علميني ي دنياي وش ذنبي

Part 17

ثاني يوم بيت سند
سند : كم الساعه تبين تروحين يمه للشاليه مع اهل ابو عساف وابو فارس؟
ام سند : 4 العصر كذا ليه؟
سند : ابد اسأل يالغاليه
ام سند : فكرت بالي قلته لك!
سند : يمه يقلبي قفلي السالفه
ام سند : لييه عطني سبب طيب ابي افرح فيك انا
سند بكذب : مافكر بالموضوع  ابد اذا قررت صدقيني بجي بنفسي واقول لك اخطبي لي
ام سند : الي يريحك
سند قام وتوجه غرفته اخذ ورقه من تحت مخدته وحطها بجيبه وتوجه لـ امه باس راسها وقال
سند : تبين شي يمه؟ انا طالع للدوام
ام سند : سلامتك
طلع سند ركب سيارته وهو يطلع الورقه من جيبه كانت ذي نفسها الورقه الي تركوها اهله الحقيقيين اول مالقته امه ناديه وابوه عقاب كانت ذي الورقه بين ملابسه الي لابسها وقتها وذي نفس الورقه الي حتمت مستقبل سند بالهلاك وذي نفسها الي خلته يتعرض للتنمر فتره طويلهه من عمره .. فتح الورقه وهو يقرا المكتوب ( مدري اذا في احد بيشوف هالرساله او لا في احد بيشفق على الطفل او لا بس ياليت الي يشوفه ويقرر يربيه ينتبه له وتراه مو ولد حرام بالعكس امه كانت زوجتي على سنة الله ورسوله بس ماني بقد مسؤليته ابداً )
سند ضرب يده على الدركسون ثلاث مرات بقهر : لييييه تتزوجون دامكم مو قدهااا لييييه الله لايسامحكم .سكت شوي وكمل بهمس : ليه مافكروا بي ليه مافكروا بحياتي الي عدموها ماكلفوا على حالهم حتى يسلموني لـ احد قطوني ومشوا اي قلب عندهم !! . ضحك بستهزاء. هم اصلاً مايملكون قلب علشان يحسون بي
فتح درج السياره وحطها به وقفله وهو يتنهد لف وهو يشوف سعد طالع من بيته
سعد : ها للدوام؟
سند : اي وانت
سعد : مثلك امش خلنا بسياره وحده
سند : تعال معاي
سعد : طيب
ومشو للدوام
،
بيت ابو فارس وتحديدًا غرفة فارس
فارس الي كان ينام بغرفة الضيوف مع عساف ونياف وعمه طلع لغرفته علشان ياخذ اغراضه
لينا لفت على الباب : صباح الخبر
فارس : صباح النور والسرور كله
لينا ابتسمت : جهزت لك اغراضك كلهّ
فارس : يبعدي والله بس اول شي نشفي شعري تو متروش وجمدت من البرد
لينا : تعال اجلس بهاه
جلس فارس وبدت لينا تنشف شعره
فارس : وش به وجهك تعبان؟
لينا : مدري من قعدت وانا معدتي توجعن ودايختن واستفرغ "الله يكرمكم"
فارس : ماتشوفين شر فيك نوم؟
لينا بستغراب : لا
فارس : اجل قومي البسي عباتك اوديك معي بالمستشفى وتجلسين بمكتبي لين اخلص شغل ونرجع "معلومه ان فارس ممرض قديم فا ترقى لين صار مسؤل عن قسم بالمستشفى "
لينا : طيب بس بنزل احرص "اوصي" العامله على الفطور والقهوه على ماتخلص انت
فارس : يلا
وبعد دقايق طلعو وتوجهوا للمستشفى
دخلوا عند الدكتوره وبدت الدكتوره تسوي فحوصات لـ لينا وهي تسألها اسأله احرجت لينا
جلسو وقالت الدكتوره : مبروك لينا حامل
لينا شهقت بفرحه : صدددز دكتوره
الدكتوره ببتسامه : ايوه
فارس ببتسامه وفرحه : يالله لك الحمد الحمدلله ياررببب. بنت او ولد دكتوره
الدكتوره ضحكت : تو الناس مايبان الحين
الدكتوره كملت كلامها بجديه : ولينا حالياً بالشهر الاول بس صحتك مو مرا ي لينا لازم تهتمين باكلك وصحتك الحين في روح ببطنك وبعطيك فيتامين ولك مواعيد لازم تلتزمي فيها علشان نتطمن على البيبي
لينا : تمام يعطيتس العافيه دكتوره ماقصرتي
الدكتوره : واجبي
طلعو واول مادخلو المكتب حضن فارس لينا بفرحه : مدري شلون اوصف لك فرحتي يـ لينا انا الحين صدق وقسم بالي خلقني احس نفسي فوق السمااء!
