف عند ابوها وعمها باست راسهم : صباح الخير
ابوها وعمها : صباح النور
ميلاف جلست حنب ابوها : اخبار شيابنا
ابو عساف : الحمدلله
ابو فارس : بخير
ميلاف : يبه بطلبك
ابو عساف : امري؟
ميلاف : تكفى يبوي لاتردن جايتك واسطتن ترا
ابو عساف : ومن الي حاطتس واسطه ووشهو يبي!؟
ميلاف : مفتاح الشاص العيال يبون يتونسون بوه شوي وعلى مسؤليتي مايجي السياره شي
ابو عساف بعد تفكير عطاها المفتاح وقال بمزح : ان صار شي لوه بكسر راستس انتِ
ميلاف باست راسه : تمون تمون ،، وراحت تتصل على نياف الي جا اخذ المفتاح
ابو فارس بتعجب : ترا كثرت الدلع للبنت ماهي زينه
ابو عساف بتقفيل للسالفه : خلهن يتدلعن اذا مادلع بناتي من ادلع ؟ وملعيك واثقن بتربيتي
ابو فارس : حتى ولو الذلع يخرب ويجسر البنت
ابو عساف : انت اخوي وعلى عيني وراسي لاكن بنياتي وعييلي "عيالي" خط احمر
ابو فارس : والله عاد انا علمتك وانت كيفك
ابو عساف يبعد عن السالفه : تقوم نطلق رجيلاتنا شوي؟
ابو فارس : يلا
وقامو يتمشون
،
عند الحريم الكبار
ام سند : ماشاءالله المزرعه تفتح النفس
ام عساف : اي والله تذكرن بايام قبل
ام سند : صدقتي
ام عساف : وين البنات اختفو
ام سند : قالت لي ريم تو انهن رايحين للإسطبل
ام عساف : يحلوهن ريم وهيام ماشاءالله عليهن وواضح علاقتهم معك قويه
ام سند ببتسامه : اي والله لو عندي بنات ماحبيتهم كثرهن
ام عساف : الله يحفطهن لتس ويفرحتس بهن عرايس بوسند معرس يارب
ام سند : امين ويفرحتس بعيالك وبناتك
وكملو سوالف
- اما البنات بالاسطبل -
ريم وهي ورا ميلاف : يخوفووون
ميلاف ضحكت : وش فيتس من شوي متحمسه وبتركبينوه وتسابقن
ريم : مدري مدري يخوف اذا قربت له احس بيعضني
ميلاف وهي تلاعب الخيل الي تجاوب معها : يالضالمه شوفي وش زينوه وين يعض ذا
ريم قربت منه بشويش لين مسكته وبعدت يدها بسرعه ورجعت تجرب كذا مرا لما تأكدت انه مايعض صارت تلاعبه بشويش
اما عند خيل سُلاف
هيام وهي تلاعب الخيل : ماشاءالله يهبل ويتجاوب بلعب
سُلاف : اي شوفي جربي الفحي بشعرتس قداموه بيرقص معتس
هيام : صدق!!
