علميني ي دنياي وش ذنبي

Part 32

ام عساف : اخت سعد ريم!
عساف بصدمه : لااا يمه الله يهداتس انا وين والزواج وين وبنت الناس وين!
ام عساف : ليه وش ناقصك ووش ناقص البنت؟
عساف : مو ناقصّه شين والنعم بّه بنت رجال واخت رجال مير انا مابي اتزوج ولا افكر بالموضوع ابد
ابو عساف : انت فكرت بوه اصلاً ؟ استخرت؟ عطيتن وقت نحتسي؟ انثبر ياولد وخل امك تخلص حتسيها
عساف تكتف وهو ينتظرهم يخلصون كلامهم بملل وهو عارف ان السيناريو ذا راح يبدا ويصير روتين يومي
ام عساف : البنت مو ناقصها شي ابد كامله والكامل الله ادب واخلاق وجمال وانا عيني عليها من قبل مير انتم بغيتوا خوله ولا قلت والله اني متأكدتن انها بتكون ونعم الزوجه لك!
عساف : يمه الله يخليتس انا مو قصدي عيبً بالبنت لا حشا اخت سعد اكيد انوه والنعم بّه مير انا ماودي اتزوج على الاقل الفتره ذي!
ام عساف لاخر محاوله : ماهي مشكله نخطبه لك وبعدين متى ماحسيت انك متوكد "متأكد" من الزواج نحدد العرس!
عساف لأجل ينهي النقاش وهو بداء الموضوع يضايقه : يجيب الله مطر
طلع عساف
نياف : خلوه لين يقرر هو مو تضغطون عليه نفس المرا الاولى ومحدً طايحه على راسه غير عساف!!
لحق اخوه قبل يطلع وهو يدق الشباك حق السياره : اصبرر يارجل وش نوحك طاير؟
عساف : اخلص وش تبي
نياف : لاتنهج للدوام بلبس بدلتي واجي معك مالوه داعي سيارتين وحنا ثنين بس
عساف وهو يطفي السياره ويرجع ضهره للخلف : بساع ولا بنهج واترك
ركض نياف بسرعه وهو يلبس بدلته وطلع باس راس امه وابوه وطلع لـ عساف وتوجهوا للدوام
،
الرياض بيت سند
ام سند كانت تصلي الفجر بغرفتها وسند وميلاف بغرفتهم
سند : وين ودك نسافر شهر العسل؟
ميلاف بهدوء : ماودي نسافر
سند بستغراب : ليش؟
ميلاف : ماودي فيها الحين لو تأجله احسن صح؟
سند بهدوء : السفره لك وانتِ الي تحددين متى تبينها
ميلاف : بعدين اجل
سند : امشي اجل نفطر قبل اروح الدوام
قاموا ولقوا ام سند توها طالعه من غرفتها وجلست بالصاله
سند ببتسامه وهو يبوس راسها : صبااح الخيير يوجه الخير
ام سند ابتسمت له بحنيه : صبحك الله بالنور ياوليدي
ميلاف اقتربت وهي تبوس راس ام سند : صباح الخير ياخاله
ام سند بفرحه : صباح النور ياهلا ياهلا بعروستنا هاذا الصباح الزين اي والله
ميلاف انخرجت من ترحيب ام سند فيها وابتسمت بخجل وردت : ياهلا فيتس
سند كان يتأملها وهو ذايب مع خجلها ومع حرف السين بلسانها وهو يقسم انه فرق السماء والارض عن الحرف بلسان فارس! ولوهله راح فكره لـ كيف سرقت قلبه وهو مو حاس كذا!