لينا اختلطت دموع الفرح مع ضحكتها : الحمدلله يارب
فارس بحماس : يالله متى بس يجي واقرص خدوده واعضهم له هههه
لينا ابعدت عنه وعي تشهق بتمثيل : هيه وش تبي بـ شدوق "خدود" ولدي انت !
فارس ضحك وقال : مالنا قعده هنا لعيون بنت ابوها ببشر اخوياي واجي لاتتعبها قعدت المستشفى
لينا : هاا من الحين انسحب علي وصار لبنت ابوها وبعدين وش دراك انه بنت!
فارس ضحك : انتِ عاد غلاك بالقلب غير مايجون مثلك اما جنس الطفل الي يجي من الله حياه الله كلهم خير وبركه
ليتا : روح بشر اخوياك اجل
طلع فارس وكان يدور سند وسعد ولقاهم بعد عناء: اخيراً لقيتكم
سعد : مسرع اشتقت لنا هههه
فازس بضحك : يع ماشتقت لكم طيعاً
سعد : ايا الخسيس
سند ضحك : وش بغيت فروس
فارس : هي لاتقول فررس لو سمحت من اليوم انا ابو جبر
سند بستغراب : شلون؟
فارس ضحك : ابشركم بصير ابو قريب
سعد بفرحه : احلففففف
فارس : وقسم بالله بعد 8 شهور بجيكم ومعيي ولدي ولا بنتي
سند حضنه : مبروووك مبروك
فارس : الله يبارك فيك
سعد حضنه : مبرووك وعاد بنشوف وش العيوب الي بـ جبر على كثر ذباتك على الناس
فارس ضحك : الله يبارك فيك.. يييوه لاتذكرني هههههه
سعد : رح لمرتك تركتها
فارس. : يلا بس جيت ابشركم اول الي يدرون انتم
راح فارس واخذ زوجته متوجهين للبيت ..
اما سند وسعد فا كملو داواومهم لين ماخلصوا وطلعوا
سعد كان بيده اوراق من المستشفى لشغله قال : بحطها برج حق سيارتك ذكرني اخذها بكرا
سند : طيب
فتح سعد الدرج وقبل ينزل الاوراق لاحظ ورقه المفتوحه بالدرج سحبها وحطها بجيبه وحط اوراقه بالدرج وقفله قبل ينتبه سند
بعد 6 دقايق تقريباً بنص الطريق
سعد : ء .. وسكت
سند : اعرفك عندك شي قل
سعد : مافيه شي
سند : عندك شي تكلم اعرفك ترا
سعد لف بقعدته كلها على سند وقال : ياخي ماقدر اسكت اكثر من كذا
سند بستغراب وهو مركز بالطريق : وش فيك؟
سعد : ليه للحين محتفظ بالورقه ي سند؟
سند نسى الورقه الي تركها بالدرج : اي ورقه!
