علميني ي دنياي وش ذنبي

Part 13

دخل ابو فارس للبيت وشاف خوله تبكي وقال بستغراب : خوله ؟؟ ليش تبتسين(تبكين) !! من عليتس
خوله بتمثيل اكثر ورت ابوها اثار اضافر بيدها وكانت هي غارزه اضافرها : رحت عند لينا بقعد معها ء ء طفشانه ولما دخلت قعدت تضربني بدون سبب ماقلت لها شي اهه . ورجعت تسوي حالها تبكي اكثر ..
ابو فارس بحده : وشهوو وليه تضربتس من دون شي
خوله ببكي كذاب : مدري وقالت لي الله ياخذك انتِ وابوك الشايب الخبل
ابو فارس عصب وقال بصراخ : ليييينااااااااا ليناااااااااااااا
نزلت لينا على الصراخ بفجع : هلا عمي وش نوحك!؟؟
ابو فارس بحده : صدددق اليي سمعتتتهه
لينا بستغراب : وش الي سمعتوه؟
ابو فارس : انتِ ضاربه خوله ودايعيتن عليّه وعلي؟؟ انا الشايب الخبلل هاذيييي اخرتهاااا !
لينا انصدمت من كذب خوله : ايشش لاا كذب ماضربته ولا جيته اصلاً جتني لغرفتي تهاوشن وتتكلم وتقول لاتخلين الخدامه تسوي معتس شين ولاتعزمين احد مانبي ناس مثلتس وقلت لها تطلع بس ذا الي صار
ابو فارس سحب خوله وورا يدها لينا : وهاذااا وشهووو هااا وش تسمينه ذا؟
لينا : وشش ذا اصلاً انا ماني مطوله اضافري بحر "شف " وتأكد وبعدين انا تربيت حسين مادعي على عمي لو وشهو.. ورته يدها
وكان فعلاً مالها اضافر طويله وواضح بعد انه مو توها قاصتهم
لف على خوله بحده بدون لايتكلم وعرف من خوفها انها كذابه وكبرت بعينه لينا الي وحتى وهو كان فيه احتمال كبيررر انه يهاوشها عمها وممكن تكبر السالفه كانت واقفه بشموخ وبدون خوف وهي تسولف وتوضح انها ماسوت ولا شي ذكرته بوقة ابوها وشموخه : روحي لغرفتتس وانا عمتي روحي
طلعت لينا وهي تسمع عمها يهاوش خوله الي لاتزال تنكر
دخل فارس على هواش ابوه لـ خوله وقال : وش فيه بعد؟
قال له ابوه كل السالفه وفارس تنهد : وبعدينن يعنيي ي خوله وبعديين من جينا من السفره وانتِ بس تتمشكلين معها ماتتعبين ليه تدورين المشاكل انتِ
خوله : انا ماسويت شي وهي الي تجي تتكلم علي ولا انتم بس جيدين تهاوشوني انا ولا هي لا 
ابو فارس ضربها كف : بسسسس ولا كلمه ولا كلمه وانقلعي لغرفتك
فارس بعدها عن ابوه بسرعه لايصربها مرا ثانيه وهو مهما صار لايزال مايرضى على خوله مع انه عارف انها ماتحبه بالعكس تكرهه بس تحترمه خوف لاغير ومرات تنسا حتى الخوف والاخترام معه: خلااص يبه خلاص
خوله دفته بقهر : اكرررهكك الله ياخذك وياخذها معك .. وطلعت غرفتها
طلع ابو فارس بعدها لغرفته وتنهد فارس بضيق ودخل غرفته وشاف لينا جالسه على جوالها بضيق
فارس وهو يبي يشوف سمعت اخر الكلام الي تحت او لا : ليني وش فيك
لينا ماعرفت انه جا وعرف بالسالفه وماكانت تبي تسبب مشاكل بينه وبين اخته : مابوه شي
فارس : الا متضايقه وش فيك
لينا : لا بس طفشت شوي
فارس فهم انها ماتبي تسوي بينه وبين اخته مشاكل وكبرت بعينه مليون مرا وقال : طيب نطلع نغير جو؟
لينا : لا والله صح طفشت بس الحين انود "نعسانه" وباتسر عيد لازم اقعد بدري
فارس : مو مشكله اجل قومي نامي
اسندحت لينا تنام وبعدها بشوي قام فارس ينام
،
بيت اول مرا نروح له
بيت ابو هاشم
ابو عساف : ووشهو الموضوع الي يخص عساف ولدي يبو هاشم
