علميني ي دنياي وش ذنبي

Part 31

=بعد مرور 6 أشهر بلياليها =
عدت الايام بهدوء على البعض بحماس على البعض وسعاده على البعض وحزن على البعض! ولاكن عدت..
مكان مازرناه من فتره .. بيت ابو هيثم
وبالفتره الي فاتت رجع اديب من الدوره العسكريه وتوضف ومن ثاني يوم من وضيفته كان زواجه والي اصر انه يعجل به لاجل حنين ماتطول عند اهلها وهي متضايقه من القعده عندهم وطبعاً ابو حنين قال مو لازم زواج كبير عشاء بسيط يكفي ولاكن اديب رفض وفض قطعي يتزوج حنين بدون عرس كبييرر وقال لها ( مستحيل اتزوجك بدون عرس انتي دُره ثمينه ي حنين وهذا يوم بالعمر لازم تفرحين به وانا افرح اني تزجت احن واعظم زوجه بالدنيا وانا سندك وعزوتك ومستعد ابيع عمري كله لجل اشوفك مبسوطه! )
وكان كلامه كفيل بأنه يوصل حنين للسماء من الفرحه والسعاده..
واليوم هاذا كان بعد شهر العسل وكانت زايره اهلها
ام هيثم : اييهه يقولون الكلب كلما كرشته لحقك وفيه ناس فعلاً بهالصفه!
حنين كانت عارفه انها تقصدها وكانت صدمتها كبيييره ولاكن حاولت تمسك وصات اديب انها تصير قويه وماتسكت عن حقها وقالت : وفيه مثل يقول بعض الناس مو جيده غير بالنباح
ام هيثم تنرفزت وقالت : قليلة ادبببب انتييي!! من وين يجيك الادب وانتي لا ام تربيك ولا اب يدري عنك وولا عزوه
حنين كانت ماسكه عبرتها وهي عاز عليها انها تنهان ببيت ابوها!! وغير المووضع الي حساس بالنسبه لها ! وضلت ساكته تخز ام هيثم بهدوء
ام هيثم رمت الفاين جمب حنين : نزليي عينكك !
حنين كانت سكاته لانها ماسكه غصتها الي لو تكلمت بتخلي حنين تنهار!! ياكيف ماتنهار وام هيثم عرفت كيف تجرحها جرحتها بشي للحين حنين ماتخطته!
التفتوا على دخول هيثم واديب
هيثم وهو يحظن حنين بحنيه : اشتقت لك ياعيون اخوك
بلعت ريقها عشان تروح الغصه وقالت ببتسامه : وانت اكثرر
ام هيثم كانت تناضر بـ حنين بحده وهي الي كرها بـ حنين اكثر شي حنيت هيثم عليها الي تطفى على حنيته مع بنتها
حنين اول ماشافت نضرات ام هيثم ضاق صدرها اكثر من اول
جلسوا وقهوتهم حنين وهي تجلس بجنب اديب الي ملاحظ ضيتها وشد على يدها وكأنه يواسيها
وبعد دقايق استاذن اديب وحنين وراحوا بيتهم
،
بيت كوبلنا الجديد حنين & اديب ..
حنين واقفه قدام التسريحة بعد مابدلت لبسها وهي تمسح الميكب الي حاطته انتهت وهي ترطب وجهها وشفايفها وتحط عطر
اديب من خلفها : مين مزعلك؟
حنين بتصدد : محد
اديب وهي يلف وجهها له : تكذبين علي!
حنين : مافي احد مزعلني سالفه وعدت
كان عارف انها تكذب ولاكن مايبي يضغط عليها مسكها مع يدها وهو يمشيها بجنبه ويجلسها بالصاله وهو يشغل التلفزيون ويشبكه على جواله
مد الجوال لها : حطي اي شي تبين نتابع لين اجي
حنين : ليه وين بتروح؟
اديب وهو يغمز لها ويروح : ســر
التفت على الجوال وهي تدور شي يتابعونه لين لقت فلم رعب لانها تعرف ان اديب يفضل الأفلام رعب وجلست تنتظره
ماهي دقايق الا جاء اديب وهو يسكر باب البيت
حنين : هههه ليه كل ذا؟
اديب : نتابع شي يعني لازم اكل صح!
