علميني ي دنياي وش ذنبي

part 8

صباح اليوم الثاني على ابطالنا
الرياض الساعه 3 العصر تحديداً بيت سند
سند جالس عند رجلين امه يهمزها : يمه
ام سند : لبيه
سند : لبيتي في منى .  فارس بعد بكرا عرسه ويبينا نجي نعاونه اليوم
ام سند : اكيد ي امي رح عاون صاحبك
سند : بس انتي بتروحين معاي
ام سند : لا مالي حيل خط وطريق وعيب نروح للناس كلنا من بدري
سند ببتسامه : قولي لا اله الا الله
ام سند : لا اله الا الله
سند : اخذت قبل شوي بالدوام اجازه ونروح بطياره وكذا كذا ماراح نجلس عند عمه بنأجر فندق نجلس به لين بعد العرس بيوم يعني اربع ايام ومنها نتمشى نغير جو ونشوف الشمال الي الكل يقول يروح لها ضايق يطلع مبسوط من كثر ماهي توسع الصدر وش قلتي؟
قبل لاتتكلم ام سند اتصل جوال سند
سند وراها اسم المتصل "فروس " : شوفي اكيد يسأل مشينا او لا
رد وحطه سبيكر : هلا
فارس : ها مشيتو ولا تو
سند : والله انتظر امي توافق تجي قاعد اقنعها هالحين
فارس : بالله سند حط الجوال سبيكر بسولف معها
سند : هو سبيكر تسمعك
فارس : اخبارك يخاله
ام سند : بخير ي امي انت اخبارك
فارس : الحمدلله ليه يخاله ماتبين تجين لنا؟
ام سند : لا مو عن اني مابي اجي بس يولدي مابي اثقل عليكم بـ...
قطع كلامها فارس : معليش يخاله قاطعتتس بس وش الي تثقلين علينا ؟ انتِ بحسبة الوالده الله يرحمها وبعدين دايم تقولين تبين تفرحين بنا صح او لا !؟ هاذا انا ابيتس تفرحين بي وتكونين اول الحاضرين بعرسي
ام سند : اكيد يمه بحضره بس المقصد اجي ليلة العرس بس خلاص اجل ان شاءالله جايينكم
فارس : حياكم الله
ام سند : الله يحييك
قفل سند وقال : يعني نجهز اغراضنا ؟
ام سند ابتسمت : نجهز
قام سند وقال للعامله تجهز اغراض امه وهو اتصل على سعد وقال له ان امه وافقت وبعدها حجز طياره  وتوجه لغرفته يجهز اغراضه
،
اما عند سعد فا دخل عند خواته وقال لـ نور : وين بناتي؟؟
نور : كلو غرفه
توجه لغرفة هيام دق الباب
هيام : ادخل
سعد دخل : وش تسوين؟
هيام كانت تسمع اغنيه وترسم : ابد ارسم
سعد : اوه خربنا على راسمتنا جوها
هيام : افا لا اكيد
سعد : زين عندي خبر؟
هيام قفلت على الاغنيه وقالت : وش!
سعد : بنمشي لشمال تجهزي
هيام عدلة جلستها وبحماس : اي مكان تحديداً!!!؟
سعد : حايل عشان عرس فارس
هيام : يعني نجهز اغراضنا؟
سعد : اي يلا مافي وقت واخذت لكم اجازه من جامعاتكم بروح اعلم ريم
طق الباب : بنتي موجوده!؟
ريم ابتسمت : ايوه تعال
دخل سعد : وش تسوين
ريم اشرت على ايبادها : اتابع مسلسلي
سعد : طيب والي يخليك تطفين المسلسل من الحماس؟
ريم : اتحداك لقطه مهمهه
سعد : جهزي شنطتك ماشين
وفعلاً طفت ريم المسلسل بحماس : وييييينننن!؟
سعد : حايل
ريم صارت تناقز على السرير : الله يعنييي بنسافر!!!