ام سند ضحكت من خجل ميلاف ونضرات سند المعجبه بـ ميلاف
وسند تدارك نفسه وهو يضحك من ضحكت امه وابدتوا فطورهم وبعد كذا دخل سند يلبس الدوام ويطلع ركب سيارته وتوجه للمستشفى وفكره بتصرفات ميلاف الغريبه معه نفورها الغريب وانها تنتضر لين ينام وبعدين تقوم تنسدح عشان تنام ولكن اعطها عذر انها ماتعرفه وخايفه منه قرر يقول للعيال يطلعون استراحة عشان تنبسط ميلاف مع البنات واذا كان هو وياها وامه راح تكون منحرجه طبعاً
،
المستشفى دوام ثلاثي قلوبنا
كانوا جالسين بالكوفي الي بالمستشفى وهاذا وقت استراحتهم
فارس : سعد وش فيها عيونك؟
سعد وهو يفرك عيونه الي لونهن بالاحمر من شدت الارهاق والتعب : ارهاق
سند : خل احد يمسك مكانك ورح ارتاح؟
سعد : لا ماعليكم
سند هز راسه بـ طيب وقال : صح وش رايكم نحجز شاليه؟
فارس : فكره حلوه بس وش الطاري
سند : ابد بس قلت نغير جو ودام بكرا الجمعه نصلي ونطلع
سعد : حلوه الفكره الصدق ويكون افضل لو ناخذها الجمعه والسبت بالليل نمشي صح؟
فارس : ايي حلو كذا بس طلعت شباب ولا؟
سعد وسند بنفس الحضه قالوا : لاا
فارس هنا مات ضحك : الله يرحم قبل ههههه
سعد : انت خيفيف وتقط التهمه علينا؟
فارس بطقطقه : والله شكل بنات العم ماسوو بكم خير صرتوا خفيفين بالمره ههههههه
سند : اهجد اقول
فارس : ابشر طال عمرك
قام سند بيدفع حساب قهوتهم وصارت مضاربه بينه وبين سعد وفارس مين يدفع الحساب وفاز فيها سعد الي دفهم اثنينهم وركض للمحاسب ودفع
الرجال الي يحاسب : الكرم يمشي بالوريد عند عيالنا هههه
ضحكوا العيال من لاحظوا نضرات الكل لهم
فارس : كل مرا نبي نحاسب تصير السالفه ذي ههههه
الرجال ضحك ومن بعدها طلعوا العيال وكل شخص فيهم رجع لمرضاه ويباشر عمله
،
حايل وتحديدًا دوام نياف وعساف
عساف كان ماسك السجين يوديه للسجن وبعد ماوصله جاء احد العسكر لـ عساف وهو يقول : الضابط نياف بن حسين يبيك!
عساف : طيب
طلع عساف وتوجه لـ نياف دق الباب ودخل : وش نوحك؟
نياف وهو يتسعبط : وين التحيه وبعدين لما دقيت الباب المفروض منتظر لين اسمح انك تدخل!
عساف وهو صح المفروض يدق التحيه لـ نياف ولاكنه يستعبط دايم ابتسم بهدوء : عندي حل ازين ادق راسك وش قلت؟ ارتاح واريح المجتمع منك
نياف ضحك : يجي منك اكثر ياخوي هههه
عساف جلس : وش نوحك منادين علي " ناديتيني" ؟
نياف : ابد حسيت اني مشتاقن لك
عساف عطاه نظره الناقد : اخلص اقول وراي شغل
نياف عطاه جواله : نسيته عندي اول الدوام
عساف اخذه وهو تو يستوعب انه من اليوم ناسي جواله مع ضغط الشغل اخذه وصقع نياف على راسه وهو يقول : ادري انك منادين علي عشان تبعد ضيقة الخلق عني مو عشان الجوال ياوغد ماتمشي علي
نياف مسك راسه وابتسم ببراءه : اخوي وحسيتوه ضايقن خلقوه قلت اضحكوه شوي بوه شين؟
عساف ضحك وهو يمشي بدون اي رد
،
بعد انتهاء الدوام
سيارة عساف
السكوت سيد المكان والشي ذا مو بعادة نياف ابداً وبينما هو عاده عاديه عند عساف
عساف استغرب سكوت اخوه كذا والتفت علي وشافه سرحان وابتسامه خفيفه على ثغره حرك كتفه بهدوء : وش نوحك تتبوسم؟
نياف الي كان سرحان بذاكرته لموقفه مع هيام لما شافها ومن بعدها راحت ذاكرته لموقفه معها لما رسمته على انه حمار! ولا شعور منه ارتسمت البسمه على ثغره وهو بنفسه مستغرب من الشي ذا
انتبه على عساف الي حرك كتفه وقال بطقطقه : تذكرت وجهك الحلو هههه
عساف ضربه : استرجل هههه
نياف ضحك وقال : انتبه لاتصدم بنا؟
عساف : اقول ترا ماني خبلً عندك! احتس وش نوحك من اليوم منت عاجبن
نياف سكت لثواني وهو مو متعود يخبي شي عن عساف وقال له كل شي : وبس من وقتها كلما سرحت تخطر ببالي ليه وش السبب الله واعلم! وحتى دقات قلبي ياخوك غريبه!!