حنين : صح
رتب الأغراض ع الطاوله وهو يجيب اغراض كذالك من المطبخ ويجيب بطانيه عشان يتكون بالصاله
جلس وهو يقول : وش حطيتي ؟
حنين : فلم رعب
اديب ضحك : انتي ورعب كيف تجي انتي خواافه هههه
حنين بحنق : ماني خوافه وبعدين ذا جزاتي حاطه لك شي تحبه؟
اديب : امزح امزح منتي خوافه يلا نتابع عاد
في نصف المسلسل صرخت حنين وهي تتمسك بـ ايد اديب برعب اول ماطلعت لقطه خوفتها
اديب مات ضحك وهو يسمي عليها : يابنتيي لاتصرخيين كذا
حنين برعب : خلاص خلاص مابي اتابع مابيي
اديب وهو يطفي الفلم : ابشريي وعلى خشمي طفيناه
حنين بندم انها خربت عليه الفلم : خلاص تابـ..
قطع كلامها وهو يقومها : مافيه قومي قومي نامي
وبالفعل قاموا ناموا
،
في صباح اليوم الثاني .. الرياض
اليوم المنتظر للجميع يوم زواج ابطالنا سند & ميلاف
كان ابو عساف واهله عند ابو فارس بنفور تااامم وابو فارس الي كان باارد بكل ماتعنيه الكلمه بعكس نفور الكل
ابو عساف بصراخ : نيااااافف عسااااف ياملا الماحييي انهجووا يميي بسااع
عساف : امر امر يبه
ابو عساف : وينن الخبلل الثاني
عساف التقت يدور نياف الا صدم نياف به بقوه عساف بعصبيه : وجعععع
نياف وهو ينهث بتعب : اهخخخ تعبتتت
فز من ضرب ابوه العصاء بضهره : وغد انت وغد!! تركض تسذا ليه؟؟
نياف : ااحححححح .. اسف يا يبه كنت مستعجل
عساف : يبه
ابو عساف : هلا؟
عساف : انهجوا انتم للحلاق وانا انهج بالحريم للمشغل
ابو عساف : زين بس لاتبطي
وبالفعل اخذ الحريم للمشغل والرجال راحوا للحلاق
فارس كان ينتظر ابوه بالسياره
ابو فارس ركب وقال بعد واحركوا عن البيت : مافيه خبر عن اخوك!
فارس : لا من السالفه وانا مدري وين ارضه من سماه
ابو فارس : لييه ماتبلغ الشرطه!!
فارس ضحك بسخريه : يبه اي شرطه الي ابلغهم؟ انت شايف ولدك رجال وش كبره نبلغ انه ضايع وبعدين لو بلغنا ولقوه بس لقوه سكران! راح ولدك ورا الشمس اقل حكم يجيبه 5 سنين سجن وسمعتك؟ وسمعتي؟ وسمعت ولدك؟ بحح راحت
ابو فارس بحده : اقطعع حسكك وان ماجاء اخوك بكرا ترا انا ببلغ انه ضايع
فارس سكت وهو يكمل سواقته لانه مروق وماله خلق شي ينكد عليه
اتصل على سند : معرسنا وينك؟
سند : طالع من البيت
فارس : مالحقت اجي عندك والله اعذرني ياخوك ابوي يبيني اوديه للحلاق
سند : افاا عليك عادي مابيناا
فارس : يابعد راسي والله . اسمع تعال للحلاق وانا اقوم لك الحلاق ماقعده
سند ضحك : ابشر
فارس : وش الاصوات
سند : اخوياي يبون يزفوني من الحين ويرتاحون هههه
فارس : ههههه يلا فمان الله