سعد بنرفزه : سند الورقه ماغيرها
سند تذكر ومد يده : عطني الورقه
سعد : ماني معطيك
سند : سعد عطني الورقه ترا قاعد اسوق ماني قادر اركز
سعد بحده : اصدم مالي دخل ! والورقه منت ماخذها وبقطعها قدامك
سند اسرع بالسياره لين وصل طريق فاضي وصفط على جنب
سند : هات
سعد بعصبيه : مانت ماخذها لاتحاول كم مرا قلت لك قطهاا قطعهاا احقرهاا لييش للحين محتفظ بهااا تبي تقهر نفسك وبسس !! ي اخي بقلعتهم جعلهم بحريقه انسى ان لك اهل غير ابوك عقاب وامك ناديه مالك غيرهم؟ تحتفظ باشياء تغثك ليششش ابيي افهممم
سند بعصبيه اكبر ضرب الدركسون : ماااهيي سهله مااهييي سهلهه اقطها وانسى!! انسى ايششش هاا قليي انسى ايشش انسى ناس قطوني يبون الفكه؟ ولا انسى ناس بسبتهم ماعشت مراهقتي ولا طفولتيي من التنمر؟ ولا انسى ناس ابسط شي الزواج ماقدر منهمممم؟؟؟ انسى وش ولا وش يسعد انسى وش ولا وش! لاتقول انسى وانت اكثر انسان تدري زييين بكل شي صار!
سعد نزل راسه : سند والله العظيم ماقول كذا من عبث انت اخوي مابي اشوفك ضايق علشان ناس ماتستاهل هاذا انت كملت 27 سنه بدونهم كملها عمرك كله لاتفكر بنفسك فكر ب امك لو شافتك ضايق كذا وش بيصير فيها؟ تراها تحس فيك من دون لاتقول
سند : مافكرت بهم ولو اشوفهم قدامي ماحركوا بي شي بس من الي قلته من القهر لا اكثر والي بعرفه بس ليه يتزوجون دامهم مو قد هالمسؤوليه
سعد ربت على كتف سند. : هونها وتهون
سند صد وهو يتنفس بضيق مد يده : طيب عطني الورقه
سعد تنهد وعطاه : خذها بس لاشوفك تفكر فيهم اكثر
لفو على السياره الي وقفت عندهم
الرجال : تبون مساعده يالربع
سعد : لا يعطيك العافيه الحين نبي نمشي
الرجال : الله يعافيك . وراح
سعد : يلا حرك الناس عبالهم وقفت السياره علينا
مشوا متوجهين لبيوتهم
،
اما اهل ابو عساف وابو فارس الظهر توجهوا للاستراحه
ميلاف وهي تركض يم نياف : اوفيييهه وصلت انت وش بلاك تمشي تسذا "كذا" تعبتن وانا الحقك
نياف : وش تبين مني
ميلاف : نسين الحلا بالسياره اركض جبوه لايميع واميع راسك بدالوه
نياف : اقول تقلعييي مناتس "مناك" لما تطلبن ب ادب اجيبوه لتس غيروه اعقبي
ميلاف : خلاص انا اجيبه . وسوت حالها بتروح ومسكها وسحبها وراه بعصبيه وقال : طارق رح مناك الاهل هنا
طارق بضحكة استفزاز : اوه المزيونه الي ذاك اليوم بالخيل
نياف عصب ومسك ميلاف وهي وراه يغطي عليها لين بعدها ورجع بعصبيه وهو يمسك طارق ويلكمه على وحهه : علشان تعرف تحتسي مرتن ثانيه يا رقله "يارخمه"
طارق رجع يضربه : هه انا رقله يورع
نياف دفه بقوه وطيحه وجلس فوقه وبدا يضربه وعلى اصواتهم طلع عساف
عساف : نياف وش نوحك معوه؟؟
نياف قام وسحب طارق ودفه مرا ثانيه : خلوه يحتسي وش يحتسي بوه تووه
طارق قام وهو يضحك علشان ينرفزهم اكثر : وشدعوه وش قلنا عاد ماقلت الا ان اختك الي قبل شوي هي نفسها المزيونه الي بالخيل ذاك اليوم؟ بها شي!