ابو هاشم : انت عارف ان الرجال بنشرى بالذهب والمثل يقول اخطب لبنتك ولا تخطب لولدك صح ولا انا غلطان؟
ابو عساف بستغراب : اي!؟
ابو هاشم : والصدز الي بقولوه لك انوه مثل منت عارف عندي بنيه اسمه كادي وانا ادري ان الي بقولوه غلط بس عساف ينشرى بذهب والله وودي بوه زوج لبنتي وش انت قايل
ابو عساف انصدم : والله يبو هاشم والنعم بك وببنتك ونعم المنسب بس الصدز صدمتن وابد ابشر بقول لـ عساف
ابو هاشم : الله يكتب الي بوه الخير
ابو عساف : امين وانا استاذن عاد تاخرت
مشى معه ابو هاشم لين ودعه عند الباب ورجع بعدها لداخل بيته
ام هاشم : هاا يبو هاشم وش صار
ابو هاشم : قلت لوه وقال بيقول لولدوه
هاشم دخل البيت : من قلت لوه يبه؟؟
ابو هاشم : مافي شي قومو نامو ورانا قعده من الصبح
راح ابو هاشم وام هاشم ينامون وهاشم مستغرب لف على دخول كادي : وش الي يحتسون بوه؟
كادي : وش عرفن انا .. راحت لغرفتها وصارت تنقز على السرير بفرحه وهي تبي تقهر بنات الجماعه الي اغلبهم ودهم يتزوجون عساف من هيبته وشكله وطبعه وطيبته .. انسدحت على فراشها وهي تحلم باشياء كثييرررر
،
بيت عواد
عواد قاعد بالصاله يطقطق بجواله وجاء عمه
ابو هيثم : عواد ؟ وش تسوي هنا!!؟
عواد : وش الي وش اسوي هنا قاعد
ابو هيثم : بس قاعد بنص البيت مايصير بعد ؟؟؟
عواد : لا اله الا الله وبعدين يعني بعدين يعم كل يوم نفس الاسطوانه بيتي تراه وبعدين وين اروح مثلاً وين بالديوانيه الي مساحتها 3 ب 4
ابو هيثم : رح عند اخوياك والديوانية وقت النوم جلستك كذا غلطط البيت به حريم
عواد : والله خوش شين وقواة عين اروح اقعد عند الناس اربع وعشرين ساعه ماعندي بيت انا؟؟
ابو هيثم : اقصر المشاكل ي عواد
عواد : ماني قاصرها
ابو هيثم : عوااااددد
هيثم دخل : وش فيكم الناس عيد وانتم هواش
ابو هيثم : علم ولد عمك
عواد : والله خوش اطلع من بيتي بعد!!!!
هيثم : وش فيه
عواد : ابد ابوك مايبيني ادخل البيت اخر مالي الديوانيه وبس والبيت بيتي
هيثم : يبه ليه؟
ابو هيثم : وشو الي ليه خواتك بالبيت وامك بالبيت نه ماهو محرم لهم
هيثم : البنات لايطلعن من الغرفه طول ماهو موجود وامي زي امه اما اذا كان الوضع يضايقها تقعد مع لمياء وحنين لين يروح
ابو هيثم : حليتها يعني اقول ليتك مرتاح
عواد اخذ جواله واغراضه : عااد انا لابغيت اجي جيت ولابغيت اطلع اطلع ويلا انا طالع
طلع وتركهم
،
حايل الساعه 3:30 الفجر
كانن البنات مبسوطات ويركضون كل مكان
ميلاف وهي معها بخور ودته لـ ابوها ولما شافت امها حبت تناحيها وقالت : تبخر يملي عقبال مابخرك بعرسك
ام عساف ضربتها : وجع يقليلة الخاتمه
ضحكت ميلاف : امزح معتس يبعد حيي
سُلاف وهي تحضن امها وهي مسويه نص شعرها ونصه لا : لو يلف الدنيا كله "كلها" مايحصل مثل نبع الحنان
ميلاف بضحكه : وبعد لو تلف الدنيا كله ماتحصل مثل القائد انتي وشوشتتس
سُلاف : غيررررانه شزينه شوشتي انتي ويدتس المحروقه
ميلاف انتبهت لمها الي سكتت فجأه وراحت تبوس راسها : افا ليكون طنيانه مني؟ امزح معتس والله احب اناحيتس يملي انتِ اصلاً لو يلف ابوي الدنيا مايحصل مثلتس ولا يوصلون ضفرتس حتى صح يبه
ابو عساف : اكيد مابوه حتسي ولا شك مثل ام عساف مابوه ثنين
ام عساف ابتسمت بخجل