سكر فارس ووصل للحلاق وكذالك سند وعساف الي ودا خواته للمشغل ورجع وكان معه مايقارب للـ 6 رجال من غير سعد وذول كانوا من اعز اخوياه بعد فارس وسعد طبعاً
فارس وهو يسأل العامل : لو سمحت فيه سماعه
العامل : اي بابا
فارس : جبها بسرعه
جابها وشغل فارس اغاني وبدوا هبالهم مرا يرقصون مرا يحلقون مرا يضحكون مرا يتهاوشون وطبعاً بدا الهبال بعد ماراح ابو فارس وابو عساف وعساف الي طاحت براسه ووداهم وعشان يرجع خواته كذالك
،
اما ريم ويهام وام سند راحوا للمشغل بدري جداً وخلوصوا وتوجهوا للقاعه يشرقون على التجهيز
،
المشغل
دخلت خوله تلبس والتفتوا سُلاف ولينا بسرعه لـ ميلاف : ميلافي انتِ الحين جهزتي مكياجتس وفستانتس دور اخر نصيحه نقدمها لك بهاليوم انتبهي تنكدين على حالك بالتصوير نعرفك عنيده وانتِ اصلاً للحين تحسبينه تزوجتس عناد بـ طارق مو عشانتس وهالكلام وهم ببالتس بس
سُلاف : والمهم الحين التصوير صوري ووثقي كل الحظات تراهت تبقى ذكرا جميله ماتنعاد واذا رحتوا الفندق اسأليه عن مل استفسار تبين
ميلاف : طيب
لينا : وهه تكفييين ماشاءالله تبارك الله انا خاقتن عندتس تهولييين "تهبلين"
ميلاف : ياملي ي لينا .. بنات
البنات : هلا
ميلاف وهي تخز خوله :مامن شين رافعن ضغطي اليوم كثرهااا تغث التريله وش كبرهااا
ضحكوا البنات على اسلوب ميلاف بالكلام ورجعوا يكملون اخر تجهيزاتهم ويطلعون لـ عساف وخوله طبعاً سكتت من ركبت معه وهي الرعب كبيير. بقلبها انه يذبحها بعد الي سوته مع كادي!
،
العصر
ابتدوا يصورون وميلاف تحس بنفور كبييرر من سند ولاكن تحاول تمسك وصات خواتها
والمصوره كل ثانيه تحرجها وسند مستمتع تماماً على طلبات المصوره بالوضعيات لين حس انها زودتها وقال : خلاص يعطيك العافيه وقفنا تصوير بس باقي ابو العروس واخوانها الحين يحون
المصوره : الله يعافيك . تمام
وبالفعل وصلوا عساف ونياف وابو عساف
ابو عساف حظن ميلاف وهو يدعي لها ونزلت دموعه بفرحه لها ومسح دموعه وهو يلتفت على سند وبعد مابارك له قال بشده : اسمع ي سند الااا ميلاف الاا ميلاف لاتزعلها ولاتضايقها ترا ماتزوجت الا اعز بناتي اخذت عيوني مو بنتي لايمسها ضيق لا منك ولا معك
سند ابتسم : لاتوصي حريص ياعمي ميلاف بعيوني والله يجعلني بقد هالامانه واسعدها طول عمرها
عساف الي حظنها وبارك لها وبعدها توجه لـ سند : خلك قد الثقه ي سند!
سند : ان شاءالله اني قدها وماخيب ظنكم
نياف بعد مابارك لخته توجه لـ سند : الحين تزوجت الي انا وياها هواش ليل ونهار من عندي اتكافخ معه!
الكل ضحك على كلمته وهم متوقعين يبي يوصي عليها
نياف : امزح المهم لاوصيك ي سند على اختي!