عساف ابتسم : والله وطلعت تحب!
نياف : بسم الله علي لااا مو حب موقف وكل شوي اتذكروه بس
عساف : تتسذب على حالك ولا علي؟ واضح انوه حب بس ياخوك اخطب ان كانك تبي بنت الناس وتزوجها
نياف : اتزوج وانت توك ماتزوجت معصي
عساف بحده : وش دخلك بي! انا لابغيب الزواج تزوجت انت وش نوحك ماتتزوج عشاني مثلاً؟
نياف : اي لا انا الي ارضاها اتزوج وانت توك ولا عاداتنا تسمح اصلاً!!
عساف : وش علييك من العادات وانا تزوجت وطلقت يعني جربت الزواج انت ماجربت ودامك ناوين تعرس توقف حياتك علي يمكن انا ماراح اتزوج ابد!!!
نياف : عساف ياخوك لاتحاول واقسم بالله اني ماراح اعرس الا وانت معي غيره لاتحاول تعرفني لاعندت
عساف : وتعرفني لاكسرت راسك
سكت نياف وهو يصد عنه وهالحركه يعني لاتحاول ماتقدر تقنعني ابد
،
بيت سعد المغرب
نور : انا مافيه يطبخ عشاء اليوم
هيام بستغراب : ليه؟
نور : تعبان كثير راسي ضهري رجلي كلوا تعبان
هيام : خلاص عادي انا سوي عشاء
ريم : هيام نقول لسعد نتعشا برا؟ مشتهيه مطعم جديد توه فاتح تصوريهم له الشكل يشهيييي
هيام: كيفك
ريم : سُلاف تحسبن له خلق مابي اقول له ويوافق عشاني وهو ماله خلق
سُلاف : مدري بس اتوقع عادي لان ماعندوه شين
طلعت ريم بسرعه لـ سعد : اخويي حبيبي وقلبيي
سعد ابتسم من كلامها : وش تبين ياعيوني
ريم : عادي نطلع نتعشا برا من زمان ماطلعنا مع بعض
سعد الي ابداً ماله خلق وفيه النوم ولاكن ميف يرد طلب لـ بـنـتـه : ابشري تجهزوا يلا
حضنته ريم بفرحه وهي تركض للمطبخ تقول لهم وراحوا يتجهزون
سعد وهو واقف عند باب البيت هو وهيام : يلااا ي رييم
ريم طلعت : يلا
سعد : وين سُلاف!
ريم : قالت الحين تجي نسبقها
طلعوا للسياره ومرت اكثر من النصف ساعه وسُلاف ماطلعت والصداع زاد على سعد بشكل كبييررر!
هيام بخوف : سعد ليه عيونك لونها احمر
سعد : مافيه شي انا بدخل اشوف سُلاف واجي
دخل وهو زاد على صداعه خوف ان سُلاف تأخرت بسبب الالم او صار لها شي دخل الغرفه بسرعه وانصدم لما شافها قاعده للحين ماقامت ولا لبست عباتها !
سعد : سُـلاف
سُلاف التفت : تأخرت عليكم؟
سعد وهو صوته عالي : وش رايك؟ وش تسوين من اليومم انتِ !!!!!!!