ميلاف : ماعرفت لتس يبعدي لو دلعناتس سكتي واستحيتي ولو ناحيناتس تصيرين طنيانه وش الحل
ام عساف ضربتها على كتفها : ميلااف
ميلاف ضحكت وهي تبوس راسها وانحاشت اما سُلاف فا سبقتها من قبل عشان تخلص تسوي شعرها
ابوعساف راح يدور نياف وعساف ولقاهم نايمين
ابو عساف بحده : ووجع انت وياه راقدين والناس عيد قومو قامت قيامتك انت وياه
عساف قام بتثاقل وهو ماشبع نوم مانام زين
ابو عساف صرخ : نياااااف
نياف فز : ها
ابو عساف : ولواه تلوي عضامك طس انت واخوك اخلصو علي
نياف : يبه لي ساعه انود تو نمت بس شوي الساعه 3 تو الناس
ابو عساف : تقوم ولا شلون؟؟؟
نياف قام : قمت قمت
قام وهو يطق باب الحمام "يكرم القارئ " : عساااااااااففف يلااا مصارت
عساف طلع : وش تبي انت بالحمام ناشب لي خير؟
نياف مارد ودخل الحمام
راح عساف وهو ينشف شعره شاف الساعه وكانت 4 وربع لبس سروال وفنيله وراح لـ المطبخ : سيتي ولعي بخور وحطيه بهاه شوين واجي اخذوه
سيتي : تيييب بابا
راح للغرفه ولقى نياف راجع ينام وهو لابس ثوبه
عساف : نياااااف قم ابوي جا
نياف فز : وشهوو
عساف ضحك : امزح قم لايتعفس ثوبك
قام نياف وبدا يجهز واول ماخلص قال  : تضبط تنسيفتي؟ (اضن في ناس تسميها تشخيص )
عساف ابتسم : انهج يمي "تعال عندي"
اخذ نياف غترته وراح لـ عساف الي قعد يضبطها له وبعدها بخر اخوه وتبخر هو وطلعو على صوت ابوهم الي ينادي عشان يروحون للصلاه
،
بعد الصلاه عند ميلاف وسُلاف وامهم كانو يلبسون عباياتهن عشان يروحن لـ بيت ابو هاشم الي اصرر هو وزوجته ان جماعتهم يعيديون عندهم.          ميلاف : يلا يلا عساف يتحرا "بنتضر" الحين يبطي "يتأخر" على الرجال مننا
سُلاف و ام عساف : يلا
ركبو السياره ووصلهم عساف الي قال قبل ينزلون : متى ماجيتن تنكسون"ترجعون" علمن
الكل : ابشر
نزلو ودخلو وستقبلتهم كادي الي تبي ام عساف تنتبه لها     
كادي : الله حيهم
الكل : الله يحييك
كادي سلمت عليهم وعايدتهم : اخباركم
ام عساف : بخير يبنتي انتي اخبارك
كادي : الحمدلله . حياكم حياكم
دخلو البنات وبدو يسلمون على المتواجدين وقالت لهم كادي : تعالن البنات قاعدات باهاه "اشرت على الحوش "
ميلاف بستغراب : والرجال؟
كادي : مامن احد الرجال باقسم الرجال الجهه الي مناتس "الجهه الي هناك"
ميلاف : اها زين
طلعو وبعدو بالحوش مع باقي بنات الجماعه وكادي كانت تداريهم كانهم نازلين لها من السما
سُلاف بهمس : وش بلاها ذي تسنا "كنا" نازلين من السما غريبه وبس تبحر بنا "بمعنى عينها علينا"
ميلاف : اي غريبه وش بلاها
كادي وهي تقدم لهم صينية حلا : ذوقن ذا
ميلاف وسُلاف : تسلمين بس
جلست كادي عندهم وهي تسولف عليهن وكل كلامها انها سنعه وراعية بيت وحلوه
،
اما عند الرجال بعد الفطور جلسو شوي واشر ابو عساف لعياله يلحقونه
طلعو معه وقال : نياف خلك هنا اذا تبي مير متى مابغو امك وخواتك ينهجون للبيت ودهم وعساف تعال ابيك
نياف وعساف: ابشر
راح عساف مع ابوه واول مابعدو شوي قال عساف : وين تبي اوديك
ابو عساف : لا لاتروح متسان "مكان" فرفر "تمشى" بالسياره لين اخلص حتسيي" كلامي"
عساف : امر يالغالي وش تامر بوه
ابو عساف : هاتس اليوم "هذاك اليوم" نهجت مع ابو هاشم كان عندوه موضوع يبي يحتسي بوه
عساف : عسى خير