سند : ميلاف بعيوني مايحتاج
ميلاف كانت تسمع ردوده ورزانة صوته وفيها فضول كبييير انها تلتفت وتشوفه وهو يتكلم ولاكن التزمت الصمت وثبتت مكانها
،
بدا العرس وبدا الرقص والوناسه عند الجميع وكان عرس كبييييررر فعلاً والحضور كثييير بشكل كبير سوا عند الحريم او عند الرجال
،
جاء الوقت الي ياخذ سند زوجته ويروح للفندق
ام سند وهي تبارك لولدها خانتها دموعها من فرحتها وصارت تبكي
سند حظنها وهو يبوس راسها : لا يالغاليه تكفين الا دموعك
ام سند وهي تمسح دموعها : دموع فرح دموع فرح
سند : حتى ولو
حضنته وهي تبارك له : مبرووك ييمه الله يسعدك ويبني بيتك يارب
سند : اللهم امين
التفت على ميلاف وهي تسلم عليها وتبارك لها
وقبل يمشي سند وقفوه فارس وسعد وهم يوصونه من يوصل يتصل عليهم
،
دخلوا الفندق
ميلاف وهي وتجلس بهدوء على السرير وتفكر
سند نزل بشته على جنب وهو يجلس جنبها : مبروك
ميلاف وهي تبتعد عنه بخفه : الله يبارك فيك
سند استغرب نفورها السريع  من قعد ولاكن قال انها مو متعوده عليه وخايفه تذكر وصات امه انه يطلع يعطيها مجال تبدل وترتاح شوي : انا بطلع اطلب عشاء واجي
هزت راسها بـ زين ولما طلع فزت وهي تتنهد وتاخذ ملابس وعصبت وهي تشوف الملابس إلي مجهزتها لها لينا كلها قصيره ومفتحه .. دخلت الحمام وهي تتروش وتلبس وتحط عنايتها اليوميه على بشرتها وتنشف شعرها  انتهت من كل شي وهي تتعطر وجلس بتوتر من لبسها الي كان قصير
اما عند سند الي كان طالب عشاء اصلاً
اتصل على امه بالبدايه وبعد ماطمنها وسكر اتصل على قروبهم هو وسعد وفارس
سعد : ها وصلت الفندق
سند : اي لي نص ساعه تقريباً من دخلت
فارس : سند
سند : هلا
فارس : قل امين بسرعه
استغرب ولاكن قال : امين
فارس وهو يشوف الجوهره تلعب قدامه : الله يرزقك ببنت نسخه طبق الاصل من جوجو مع اني ماتوقع فيه احد يشبه بنيتي
سعد : لا ان شاءالله يجيه بنت مزيونه عشان نزوجها ولدي! "سُلاف حامل بالشهر الـ السابع"
فارس بحده : وش قصدك بنتي شينه!!!
سعد : نمزح يارجل ههههه
سند : انتم تخططون على ورعاني الي للحين ماجو هههه!
فارس وسعد ضحكوا
وبعد 5 دقايق قفلوا ورجع سند للغرفه ومعه العشاء واول مادخل تنح بمكانه يتأمل ولاكنه حس على دمه وهو يتدارك نضراته ويقول : تعالي العشاء
قامت وهي تحلس ولاكن ماكلت شي ابداً ولما قال لها سند اكلت لقمه وتركت الباقي
سند : وين ودك نروح شهر عسل؟
ميلاف هزت راسهت بـ لا معرفه
سند : طيب انا ودي اقول لك شي من الحين انا ي ميلاف مقدر اسافر بدون امي ابداً هي مالها بالدنيا غيري ولا لي قلب يطاوعني اخليها لو وش ماكان وانا بقول لك من الحين عشان ماتصير مشاكل بعدين الدنيا بكفه وامي بكفه
ميلاف بهدوء : عادي خالتي مثل امي وتروح تتونس وش بها!
سند ابتسم من ردها الي برد خاطره فعلاً وهو ماكان يبي يكسر فرحتها وعباله انها زي باقي البنات تبي تروح هي وزوجها لحالهم ينبسطون
،
صباح ثاني يوم رجعوا اهل حايل ديارهم وسند وميلاف توجهوا لـ بيت سند وكان سند مسوي عشاء بمناسبة زواجه ومن وصلوا بيته وهو بالديوانية مع سعد وفارس يرتبون ويضبطون المكان للرجال
وبعد صلاة المغرب ابتدوا الرجال يجون
سند يقهوي هو وفارس وسعد
فارس بهمس لـ سند : انا بفهم دام ضيوفك تتكاثر كذا كل دقيقه ليه ماجبت مقهويين؟
سند : ماداني المقهويين وبعدين فيه شيبان واجد والشيبان مايبون مقهوي يقهوهم يحسونها تستنقص منهم
سعد : اي يارجل تتذكر الشايب الي استلم جارنا القديم لانه جايب مقهويين
فارس : قصدكم ابو راس مربع!
سعد وسند صدوا وهم يضحكون ويحاولون يمسكون نفسهم مو قادرين
فترس ابتسم بعبط : وش يضحك!