سُلاف ارتعبت من صوته وشكل عيونه الي لاول مرا تشوفها كذا؟؟ رفعت عباتها الي تنشفها : ء انشف عباتي رطبه
سعد بحده : تستعبطين علي انتِ البسي اي عبايه قاعه حوال الساعه هنا وحنا ننتظر حظرتك تنشف عبايتها وعندك مليون وحده غيرها!!!
سُلاف وهي الدموع تجمعت بمحاجرها : عباياتي ثلاثة وسخات والرابعه مطرزه حيل وانت حتسيت لي مالبسها . بلعت ريقها تبعد غصتها . روحوا انتم مابي اروح خلاص
سعد لاحظ عيونها الي ممتلئة بالدموع وصد بسرعه وهو مايتحمل دموعها مايبي يشوفها تبكي ابداً .. قال بهدوء : انتضرك تحت
سُلاف : ماني رايحهه
صد بيطلع وهو متوقع انها بتلبس وتجي لكن انصدم من سمع صوت شهقاتها المكتومه التفت لها وشافها مغطيه وجهها بكفوفها وتبكي
توجه لها وهو الندم بيذبحه حضنها : خلاص ياروحي اسف والله
سُلاف وهي تدفه : ابعد
سعد بهدوء : يابنت الحلال والله مو قصدي اصارخ عليك
سُلاف بدموع وحده : مو قصدك! كل ذا ومهو قصدك؟؟
سعد : خوفتيني عليك لما طولتي ماجيتي خفت صار لك شي وانا بليا تعبان اليوم والصداع ماهو فاك عني وارهاق والله العظيم ماقصدي ابكيك
سُلاف صدت وهي تمسح دمعوها : انهج للبنات ينتظرون!
سعد : انتضرك تلبسين ونطلع مع بعض يلا
سُلاف : مابي اروح!!
سعد قام وهو ياخذ عباتيها : عشاني يلا!
سُلاف قامت وهي مالها خلق تجادل ابد
وطلعوا للبنات ووصلوا المطعم عشان يتعشون
،
اما عند سند بعد الدوام
سند اتصل على رقم مجهول : انا جايكم
الشخص : تم
قفل سند ووصل للمكان وهو ينزل دخل وارتسمت ابتسامته من ملامح الشخص الي جالس بالغرفه الي انارتها خاافته جداً ومافيها اي شي فاضيه تماماً والي اول ماشاف سند صرخ : طلعتتتت انتتتتتتتت يالخسيس
سند : هههه جيتني غدر مرتين وعديتها لك بمزاجي وتجي المرا الثالثه عبالك بعديها يعني؟ معروف الثالثه ثابته ولعلمك بس ترا للحين ماشفت شي ابد حبستك هنا شهر كامل ماهي الا قرصة اذن لك وان تكررت حركاتك اعرف انك حفرت قبرك بنفسك
عواد بحده : والله ماعديهااا لككك والله لاندمك والله
سند وقف قدام عواد باستفزاز : تندم مين؟ شكلك ماودك تطلع مع الاسف خلك هنا اجل
عواد بحده : طلعني احسن لك
سند بدون لايلتفت وهو مكمل طريقه للخارج : لاتهدد ترا تندم
عواد بضعف : طيب طلعني
سند التفت للرجال الموجودين: خلوه يذلف
راح سند وماهي الا نص ساعه وطلعوا عواد الي يتحلف بـ سند!!
،
بالليل حايل وتحديدا بيت ابو عساف
عساف منسدح بفراشه والتفكير اهلكه خايف على قلب اخوه مو على حاله ابد هو مايفكر بالزواح ويمكن يطول جداً على مايفكر بالموضوع ويحس نفسه استعد وبالوقت ذا نياف بيضل مايتزوج والي خايف منه عساف ان هيام تتزوج ووقتها قلب اخوه الرهيف بيتحطم
ولكن ان فكر بالعقل مايقدر يتزوج ويظلم بنت الناس معه !
قرر قراره بعد مليون الف استخارة
،
في الصباح
نياف كان يسقي النخل الي ابوه زارعها بالحوش وابو عساف راح يجيب خبز للفطور ويتمشى
عساف : يمه انا موافق
ام عساف بنسيان : على وشو؟
عساف : الزواج
ام عساف بفرحه : حلفتك بالله!!