سعد ضحك : اي اي يلا ابي ساعه والقاكم جاهزين بسرعه
ريم : خالتي تروح معنا صح
سعد : اي بس بطياره هي وحنا سياره
ريم : طيب ، ونقزت تجهز اغراضها
ريم راحت لـ هيام : هيامييي
هيام : عيونها
ريم : وش اخذ معاي
هيام : والله مدري بس خوذي ملابس كشخه وحقات طلعه كثير عشان بنروح لـ اهل فارس اكيد وخوذي فستان للعرس
ريم : ياربيي احتست مدري وش اخذ
هيام : روحي خلصي ترا سعد قال ساعه يعني من تخلص الساعه ذي بيعصب اخلصي
ريم : طيبب
راحت لغرفتها وبدت تطلع وبعد مُعناه اخذت 5 اطقم وفستانين واحد للعرس وواحد احتياط وخذت بجامه ثنتين وخذت عبايه ثانيه غير الي هي لابستها ومكياج واغراض شعر وعطر ثنين وخمرية شعر ، وبعدها لبست هي لبس مريح للطريق عباره عن بنطال اسود وبلوفر ابيض وحطت قلوس خفيف
هيام خلصت خلال نصف ساعه جمع اغراضها ولبست طقم بنطال وردي فااتح وبلوزه مثل درجته وقلوس خفيف
طلعت من غرفتها وتوجهة غرفة سعد : وش سويت
سعد : جمعت اغراضي وخلصت
هيام : حلو اجل انا بعد خلصت
سعد : والبارده ريم باقي صح ؟
هيام ضحكت : بشوفها
طلعت وتوجهة لـ اختها دخلت وقالت : خلصتي؟
ريم كانت تلبس الشوز" يكرم القارئ " : ايوه توي خلصت
هيام : يلا بس تعالي لحظه نور وين نتركها وخدامة خالتي بعد كلهم بالبيت لحالهم؟
ريم : اكلم ملاذ نتركهم عندها؟
هيام : عادي قولي لها
ريم : بس نشوف خالتي اول
اتصلو على ام سند الي قالت لهم انها تفكر بنفس الشي واتفقو يتركونهم عند ملاذ
ريم اتصلت على ملاذ : ملاذي
ملاذ : عيونها
ريم : تسلم عيونك . مالك بالطويله فجأه قال سّعودي انو بنروح حايل بيحضر عرس صاحبه المهم بنمشي الحين بس ماندري وين نترك العامله حقتنا وحقت خالتي بنتركهم عندك عادي؟
ملاذ : ابشري يعيني بس خير تروحين بتفظى الرياض بي
ريم ضحكت : الرياض بكبرها بتفظى علي انا؟
ملاذ : طبعاً
ريم : ماعليه يقلبي كم يوم ونجي المهم ترا جايينكم ننزلهم
ملاذ : طيب توصلون بلاسلامه
ريم : الله يسلمك
قفلت ريم وطلعو حطو اغراضهم بالسياره واخذو عاملة ام سند وركبو متوجهين لـ بيت ملاذ نزلو العاملات ومسكو الخط لـ حايل
،
اما سند فا طلعو كذالك هو وامه بعد ماخلو العامله تروح مع سعد وتوجهو لـ الماطار
،
نروح لـ الشمال تحديداً حايل
بعد ماقفل فارس من سند اتصل على سعد كذالك وبعد ماقفل قال نياف : فروس انت كنك ابوهم تتصل تتطمن كل خمس دقايق
فارس ضحك : وجع ههههههههه
عساف : فااارس نيااف تعالو يمنا
راح له فارس ونياف : وشو
عساف : ابوي وعمي يبونكم
ابو عساف : وش كثر عزمتو؟
فارس : والله يعمي انا عازم كثير
ابو عساف : يعني كم يجي العدد ؟
فارس : قول 200 شخص او اقل شوي
نياف بصدمه وصراخ : وشووووو
فارس ضحك : وش؟
نياف : حشى والله لو انك مخاوي الدنيا كلها 200 يالظالم
ابو عساف : متأكد يجون 200
ابو فارس : كل ذيلا منهم !؟؟
عساف : ذيلا قبيله حشى هههههه
فارس : بسم الله اكلتوني اولاً اخوياي واجد من الي كانو معاي بالدراسه ابتدائي ومتوسط وثانوي والي بالجامعه لين الي خاويتهم بالشغل وثانياً معارف بالرياض وناس علاقتي معهم سطحيه  كثير وثالثاً اهل ذول كلهم وغير ذا ترا اعتذرو كثير
نياف حط يده على راسه : لا اله الا الله الي معاك با الابتدائي بعدد !