سُلاف : اي والله دقيقه اذكر في سماعه صغيره بهاه "هنا" بالغرفه خليني اشوف
راحت سُلاف جابت السماعه وجت شبكة عليها وشغلة شيله وقالت : شوفي ارقصي
هيام صارت ترقص قدام الخيل وفعلاً تجاوب معها وصار يلاعبها وهي تضحك وسُلاف تصورها
ريم قالت بعد ماخلصت سُلاف تصوير : سوسو يعيني ارسلي الفيد لي
سُلاف : ابشري ... ارسلت الفيد لها
هيام : لايكون بترسلينه لـ ملاذ
ريم ضحكت : اي
هيام : يووه الحين تهاوشك ههههههه
ميلاف : ملاذ صديقتتس؟
ريم : ايوه وامس اكلمها تقول لي يويلك تصادقينهم مره وتسحبين علي هههه
ميلاف : هههههه اوه غيوره
ريم : مررررره
سُلاف : افف ليت لينا جت كلوه من التريله
هيام : صح ليه ماجت دام خوله ماتبي تجي!؟
ميلاف : لان حضرت جنابها لو تركناها شوي راحت تبتس بتس "تبكبك " عند عمي وابوي اننا مانبيها مع انو ذا الصدز يعني حربايه ام وجهين
الكل ضحك
سُلاف : بنات شرايكم ناخذ الخيل ونروح نتمشى بعيد ؟
وفقو البنات
ريم : بس كيف انا وهيام مانعرف له !؟
سُلاف : شوفي اجلسو بالخيل بدون ماتمشونه انا امسك لجام حق هيام وميلاف حق ريم ونمشيهم مع خيلنا؟
ميلاف : ايي صح؟
سُلاف : اجل في هينا غرفة تبديل بدخل انا اول البس وبعدين انتم
دخلت سُلاف لبست ملابس الفروسيه الي لونه كحلي وبعدها دخلت ميلاف لبست لون اسود وبعدها ريم لبست لون سُكري وبعدين هيام الي لبست رمادي
وساعدو ميلاف وسُلاف البنات يركبن وبعدها توجهو بجهه معاكسه للعيال وصارو يتمشون
ميلاف : اشتهيت اركض بالخيل
سُلاف : تسابقين
ميلاف : تم .. لفت على البنات .. عادي تنتضرن هينا نتسابق انا وسُلاف للجبل الي قدامنا ونرجع
ريم : عادي وعاد حنا نصير حكم مين توصل اول فيكم
اتفقو ووقفو ميلاف وسُلاف جنب بعض وبدو البنات يعدن واول ماقالو ثلاثه انطلقوا وطبعاً الي فازت ميلاف
ميلاف وهي تحضن سهم : كفووو سهمم
سهم صهل باعلى صوته وكانه يرد عليها
وكملو سوالف وضحك ولعب وبعدها رجعو للاسطبل بدلو لبسهم ودخلو الخيل ورجعو لـ ام سند وام عساف
،
عند العيال الي جا لهم نياف ومعه المفتاح
نياف : من يسوق بنا؟
فارس : ازهللل عنديي
نياف قط عليه المفتاح وقال : نبي هبال مو تبعص الجو بسواقتك
فارس : قلت لك ازهل خلاص
عساف : يلا امشو
ركبو نياف وسند وسعد وعساف بالحوض وفارس يسوق فيهم وكان مايعرف يفحط بالنفود واجبالها
سند : ماش ماتونس
نياف : من الخبل ذا مايعرف
سعد : نزله وورنا خبرتك
نياف وهو يضرب التبوت : فاااااررسسس بعصت ابو الفعاليه يا تطعس زين ي انزل
عساف : وقف وقفف
وقف فارس وهو يقول : خير ذا جزاتي يعني!؟
عساف : على بعر ماتعرف
فارس : تسلم ورنا خبرتك يلا
نزل عساف وفارس وتبادلو
وهنا بدت خبرت عساف وصار يفحط بهم وكل شوي يقولون الحين تقلب السياره
نياف وهو متمسك وشعره الكثيف متناثر على وجهه : عسااااففف ارق الحبللل
عساف سمعه ورقا الجبل
وقف السياره فوق الحبل ونزلو
سعد وهو يضحك : ياولد فعاليتك بطللله
نياف : اعجبك افا عليك
عساف : اعقبو انا الي اسوق بكم
سند : كفو كفو
عساف : كفوك الطيب
فارس : احس راسي انرج يملا الي ماني بقايله