عساف سحبه وضربه بقوه : لا ابد مابوه شين وانا بلفعك "بضربك" مابوه شين بعد
وهنا انقضوا عليه عساف ونياف وكل واحد يدفه على الثاني يضربه
نياف لكمه ودفه على عساف : دورك يخوي
عساف ضربه ودفه على نياف : الدور يمك طلع حرتك بوه
نياف : ابشررر بي
طلعوا ابو عساف وابو فارس وفارس على صوتهم وانصدموا من منظر طارق وهو زي العبه بينهم يقطونه على بعض ويضربنه
فارس توجه لـ اخوه وهو يساعده يقوم : صار بك شي؟
طارق دف فارس وقال بعصبيه : مالك دخل بي
ابو عساف بعصبيه : لا بارك الله بكم من عيال وش عاملين بولد عمكم !!
ابو فارس : هاذي اخرتها يقليلين الخاتمه هاذي عمايلكم بولد عمكم!!
نياف بحده : علم ولدك الادب وبعدين قولوا لنا عاملين بوه
ابو فارس بعصبيه : هاذي اخرتها يبو عساف عيالك يراددوني وانا عمهم؟!
قبل يتكلم ابو عساف قال عساف : اخويي ماقال شين غلط وقبل تتشره يعم اسألوه وش حاتسي لنا علشان نضربوه!
ابو فارس لـ طارق : وش انت قايل
طارق : هههه مستحين يقولون وش انا قايل لو هم مربين بناتهم زين ماخلوهم يركبون خيل قدام الخلق ولا جا كلام سوو المستشرفين
عساف تنرفز وهو يمشي يمه ويصفقه على وجهه : لما تحتسي عن خواتي وتربيتهم اعرف وش تحتسي بوه فاهم!! ولا ننسى بلاويك لاتخلين افضحك قدام الكل هنا فاااهم؟؟
ابو عساف لما عرف ان الموضوع به بناته توجه يم طارق وضربه بالعصا وقال : ايا قليل المروه وش انت قايل عن بناتي هااا؟
فارس بمحاولة تهدئه للوضع قال : يجماعه قولو لا أله الا الله
الكل : لا اله الا الله
فارس : حنا اهل ومايصير الي قاعدين تسوونه امشوا داخل نتفاهم بهدوء احسن لنا من اصواتنا الي وصلت لـ سابع جار
طارق : مالي تفاهم معهم . وقبل يلف يطلع
نياف : اذا ماتدل الباب ادلك بوه
طارق : تلايص "اهجد"
نياف : يمه خفت
فارس : خلاص طارق نياف!!
طارق طلع بعد ماقط نضرات استهزاء على نياف وعساف
ودخلوا الباقين شوي شوي طلعوا من الجو الي كانوا به
عند البنات
ميلاف دلخت وهي ترقص بشعرها من الوناسه
سُلاف : وش نوحتس انتي!
ميلاف : هوشه هوشه ههههه
سُلاف بصدمه : تعانين من شين انتي تروقصين علشان هوشه! من الي تهاوش
ميلاف : طبعاً برقص دام اخواني بيلفعون طارقوه العله المستعله
لينا جت وهي تضحك : عله مستعله مرتن وحده ههههه
ميلاف : ايي تعالوا نشوف الهوشه
خوله جت : وش بلاها اختكن الخبله مستخفه تضحك اليوم؟
ميلاف : بنات ماسمع صوت تسمعون شي!
سُلاف بهمس : ميلاف مالنا خلق مشاكل اسكتي جايين نتونس!
خوله : وييع طرشا "ماتسمع "بعد
ميلاف توجهت يمها : نعم؟ عيدي يحيي وش حتسيتي!
خوله : ط ر ش ا طرشاا
ميلاف لفت على خواتها : اسمع صوت نباح كلاب تسمعنوه؟
خوله شهقت : انا كلب! طيب شوفي الكلب شيسوي بك
وبدت مهاوشه بين البنات مالها اول من تالي وبطلعت الروح فكتهم ام عساف
( المقرودين بين هواش البنات والعيال ام عساف وفارس وابو عساف 😭)
المغرب بعد ماجوا سند وسعد واهلهم
عند الرجال
فارس تنحنح : عندي لكم خبر يزيد فرحنا اليوم بأذن الله
الكل انصت له وهو يتكلم وكمل فارس وهو يقول : ابشركم يبه وعمي بتصيرون جدان غريب
ابو عساف : استحلفك بالله!