عساف : واعتذرو كثير !!!
ابو عساف : خلاص انت وياه خلوه عرسوه ترا يعزم الي يبي
فارس : يابعد عيني ي عمي كفو سكتهم
ابو عساف : وانت نياف ؟
نياف : ماعزمت واجد بس اخوياي الي معي دايم وكم شخص بالدوام
ابو عساف : اعطوني الاعداد كم شخص
نياف : مدري 20 او 15 اظن
ابو عساف حول نظره لـ عساف بمعنى وانت
عساف : اتوقع الي عزمتهم 40 شخص
ابو عساف : وانت طارق؟
طارق : ماعزمت احد
الكل انصدم من بجاحته عرس اخوه بعد كم يوم وهو ماسوا ولاا شي ولا عاونهم بولا شي والحين حتى عزيمه مو عازم احد!
ماردو عليه وكملو يشوفون كم الي عزموهم عشان الذبايح والقاعه حقت العرس اذا تكفي او لا قطع حوارهم فارس الي قال : اعذروني يجماعه خويي وصل بجيبه من الماطار
توجه فارس للماطار وعلى وصوله وصلت الطياره فارس شاف سند وتوجه له سلم عليه وحضنه بعدها سلم على ام سند من بعيد وساعد سند بالشناط
ركبو السياره
فارس : تو مانورت حايل والله
سند : منوره بـ اهلها
فارس : عاد اشوا وصلت على وصولكم عبالي تأخرت
سند : ماتقصر يفروس بس وش دراك اننا بنوصل الحين؟
فارس : كلمة سعد ومن الكلام عرفت انك مشيت وانتضرت ساعه مسافة الطياره وجيتك وها ترا من الحين اقول لك فندق تنساه تقعدون عندنا
سند : لا ولله وين مانقدر
فارس : يارجل وش الي ماتقدر تقعدون عندنا وش لكم بالفنادق وغثاها
سند : ياخوي والله احسن لنا الفندق وحتى الاهل ياخذون راحتهم اكثر
فارس : تردني؟
سند : ماعاش الي يردك بس فكر فيها شوي امي وخوات سعد بياخذون راحتهم اكثر اساساً مايعرفون اهلكم للحين وحتى اهلكم بياخذون راحتهم ولو هو ببيتك والله ماتنرد بس نستحي من عمك بعد
فارس : اهلكم مهي مشكله يتعرفون على اهلنا واذا قصدك عمي تراه والله بيهاوشني اصلاً لو تركتك تجلس بالفندق
"وكملو مناقشات بذا الموضوع وفاز سند "
نرجع لـ بيت ابو عساف
عند البنات
كانو يجهزون شناط لينا واغراضها الاخيره
ميلاف : وش تبين تاخذينوه للفندق؟
لينا : مدري
ميلاف : شوفي ذا الفستان اذا جيتو لنا بالعشاء ثاني يوم شرايتس؟
لينا : حلو
سُلاف : وذا لابدلتي فستان العرس!