سعد وهو ينسدح : تعالو خلونا نتأمل السماء يارفاق
سند ضحك : طلع العرق؟
سعد : ايي ههههههه
فارس : كثر منه
نياف وهو ينسدح : وضعنا غلط بينكم
عساف : صدز هههههههه
سند : افا ليه!؟
نياف : ماندري وش تقولون واي عرق تسولفون عنوه
سند : الله يسلمك ابو سعد الله يرحمه كان مدرس لغه عربيه فا نطقطق مرات ويسولف سعد عربي فسحه فهمت؟
نياف : ايي
عساف : يرجال شرايكم نتدربا "ماعرف اشرحها اعرفو معناها من بعض" هينا؟
الكل : تم
"وطبعاً للمعلوميه انو النفود جبالها تراب ناعم مابه رضم"
بدو يتدربون ويضحكون ولما وصل وصارو ينفضون ثيابهم وشعرهم وكان شكلهم تحفه حرفياً الي ثوبه صار مثل لون التراب بضبط والي اكل تراب والي عيونه دخل فيها والي شعره صار ابيض
نياف : هههههه شكلكم تحفه هههه
فارس : حتى انت شف شعرك ابيض هههه
عساف : خلاص مشينا تعبت
سند : اي والله تعبنا خلاص
نياف : يلا
ركبو وتوجهو للمزرعه
وحلسو وصارت السوالف تختصر بين الشياب وسوالفهم ومشاركه من العيال ببعض الكلام
،
عند البنات
لينا جابت السماعه وقالت : نرقص؟
البنات بصوت واحد ىحماس فجع لينا : تممممم
لينا : بسم الله شبلاكم تصارخن
ميلاف ضحكت : حماس
خوله : حطي اغاني
لينا : بعد مانرقص على شيلات
سُلاف : يلا يلاا
شغلة لينا شيله وقامو البنات يرقصن وميلاف توقف بنص رقصتها تزغرت وترجع تكمل رقص وطبعاً اغلب الرقص كان عباره عن هبال ميلاف وريم وسُلاف وضحك هيام ولينا ونضرات استحقار من خوله
ميلاف وهي تاخذ الجوال : بشغل لكم شي
لينا فهمت : لااااا في رجال ولا ناسيه؟؟؟
ميلاف : بقصر الصوت
خوله : تخلف وذا في رجال !؟
ميلاف خزتها : والله يقولون في اشياء عيب اذا ماتعرفين !
خوله وهي تسوي اضافرها : ت خ ل ف
محد رد عليها
شغلة ميلاف هز مصري وقصرت على الصوت وبدو البنات يرقصون عليه وكانو الي يعرفون اكثر شي سُلاف وريم
هيام بتعب : خلاصص تعبتتت
لينا : اي والله احس رجلي وجعتن
ميلاف : عجايز وبعدين بعد باتسر "بعد بكرا" عرستس قومي تونسي
لينا : تعبتتت
ريم : معليه عجزو وهم بعمر الزهور خليهم ميمي
سُلاف : منو تدبك معاي
ريم : اناااا
ميلاف : وانا
خوله : انا
قامو يدبكن لاكن خربت ام الدبكه خوله
ميلاف : ادبكي زينننن ماتعرفين؟
خوله : حبيبي اذا انتِ ماتعرفين مشكلتك مو انا الي ماعرف
ميلاف : واضح والله مين الي ماتعرف
لينا : خلاص تعالو نتقهوى
طفو السماعه وقعدو يتقهوون
- تسريع بالاحداث خلص يومهم بالمزرعه وبعدها ابو عساف وابو فارس واهلهم توجهو بيتهم وسند وسعد واهلهم توجهو للفندق -
،
ثاني يوم الفجرالساعه 10 | بيت ابو عساف بالحوش
كانو العيال يعلقون المبات "الي يعلقونها اذا صار في عرس او مناسبه"
سند وهو فوق البيت يعلقها قال بصراخ : زززينننن كذااا ولا ارفع بعدد
نياف بصراخ : ايي زينننن
كملو يعلقون المبات وبعدها فرشو الفرش الاحمر بالحوش وكانو يشتغلون بسرعه عشان الضيوف بيجون للغداء وذي عاده عند اهل ابو عساف من سنين اذا في عرس لاااازم قبل العرس بيوم ي يعزم الجماعه على غداء او على عشاء