ابو فارس : احلفف؟؟
فارس ابتسم : والله
ابو عساف بفرحه : الف الف مبروووك يولدي الله يجعلوه من مواليد السعاده
ابو فارس : مبروك يفارس
فارس : الله يبارك فيكم
عساف : مبرووك فروس
فارس : الله يبارك فيك
نياف جته لحضة ادراك : لحضه يعني بصير خال!
فارس : للاسف بتصير خال ولدي من قرادة الحظ
الكل ضحك ومن ضمنهم نياف
ابو عساف : لا حول ولا قوه الا بالله وش يسكته ذا الحمار الي يناهق!
هنا زاذ الضحك بالمكان من تعابير ابو عساف وهو يقولها ونياف من قو الضحك مسك بطنه الي اوجعه
ابو عساف وابو فارس وعساف ونياف قاموا لـ قسم الحريم علشان يباركون لـ لينا
،
هيام جابت هديتها وعطتها ميلاف وقالت : فكرت امس كثير وش اهديك والصراحه حبيت اهديك شي انا بنفسي سويته يذكرك فيني واعذريني على القصور
ميلاف ابتسمت بفرحه وهي تشوف صورتها هي وسهم بالوحه وكانت الوحه بحد ذاتها تهبلل حضنت هيام وهي تقول: يااامليي والله تهولل الرسمهه اخخ خقييتت عندهّ شكراً
هيام : الحمدلله انها اعجبتك
ريم مدت هديتها : انا ماعرف ارسم عاد ولا عندي هوايه فا هديتي ماتطول عندك كثير هههه
كانت هدية ريم عباره عن باقة ورد كبييره وبنصها سلسال ذهب ناعم
ميلاف حضنتها : ريووم والله ماتسان "ماكان" لوه داعي الكلافه مشكووور
ريم : مافيه كلافه ولا شي تستاهلين اكثر يعيني انتي
جلسوا البنات وقالت لينا : ء عندي خبر حلو بقولوه لتسن "لكن"
الكل التفت لها ينتضرها تكمل
لينا قالت بسرعه وبخجل : انا حامل
ارتفع اصوات الكل يضحك بفرحه
ام عساف قامت وحضنتها وهي تبارك لها وتبكي بفرح
لينا : يمه تكفيين لاتبتسيين ببتسي معتس هالحين "لاتبكين ببكي معك الحين"
ام عساف وهي تمسح دموعها : من الفرحه ي امي
ام سند قامت تسلم عليها وتبارك لها ومن بعدها البنات ولفوا على صوت الباب الي يطق وسمعوا صوت ابو عساف يقول : لينا تعالي يبوي
توجهت لينا لـ ابوها الي حضنها وهو يبوسها على راسها ويبارك لها : مبروك يبعد حيي وابشرتس اذا جبتي بنيه بتاخذ لقب شمعة البيت منتس وتصير هي شمعة بيت جدها
لينا ضحكت بخجل : الله يبارك فيك يبه
عساف سلم عليها: مبرروك وانا اخوتس
لينا : الله يبارك فيك يبعد حيي
نياف ؛ مع ان رجالتس جرح مشاعري بس يلا مبرووك
لينا ضحكت : الله يبارك فيك وخذ حقك منوه
نياف : ابشري هههه
،
بعد الخبر ذا قاموا العيال للمسبح الي بالقسم الي عندهم والبنات بالمسبح الي بالقسم حقهم
نياف ببتسامه خبيثه : تعال فروس بقول لك شي
فارس توجه يمّه بحسن نيه واول ماقرب دفه نياف بالمسبح : علشان لاجاء ولدك ولا بنتك تقول هدية خالكم بمناسبة حمل امكم قطني بالمسبح هههههه
هنا الكل ضحك من كلام نياف ومن وجه فارس المصدوم
فارس الي استوعب : ايياا التسلب "الكلب" تقطنن بهاه وانا مالبست حق السباحهه!