لينا : امم اي تذكرتوه ذا حتى امي قالت كذا
سُلاف : والميكب والمرطبات والعطر والبخور واستشوار وغيروه حطيتيهم بشنطه صغيره؟
لينا : اي ذا كله حطيتوه
ميلاف : كذا خلصنا من اغراضتس اجل باقي نتأكد بس من التوزيعات والحلا والاشياء ذي اكدو على الطلب او لا
سُلاف : امشو نشوف خوله كلمتهم او لا
راحو لـ خوله الي بغرفتها
دخلو البنات
خوله ناضرت فيهم بستغراب
سُلاف : خوله
خوله : ها؟
سُلاف : كلمتي المحل الي طلبنا منه الوزيعات الي على الطوايل والحلا حق الاستقبال؟
خوله : اي قالت لي امك تو واتصلت قبل شوي قفلت منهم
ميلاف : اكدو الطلب
خوله : اي
جو بيطلعون البنات لاكن قالت ميلاف : قومي ساعدينا اجل من باتسر بيجون المعازيم لازم نخلص كل شي الحين الحين
خوله : مالي خلق ومابي اسوي شي
ميلاف : والله عاد كلنا مالنا خلق لاكن بنقوم نسوي ولاتنسين انتس انتي اخت المعرس يعني المفروض اصلاً ان انتي الي تقومين بكل شي
طنشت خوله بعد ماشمقت لها وهي تتابع
ميلاف بحده : اسولف معتس ردي ووجع
لينا : ميلاف امي تنادي امشي
ميلاف ماردت ووقفت قدام خوله : يلا حتى حجة انتس ماتسمعين ماراح تمشي الحين واقفه فوق راستس لو انتس طرشه سمعتي امشي ساعدينّ
ام عساف دخلت : شتسون هنا امشو ساعدوني
سُلاف : يمه ميلاف تبي خوله تساعدنا وخوله عيت تقول مالها خلق
ام عساف : خلاص امشن انتن ي بنات نسوي
ميلاف : ماراح امشي انا لين تقوم ست الحسن والدلال تحرك من مقامها شوي وتساعدن مانشتغل عند ابوها حنا من جت وهي متكيه المرا ذي حتى بتجهيزات عرس اخوها حنا الي بنسوي معصي والله
خوله ضحكت بستفزاز : مع الاسف مقامي على قولتك مايسمح لي لا اساعدك ولا اتكلم معك اصلاً ويلا برا غرفتي مابي اشوفكم هنا ابد
ميلاف : خوش والله تطردن من بيت ابوي
ام عساف : ميلاااف امشي
ميلاف سحب سلك التلفزيون الي تتابع به خوله : والله لتقوم ي انا ي هي اليوم يلا
خوله ىقفت بعصبيه : نعممم نعمممم تعانديني يعني ولا فوق ذا تطفين التلفزيون ؟؟
ميلاف بعناد وعصبيه : واعاند الي اكبر منتس وش براستس اجل
خوله مسكت يد ميلاف من فوق قريب الكتف وصارت تهزها : انا لو انفخ بس تطيرين جايه تعانيني؟؟ "عشان ميلاف نحيفه عكس خوله" فا يلا برا برا
لينا سحبت يد خوله ودفتها بقوه : هاه هاه حددتس لين هنا وانا الي اقف بوجهتس يبعدي . اشرت على يد خوله . تنكسر ذي لو تفكر تلمس خواتي فاهمه؟
سُلاف : والله تضحكين غلطانه وترادد ولا فوق ذا بتطردنا ينطبق عليتس المثل شين وقوي عين
ابو عساف الي مر من الغرفه يدور ام عساف او وحده من البنات وسمع اصواتهم دخل وشاف بناته واقفات ومتكتفات بعصبيه وخوله واقفه قدامهم وتخزهم وتهاوش وام عساف تحاول تهدي بينهم وتطلع البنات
ابو عساف بحده : وش فيييه؟؟؟
محد رد
ابو عساف : مابي اعيد كلامي وش فيييه!؟
ميلاف : يبه جينا لـ خوله نسألها عن الحلا والاشياء ذي اذا طلبتهم او لا ونادتنا امي نساعدها ونقول لها قومي ساعدينا ماتبي وهي ماسوت معنا ولا شي اصلاً وهو عرس اخوها ! وفوق ذا تقول مقامها مايسمح لها تساعدنا ولا تتكلم معنا وتطردنا من الغرفه!؟
ابورعساف : صدق هالحتسي ي خوله؟
خوله : عمي كذب هي دخلت علي تلعلع وتهاوش وانا ماقلت لها شي
لينا : تتسذبن "تكذبنا" عيني عينك كل الي قلتيه قبل شوي ماقلتي شي ومدت يدتس على ميلاف بعد ماسويتي شي!