خلصو على صلاة الضهر بعد مارجعو من الصلاة بدو الناس تجي وازدحم البيت بالرجال
وكان سند وسعد واقفين مع عساف ونياف وفارس اكثر من طارق الي كان جالس كأنه ضيف مايسوي اي شي اين كان
احد الرجال وهو يسولف مع سند : ماشاءالله عليك يولدي شسمك شسم ابوك؟
سند : سند بن عقاب بن شداد ال **
الرجال : ونعممم وستين نعم والله
سند : ماعليك زود يعم
الرجال وه يأشر على سعد الي حالس مع فارس : وذا منهو اول مرا نشوفه هنا بعد؟
سند لف يشوف من يقصد وقال : سعد بن مطلق بن زايد ال**
الرجال : ونعمم ونعمم
سند : ماعليك زود
وكمل الرجال اسأله لين طفح الكيل مع سند وقال : اعذرني يعم بقوم اشوف لي شغله وراجع
الرجال : معذور معذور
قام سند وتوجه برا شافه عساف ولحقه وقال : استلمك اسأله صح ههههه
سند : اي يارجال ياكرهي لنوعية الرجال الي بس ينشدون طبع الحريم ذا
عساف ضحك وقال : لاتلقي له بال تراه ختش
سند : توقعت والله
عساف خبط ع كتف سند وهو يضحك : يلا تعال بنحط الغداء
دخلو وحطو الغداء وبعد الغداء بدا يخف البيت لين راحو الكل بس باقي سند وسعد
-العصر-
سعد : عيال حايل ياخي انا في شي ماقدرت اتعلمه وابيكم تعلموني لايضحكون علي الرجاجيل بكرا هههههههههههههههه
عساف و نياف وفارس : اسلم
سعد : علموني الدحه
نياف بصدمه : ماتعرفهااا
سعد ضحك وقال : الا بس قصدي مو كثير يعني حضرت كذا زواج ل اهل الشمال الي عندنا بـ الرياض بس ماعرف لها كثير اعرف للعرضه لان حتى حنا مشاركينكم بها نعرض
نياف لف ع سند : وانت اصدمني بعد
سند ضحك : لا افا عليك اعرف ادح
نياف تنفس بارحه : اشوا بغيت الخك
سعد ضحك : والخك وش بعد انت
عساف جلس ع الارض يضحك : يعني يضربك يحتاج لكم سنه كامله تدرسون لهجتن
سند جلس جنب عساف يضحك وقال : اختلاف لهجات مشكله والله
فارس وسط ضحكه : وانت صادز
عساف فز وفتح البايكه ودخل سيارته وهو يطوط لهم وشغل دحه ووقفها وقال : صوت السماعه ولا اصواتنا ي رجال
فارس : شغل سماعه نعلم سعد وبعدين لما يعرف نعلمه ع الاصوات
نياف : اي بالله لتصدمونه من البدايه ينلخم ويفرك عنا ما نشوف خشته
سعد ضحك : ترجمه معليك امر ايش انلخم وايش يفرك
فارس : ابلش يفرك يعني ينحاش وانلخم انصدم او ابتلش
سعد زاد ضحكه : اعرف ترا صادقت شماليين وفي عندنا يسولفون كذا بس اضحك معك
عساف : اسكتو يلا بندح . وشغل الدحه
ووقف وعلا صوته : يلا
صفو جنبه العيال وسند ونياف راحو لسياره وخذو البشوت الي مجهزينها للزواج بكرا ولبسوها ووقفو قدام الصفه يحوشي وكان شكلهم يهبل وكيف كانو مدقنين الدحه حتى سعد كان يعرف لاكن يبي يتعلم لها اكثر اخذ عساف البشت من سند الي صف معهم بالصفه لبس البشت وصار يحوشي مع نياف بالنص وبعد فتره قدرو يعلمون سعد اكثر وماواجهو صعوبه بتعليمه لانه كان يعرفها بس مو كثير
،
عند البنات
سُلاف : صوت تطويط تعالو
ركضو البنات ووقفو عند الشباك يتفرجون على العيال
ميلاف كانت تناضر بـ سند ومستغربه كيف مدقن الدحه بشكل كبيرررر
ريم : اهه فديييت اخويي
لينا : اي واحد فيهم
ريم : الي بالصفه بنص مسوي بشماغه عمامه