عساف : والله
ام عساف : الحمدلله انك وافقت مير وشهو الي غير رايك
عساف : اغير رايي يعني هههه ؟
ام عساف : لا لا
عساف : بس هاه اخطبي لـ نياف معي!
ام عساف بصدمه : من اخطب لوه!
عساف : هيام اخت سعد
ام عساف : يازين من بيصيرون حريم عيالي والله انوه كان ودي انهن حريم عيالي
عساف : تحقق مبتغاك
التفتوا على ابو عساف الي جاء ومعه فطور كذالك
،
اهل الرياض
فارس ولينا والجوهرة وسند وميلاف وام سند وسعد وريم وهيام وسُلاف اتجهوا للشاليه من بدري وضبطوا كل شي من قعدتهم للاغراض الي جابوها
قسم الرجال كانوا متكين برا
سعد : والله الجو به برد
فارس : اي والله الهوا بارد حيل صحح امشوا للمسبح نصور لـ نياف وعساف
سند : نسبححح؟؟؟؟ معصي موت برد
فارس : لا لا نصور بس
سند فهم خطت فارس الي يحاول يخفيها : يلا اجل
التفتوا على سعد السرحان وهم يسحبونه معهم
فارس وهو يمشي بشويش ورا سعد وسند عشان يطيحهم بالمسبح ولاكن فشلت خطته من يد سند الي لفته بسرعه وهي ترميه بالمسبح وفارس سحب سعد يتمسك به وطاحوا ثنينهم به وسند ميت ضحك عليهم
سند : هههههه تستاهل انت وياه
سعد سوا حاله بيطلع من المسبح وكانه بردان ولكنه سحب سند وهو يرميه بالمسبح : اضحك كذا ازين لك صدقني
نقز سعد عندهم وكملوا سباحه وبعد ساعه طلعوا وهم يلبسون
سند : امي مرسله مسويت حليب تقول تبون؟
سعد وفارس : اي
سند : بجيب لكم منها واجي اجل
،
قسم الحريم
ميلاف كانت تهوجس بعيد عن الكل وهي ماتدري انها قريب قسم الرجال وكان الضيق بملامحها واضح جداً بعد ومن كثر ضيقها مانتبهت على سند الي جاي وواقف جنبها
سند حرك كتفها بستغراب : ميلاف؟ وش فيك احد مزعلك؟؟!
ميلاف فزت : ء لا مابوه شين
سند تكتف : وليه متضايقه اجل!
ميلاف وعيونها لاشعورياً امتلت دموع لمجرد فكرة انها بتضطر تترك سهم فتره اطول : شتقت لـ سهم لي اكثر من الثلاث شهور ماشفتوه
سند انصدم ذا سبب يبكي! ولاكن هو عارف انها مره تحب خيلها .. حضنها مع الجنب وهو يمشي فيها : بس ؟
ميلاف انصدمت من قربه وتلعثمت وهزت راسها بـ اي
سند وهو يمسح الدمعه الي نزلت من خدها بحنيه : ماعاش الي ينزل دموعك ادخلي داخل وبكرا نتفاهم بالموضوع ذا ومايصير الا الي يسرك!
توردت ملامحها من يده ودخلت بسرعه تنحاش منه
التفت سند على صوت امه الي عطته الحليب وراح لقسم الرجال
،
بالخارج امام المدخل الخارجي لـ قسم الحريم
دخل قسم الحريم  بهدوء عشان ماحد يحس بدخوله ابداً ... انتبه لـ صوت سند الي توه طالع من القسم وقال بهمس حاقد : والله لاندمك ياولد عقاب واعلمك منهو انا ! واعرف اندمك بمنوا من غيرها بنت حسين!!
،،
نوقف البارت هنا
رايــكـم🩶
مثل ماتعودنا اذا نزل البارت الفجر اعدل عليه لكم ثاني يوم🏃🏻‍♀️🫶🏻