خوله : انتِ .....
قطع كلامها صوت عصا عمها الي ضربها بالارض ثلاث مرات بقوه : قطع الله صوتتس انتي وياها وياها ولا كأني موجود بينكم ؟؟؟ من اليوم طول ما الكل موجود الكل يتساعد والي اسمع انها ناتسوي الي اقوله بتشوف الي مايسرها وانتِ ي خوله ذا بيت عمتس يعني بيت ابوتس فا تشتغلين مع البنات وتعاونينهم زينس زيهم ويلا الحين كلكم قدامي
طلعو البنات مبسوطات وخوله تتوعد بهم
،
نروح لـ سعد وخواته
كان ترتيبه كا الاتي
سعد وجنبه هيام وبالخلف ريم والي ورا اخر شي بالسياره شناط واغراضهم
ريم مشغله اغنيه  لـ اصاله وتغني معها ولما صول البارت الي هي تحبه علت صوتها وهي منطربه وتناظر الطريق
" كل جرح بي زفرته كل حبٍ لك شهقته
كل دربٍ لك مشيته بالوله روحه وجيه
مابقى بحرً من بحوري لوصلك ماغرقته
مدري وش واكثر اسوي مابقى بي مقدريه
اه يحلم حطبته في حناياي وحرقته
اه يحب كتبته لين غنت لين غنت الابجديه "
سعد : ياعيني على المنطربه
ريم ضحكت وفجأه نقزت عند التكايه "الي يتكي عليها الستيق والي جنبه" : طالبتكك لا ترديننني
سعد : عيوني لك
ريم : ابي تغني على الاغنيه الي دايم تغنيها اذا مسكنا طريق
سعد : ابشري شغليها وبدا يغني
ريم بدت تصوره لما بدا البارت الي تحبه
" طواري يا طواري وقفت بيني وبين النوم
يجيها شرها مع صوتك ومع رفة اهدابي
يا عبدالله ترا صوتك حزين وقلبي المحروم
ليا جريت صوتك ينفض الي في داخلي كتابي
بعد ماخصك الله في قراءة صدري الكتوم
تغني في بقايا الذكريات الي على بابي
سقى الله يوم كنا مانعرف للمفارق يوم
ليا من غبت عنه يوم يسألني عن غيابي"
وكمل مع الاغنيه لين خلصها
ريم وهيام بدو يصفقون وقالو مع بعض : الله علللللييييييييك
سعد : شرايكم بس هههههههههه
ضحكو وكملو سوالف لين قالت هيام : سعد وقف عند اقرب بقاله بالله
سعد : ابشري
وكانو قريبين من محطه وقفو عندها بعد ماتغطو البنات "كانو كاشفات وجيهم وشعرهم بحكم انه طريق محد بيشوفهم" وقال سعد : تنزلن ولا انا اختار لكم؟
هيام : انا بنزل
ريم : انا بعد
نزلو وبدو ياخذون لهم مفرحات وبعدها راحو ريم وهيام للسياره وبقى سعد الي دفع الحساب واخذ الغراض ركب السياره وعطا هيام الكيس
بعد ساعه تقريباً ارسلت هيام لـ ريم : طفي الاغاني سعد اغتث
ريم : لااا ليه اغتث ستار
هيام : مانام زين اليوم وترا الحين بيعصب وانتي كيفك
ريم : اففففففف
قفلت الاغاني انسدحت وطلعت الايباد شغلت مسلسلها وبدت تابع
بعد مده وصلو حايل
اتصل سعد على سند
سعد : الو
سند : هلا
سعد : ارسل لي موقع الفندق
سند: طيب ..  وارسل الموقع
وصل سعد وبدا ينزل الاغراض ودخلو الفندق ولقو سند توه طالع من غرفته
سعد : يويلك لو طلع مو حلو الفندق