ابو عساف : خير خير تدري ان عندوه بنتً غير ولدوه هاشم مير هو حتسى لي الي بقلبوه وان ودوه لو انك تصير من نصيب بنتوه وانت تعرف المثل الي يقول اخطب لبنتك ولا تخطب لولدك ؟ وغيروه يبي له سند بعد عينوه
عساف انصدم : وشهوو؟؟ لحضه لحضه الموضوع كلوه عليه ملاحضااات
ابو عساف : وشهو ملاحضاتوه احتس "قل"
عساف : الاول شلون يخطبن لبنتوه عيب و غلط والثاني شلون يبي له سند واخوها وين ولى "وين راح" والثالث سلومنا وعوايدنا ماتقبل هالسالفه كله
ابو عساف : اسمعن انا بعلمك بالاسأله الي قلتهّ شلون يخبك لبنتوه خطبك لانوه يبي له رجلًّ كفو واذا وين اخوها اخوها موجود بس يمكن يجي يوم يلتهي بمشاكلوه ومهما كان يبي له رجالً كفو غير اخوها يسنده واذا على العوايد من افهم مني بسلومنا وعوايدنا ماهي مشكله نروح نخطبها ماكنوه ابوها خطبك لبنتوه
عساف : مادخلت بالي هالحتسي كلوه
ابو عساف : فكر زين ورد لي والحين ودن للبيت قاعد انود "انعس" وانا احتسي معك
رجع عساف للبيت ولقى امه وخواته ونياف توهم داخلين ودخل الكل ينام بعد تعب كبيررر مر عليهم
،
الرياض
بيت سعد قبل صلاة العيد بشووي
ريم كانت كاعادتها مشغله السماعه على صوت اصاله وتشرف على التجهيزات حقت العيد "العيد الحريم ببيت سعد عشان ياخذون راحتهم والرجال سند " وهي بكامل كشختها
" شعرها الكيرلي الي تاركته على طبيعته ومزينه لونه البني والميكب الي غيرت فيه رسمة الايلاينر وعطى عيونها الوساع سحبه بسيطه وبشرتها البيضاء الي زينها البلاشر الوردي وروج الاحمر وكانت لابسه بلوزه بالون الابيض وتنوره ساتان بالون البني "
طلعت هيام بعد ماتكشخت مخلصت وكان " شعرها ويفي من تحت ورافعته رفعه بسيطه من قدام مزينه شكله اكثر وعيونها البنيه الكبار والميكب ناعم وزينه الروج الوردي الطفولي وكان لبسها عباره عن جمبسوت دون اكمام بالون الكحلي ومن عند الصدر V "
هيام : الناس تحط اغاني حلوه للعيد وانتي اصاله
ريم : واات ؟ اصولتي افضل من ملييوون اغنيه ومغني ومغنيه برضو
هيام : ماقلنا شي بس شغلي شي يحسسنا انه عيد
نور الي سمعتهم وقالت : هاذا بس ويي وييي وييي مافي معلوم وشو كلام "بمعنى ان اصاله مو واضح وش تقول وماعجبها صوتها"
ريم : لاا نور حلوو
نور : مافي حبي انا هاذا انتي حتي عيد اثنين وانا عيد خمسه
ريم قعدت تستوعب وش تقصد اي اغنيه بعدين ضحكت هي وهيام اول مافهمو ان قصدها اغنيه ماجد المهندس
ريم : ثواني احطها لك .. حطت اغنيه عند العرب عيدين واعيدانا خمس ...وبدت تغني وسعد الي طلع من غرفته بعد ماضبط غترته وهو بيروح للمسجد مر من عندهم وهو يسوي حاله يرقص بضحك
ريم صفقت : اشهدد ياتاريخ رايق اليوم
سعد ضحك : الله لايغير علي
ريم : اميييين ياررب
هيام : بس سوال يعني رقصتك ذي تقلد من؟
سعد بضحك : الي جنبك كذا ترقص كلما قعدت من النوم
هيام ماتت ضحك لان رقص سعد اساساً كان يضحك وانصدمت انه يقلد ريم
ريم : هيييننن ي سعوديييّ هيين
سعد : يفديت الي حتى وهو يعدد يدلعني هههه
الكل ضحك
سعد راح وقال : ترا خالتي تجي بعد الصلاه لانها بتروح للمسجد
البنات : طيب
راح سعد وبدو البنات يشرفون على اخر الاشياء ويبخرون
،
بيت سند
سند وهو يشوف امه تتبخر قال وهو يبوس راسها : يجعلنيي ماخلا من هالوجه الصبوح كل عيد ياكريممم