سند : ابد طال عمرك انا مدري شلون جوجو جت كذا كيوت وانت ابوها اكبر متنمر
سعد : تلقى احد داعي له ولا ذي ماتجي هههه
فارس : انثبر انت وياه وانا صادق راسه جاركم ذاك مربع اللهم لاشماته هههه
سند عدل وقفته : قهووا وانتم ساكتين يلا
وبالفعل بدوا يقهون ومن بعدها قلطوا الرجال على العشاء وراحوا
،
اما بيت ام سند بالوقت ذا
ام سند الفرحه مو شايلتها بـ ميلاف وودها ترفعها على الغيوم من فرحتها فيها ومن يلومها وهي مرت ولدها الوحيد!
ريم بضحكه : خاله ترا راح الدلع عننا من جت ميلاف
ام سند : كلكم بناتي بس ميلاف توها عروس
ريم : اقنعتيني ولا كنت بزعل عليك
هيام الي قاعده بين لوحاتها وترسم
ام سند : وش ترسمين يـ هيام لايكون حمار زي المرا الي فاتت
ريم ضحكت وهي تشرح لـ ميلاف رسمت هيام وصاروا يطقطقون على هيام
اما هيام تغير وجهها للاحمر اول ماتذكرت نياف وهو يغني  ولما شافها بكامل زينتها حست بحراره من الاحراج وقالت بنفسها : يهبل وين ذا والحمار وين
ام سند وهي تهاوش : بس انتي وياها لاتضكون احرجتو بنتي!
ميلاف : وجهتس قلب احمر هيام هههه
هيام بضحك : ذكرتوني بشي مابي اذكره
ريم : تذكرتي رسمتك الي ليتكِ  استخرتي قبل ترسمينها
ضكوا على وجه هيام الي تغير من الاحمر خجل للزعل
هيام : كنت برسمكم مالت ماني راسمه
ريم : نتغشمر معك صح ميلاف
ميلاف : اي نمزح معتس
ام سند : ماعليك منهم يبنتي ارسمي ولا يهمك كلامهم
هيام : اي يخاله عذال ذول
،
حايل وتحديدًا بيت ابو عساف
ابو عساف كان قاعد والضيق واضح بوجهه
عساف : يبه! وش نوحك ضايقن خلقك؟؟
ابو عساف : تزوجت اخر بنياتي شلون مايضيق خلقي! بيتنا صار هادي بدون حسهن نياف منخمد وانت طالع تو جيت وامك تشتغل وانا قاعدً بهاه لي ساعه ماعندي بنياتي سعادت ابوهن
عساف ابتسم بضيق : الله يوفقهن والله صدز البيت ماهو زي قبل بدونهن
ام عساف حطت القهوه وهي تجلس بتعب : انهد حيلي من الشغل اليوم
عساف فز بسرعه عندها : ليه يمه وين الخدامه!
ام عساف : مايملح تسبدي شغلها مايملح التسبد غير شغلي ولا شغل خواتك
نياف جاء وهو يتثاوب ويجلس : لكم كم تقولون انهن غثاء ومسببات ازعاج الحين صار البيت مو حلو بدونهن ويمه لتس كم تقولين مايسون شي والحين مافيه شغل يملح التسبد زي بناتتس!
ابو عساف ؛ مير حنا مانصبر عنهم مو مثلك فرقاك عيد!
نياف وهو يدندن : فرقاك عبد ترررا فرقاك عيد ترررراا تصلح اغنيه
ام عساف : اهخخ مدري وش ذنبي الي سويته وعاقبني ربي بك! 
صد نياف بتمثيل للزعل لاكنه عدل جلسته بسرعه يسمع امه وهي تقول لـ عساف والو عساف
ام عساف : عساف يمه انت لك 6 شهور ونص من طلقت كادي ليه ماتتزوج!
ابو عساف : صادزه امك تزوج وعش حياتك!
قبل يتكلم عساف قال نياف : انا انا انا زوجونييي
ام عساف : نزوج اخوك الي اكبر منك اول مو انت
عساف : عادي وذا هو اول
ان عساف : مايجي بعاداتنا لازم انت اول وبعدين اعرف منو انت بالاول
عساف بهدوء وهو يبي يقطع الامل لـ امه انها تزوجه قال : من
ام عساف : اخت سعد ريم!
عساف بصدمه : ....
،
نوقف البارت هنا 🤍🤍 بناتي بارتاتنا رجعت زي اول كل اسبوع بارت وان شاءالله البارت الجاي اطول من ذا
وش رايكم بالبارت وزواج ابطالنا؟ البارتات الجايه بدايه للعواصف