سعد ضحك : دام الهجه طلعت عصب ههههه
سند : يويلك ي نياف
نياف : مايقول لي شي انا خال ولدوه
فارس : تخلخلت عضامك هييين ... طلع من المسبح ولحق نياف وماهي دقايق جاء وهو تال نياف ونياف يحاول يفلت منه
نياف : عساااف يخويي فكنن منوهه
عساف ضحك : تستاهل ماجاك
نياف : عساف اخوووك اناا
عساف ضحك وهو يقوم يمسك فارس ويبعد نياف عنه : بوجهي هالمرا
فارس دف نياف بضحكه : ماتستاهل بس عشان عساف
نياف : تسلم يولد عمي يجي منك اكثر ههههههه
سعد : يلا بدلوا خلونا نسبح
وبكذا بدلوا ملابسهم وبدت فقرة العب
ونفس الكلام عند البنات بس الفرق بين لعب البنات ولعب العيال كبييييرر
،
حنين كانت البسمه شاقه وجهها وهي تراسل ريم وتتعرف عليها
دخلت الغرفه امها واول ماشافتها تراسل وهي مبتسمه كذا سحبت الجوال : من تراااسليينن .. سكتت وهي تشوف اسم بنت وشخصية بنت بالسناب ورجعت لها الجوال : صرفيها وتعالي ساعدي العامله بالعشاء
حنين مانصدمت من امها ابد لان بالمختصر ذا تعاملها معها من سنيين قفلت الجوال وطلعت الا هيثم قدامها
هيثم : يهلا والله
حنين حضنته : هلا فيك وينك ماشفتك اليوم
هيثم : والله يقلبي انشغلت
حنين : يلا عادي بس وين عيالك اشتقت لهم
هيثم : مامريت البيت على طول جيت يمكم
حنين : جبهم معاك بكرا
هيثم : ابشري
لمياء طلعت : هه مدري من اخته انا ولا هي ومشت
حنين ماركزت بالي قالته اما هيثم فا عصب لاكن سكت وبعد ساعه تقريباً راح لبيته
،
انتهى اليوم بكذا وثاني يوم من الصبح راحو اهل حايل ديارهم ورجع الروتين على الكل بدون اي حدث مُهم والشي الوحيد الي تغير سُلاف وصلها قبول بـ كلية الطب وفرحتها ماتنوصف وقتها
بعد ثلاث ايام بـ حايل
كان الجميع مجتمع بالحوش
عساف : يبه
ابو عساف : هلا
عساف : قررت شي وابي اشاورك بوه
ابو عساف : وش قررت!
عساف : شرايك لو نخلي عقد القرآن بعد اسبوع ونص تسذا وبنفس اليوم العرس ويكون حفلتن صغيره بينن
ابو عساف بصدمه: وشهوو! ولييه ان شاءالله العرس تسذا حفلتن صغيره
عساف : ي يبه اسمعن بالاول انت تعرف اني ماحب الفخفخه وبنفس الوقت ابي العرس قبل بداية الدراسه والدراسه مابقى عليّه غير شهر شل اسبوعين الي بيصير فيها حفلة الزواج كم يبقى مايمدي حتى اوديها شهر عسل!
ابو عساف : وليه بدال الحفله ذي عرس ؟ وبعدين وش عليك من الطلاب انت تقدر تاخذ اجازتن من دوامك ب اي وقت
عساف : اذا على بدال الحفله عرس مايمدي ابد الححز لحالوه يبي لوه وقت اما الدراسه انها تكون قبله او بعدّه المقصد السياح الي بالدول برا كلهم يرجعون وحنا لارحنا نبي سعوديين معنا لو بالصدفه نشوف شخص واحد ابرك من اننا نروح مامن الوالي
ابو عساف اقتنع : الي يريحك سووه بس عطن خبر اقول للرجال يقول لهلوه
عساف : شرايتس يالوالده
ام عساف : اهم شي انت والبنت مقتنعين ذا المهم
عساف : اجل قل لهم يبه
.
يتبع ..