ميلاف : ومن الي لابس بشت بني يدح مع نياف اخوي؟
هيام : سند
سُلاف : اخوكم بعد ؟
هيام ضحكت بخفه وقالت : لا صديق اخوي وبحسبت اخوي يعني علاقتنا مترابطه زي الاخوان واكثر بعد
سكتو شوي شوي يتفرجون على العيال وعلى ضحكهم
ميلاف : جاني فضول كل شوي يضحكون ليه؟ وش يحتسون!؟؟
ريم : نفس الفضول وربييي
هيام : الحمدلله ماني فضوليه مثلكم هههههههههه
لينا : وربي شوفي شوي ويطقن من الفضول
سُلاف : قفل السياره اكيد وقفو تعبو
ميلاف : ايي شوفي حطو الفرشه وجلسو
ريم : تعبو من الضحك اكثر من الرقص
لينا : شوفو نياف جا اكيد يبي نسوي قهوه لهم تراهنون
البنات : اي
سمعو صوت نياف الي قال : ياااااولدد
واحت له لينا ورجعت وهي تضحك : كسبت الرهن
ميلاف : عاد قلتي ل سيتي تسوي قهوه؟
لينا : اي تعالو نجلس حنا بعد بدال وقفتنا كذا
جلسو البنات وكملو سوالف
،
نرجع للعيال بعد مارجعو من المسجد لصلاة العشاء
بعد سكوت دام ربع ساعه فارس عدل جلسته وقال : الي يقول جوي بيض يويله
سعد : ابهرنا
فارس : نلعب اسأله واجوبه ياخي مليت قعدتكم كذا لكم كم هدوء
نياف : اصدم عيشتنا اكثر بعد ، سكت وكمل ، اقول والله انك صادز ع الاقل نسولف طفرنا سوالف هههههههههه
فارس : يلا هاذي علبة المي تحكم من يبداء ومن يسأل
لفها وطلع عساف يسأل سند
عساف : يلا ي سند
سند : اسلم
عساف بعد تفكير : جاوب بصدق لو تركت سعد مده طويله نوعاً ما بتوقعك وحسب معرفتك له لما ترجع بيكون زي ماهو ولا تحسه بيتغير عليك وتكون رسميه وكذا
سند تكا على سعد وقال وهو مبتسم : برد عليك بقصيده معروفه
وجه الحشيم اللي مثل مطلع النور
ماتخلفه سود اليالي العـجافي
تغيب عنه ايام وسنين وشهور
وتحصله ذاك الرفيق السنافي
سعد فز : ابشر بعزك
حبو خشوم بعض " سلام الرجال "
عساف ابتسم : الله يخليكم لبعض والله ان صداقتكم انت وسعد ينضرب به الامثال ماشاءالله
سند : امين الي بيني وبين سعد ماهو بالشي الهوين بيني وبين سعد 25 وسنه بها المر والحلو
سعد طبطب ع ضهر صديقه بفخر
فارس سحب علبة المويا ولفها وطلع فارس يسأل نياف
فارس : نياف ي نياف عندي لك سوال . اشر ع قلبه وقال . قلب نياف عمره  حب احد او طق لـ احد !؟
نياف لف ع عساف وقعد يضحك بشكل هستيري وقال مابين ضحكه : اي
عساف ضحك مع اخوه
فارس بصدمه : منوو
نياف : وناستي هههههههههههههههههههههه
عساف تنحنح : ترجون من قلب نياف حب ؟ نياف ابعد انسان عن الحب
نياف : وش لي بوضع الراس انا ؟؟ حب حياتي هي المقالب الضحك الوناسه الذبات غير ذا مافييي
سند : احسن لك هههههه
فارس : اصدم عيشتي بعد وقل انك تحب؟؟؟
سند : لا لا ههههههههههه
سعد اخذ علبة المويا ولفها وصار سند يسأل فارس
سند : اممم وش شعورك وانت بكرا بتدخل القفص الذهبي
فارس بضحكه : فرااااشااااتتت فراشااااتتت هههههههه
الكل ضحك على حركة يده وهو يقول فراشات ويسوي حاله يطير ونبرة صوته لحالها ضحك وطبعاً الي زاد ضحكهم ضحكة نياف كانه "حمار يناهق هههه"
لفو ع صوت ابو عساف الي يناديهم للعشاء ودخلو يتعشون وبعدها مشو للفندق
..
انتهى البارت
البارت 2625 كلمه .. رايكم💗💗