ام سند ببتسامه : اميين ولا اخلا من صوتك يوليدي
سند : امين يبعد الدنيا كل عام وانتِ بخير وصحه وسلامه
ام سند : وانت بخيرر وسعاده يارب .. ها تجهزت
سند وهو يدور شماغه بيده : ناقص لمساتك "تضبط شماغه كالمسات لها بشكله"
ام سند ابتسمت وهي تشوف ولدها يعرف انها تحب دايم هي تسوي شماغه بالاعياد والمناسبات الكبيره : قرب اسويه لك
نزل سند عند رجلينها عشان تقدر تطوله وصارت تشخص له شماغه ولما خلصت قربت البخور وهي تبخره واول مانزلت البخور سحب سند يدها وهو يبوسها : يااعل هاليدين ماتمسها النار يميمتي
ام سند ابتسمت : امين يعيون امك .. لاتقوم خلني احصنك
بدت تقرا عليه وتحصنه وتدعي له وهي بقلبهت تشكر ربي الي انعم عليها بولد مثله حتى لو هو مو ولد بطنها بنسبه لها حتى لو عندها عيال قطعه منها حملت فيهم 9 شهور ماراح تحبهم زي سند مين مثله اصلاً؟ وبعد ماخلصت لبست عبايتها بمساعده من سند وطلعو متوجهين للسيتره عشان يروحون لمسجد العيد
،
بيت ابو فارس قبل الصلاه بساعه
خوله كانت كاشخه وهي مستعده تروح لـ صحباتها
طارق كالعاده المستمره مو بالبيت وهو اصلاً بسنبه له بيتهم فندق نوم وبس ومرات ماينام به بعد .. ابو فارس قعد ولبس وخلص وجلس بالصاله ينتضر يقرب الوقت ويروح للمسجد
فارس الي توه قعد نوم وقام يتروش يستعد يروح للمسجد
لينا كانت تخلص اخر تجهيزها وهي تتعطر وتتبخر لفت على فارس الي طلع من الحمام بستعجال منتبه لها وهو يلبس ثوبه لانه تأخر لف عليها وهو ينشف شعره وطاحت المنشفه الي ينشف شعره بها من يده اول ماشاف لينا وكان يتأملها من شعرها الستريت لـ وجهها الفاتن ومكياجها الي بين الفخم والناعم لـ دراعتها الفخمه الي زاد جمالها لباسها "الشخص الي لابسه هو الي زينها الي هي لينا" لـ سلسالها لـ مجاولها "غوايش" وخواتمها الذهب لحد ماوصل لـ كعبها الي زاد من طولها
لينا بخجل : وش نوحك؟
فارس : وش ذاا يبنت حسين وش ذاا ارفقي بي شوي يرحم والدينك قلبي مايتحمل كل ذا الزين ترا بتجيني سكته قلبيه
لينا احمر وجهها وسكتت وهي ماعندها رد
فارس وهو مكمل : الحين كل ذا الزين للحريم ؟؟ يحضهم بيشوفونك ويتأملونك ياااهه وانا مالي بالطيب نصيب ماقدر اشوفك يعني الا هالحين وبالوقت الضيق ذا ؟
لينا هنا ماقدرت تتحمل الاحراج وهي صارت تحس بالحر من الاحراج وقالت تصرف الموضوع وهي مو قادره تتكلم : انهج بهاه انشف شعرك بالاستشوار لاتتعب
فارس ضحك من فهم انها انحرجت وراح باس راسها وجلس ع كرسي التسريحه ولينا تنشف شعره بهواء الاستشوار
خلص وتعطر وبدا يضبط شماغه وقبل يتكلم سمع صوت ابوه : يلاااا ي فااارس راح الوقت
فارس : طيببب .. لف على لينا : بعد الصلاه تجهزي اخذك طيب؟
لينا : طيب
،
"تسريع بالاحداث الرياض رجع الكل من الصلاه وابو فارس رجع نام وفارس اخذ لينا ووداها لبيت اهل سعد وهو راح لديوانية سند وكملو العيد بجماله والسعاده الي بقلب الكل ولينا الي تعرفت على ملاذ وبنات كثير عند ريم وهيام وصار لها معارف بالرياض وهي قبل تحس نفسها غريبه جداً وبعدها عاد بدت غيبوبة العيد الجماعيه"
،،،
انتهى البارت...... 
حبايبي رايكم يهمني بكل جزء من البارت وتتوقعون عساف يوافق؟💗💗