سند : لا ماعليك حلو وشوف . اشر على الغرفه الي قدام : ذي للحريم فيها غرفتين وحده بها سرير واحد والثانيه سرير ثنين ودولاب كبير ودورة مياه ومطبخ صغير وحمام ثنين"يكرم القارئ " وصاله صغيره مرا . واشر على الي طلع منها : وذي لي ولك كذالك نفسها بس على غرفه وحده بها سرير ثنين
سعد : حلو اجل
دخلو اغراض البنات ودخل سعد اغراضه
بجناح البنات دخلو ولقو ام سند تقرا قران ودن اغراضهن للغرفه نزلن عباياتهن وقعدو يفرن بالجناح حقهم وبعدها توجهو لـ ام سند الي خلصت قراءة القران
ام سند : ها وصلتو
ريم وهيام : اي
ريم : جوعاااااااانه
ام سند وهيام : كلنا
ريم : بتصل على سعد اقول له بنطلب ونطلب لهم
اتصلت ورد سعد : هلا
ريم : نبي نطلب اكل نطلب لكم؟
سعد : دقيقه . لف على سند : تبي اكل ؟
سند : بموت جوع
سعد : اطلبي لنا معكم بس من وين اي مطعم تبون؟
ريم : ماك!؟
سعد : طيب
طلبت وماهي ساعه الا وصل الاكل وبدو ياكلون وبعدها نامو
،
حايل بعد ماوصل فارس على الساعه 7 باليل
دخل وشاف عمه وابوه وعساف جالسين ونياف منسدح على رجل عساف
فارس. : السلام
الكل وعليكم السلام
فارس جلس
ابو عساف : وين خويك؟
فارس : عيى ي عمي يجي هنا
ابو عساف : شلون تركتوه يروح للفنادق؟
فازس : اي
ابو عساف :  شلون تتركوه وبيتنا موجود وهم ضيوفنا؟؟
فارس : عمي قلت له وحاولت به اكثر من مرا بس عيى يقول اهلهم معهم واحسن لهم بالفندق ياخذون راحتهم اكثر
ابو عساف : قل له باتسر يجي ويقعد عندنا لين يمشون
فارس : والله يعمي اخوياي واعرفهم لاعندو عندو ماراح يجون
ابو عساف : اجل باتسر يتقهوون عندنا ويتعشون عندنا وانا اغصبهم على القعده بهاه
فارس : ابشر
ابو فارس قام وقال : فارس الحقني
قام فارس ورا ابوه
ابو فارس : اخوك طارق
فارس تنهد : وش به
ابو فارس : ماهو موجود من بعد ماطلعت انت واتصل عليه مايرد ليكون راح لخرابيطه؟؟
فارس : ي يبه مدري معاد هو ورع نقدر نحبسه شفت جربنا كل شي معه مافاد
ابو فارس: خله يطس بقلعتهمالي دخل به بس مو هنا الكل يعرفنا لايطيح وجيهنا عند الجماعه وعمك مايدري عن بلاويه
فارس : بشوف اتصل عليه
اتصل فارس وكذالك مايرد وقال : يبه مايرد وانا تعبت وانا الاحق وراه الايام ذي شايل يدي منه بقلعته
دخل فارس وانسدح بفراشه ينام وحس بـ عساف ونياف لما دخلو ويسمعهم يسولفون لانه مانام  وين النوم طار خلاص وصار يتقلب ينتضر طارق يجي  لكن ماجاء وغلبه النوم ونام
،
صباح ثاني يوم
بيت ابو عساف كله يحوس منتضرين جية سند وسعد وخوات سعد وام سند
بعد ماخلصو ام عساف كانت تمشي بالبخور
عند البنات فا بدلو لبسهم وسوو شعرهم وتمكيجو وخلصو كل شي ونزلو ينتضرون جيت الضيوف بحماس
،،،،
يتبع..
البارت الجاي لقاء اهل الرياض مع اهل حايل متحمسين ولا؟